真人真事改篇﹕師生戀﹕《最接近的陌生距離》: 第六十五章之二

謝子榆！我愛你呀！
 
「死仔包！琴晚阿媽打嚟呀！問你係咪嚟咗屈蛇呀！你要我幫手講大話都單聲先啦！」電話另一邊嘅家姐對我大聲怒吼：「你知阿媽唔鍾意我成日去男朋友屋企瞓架啦！如果穿咗煲點算呀！」因為開咗speaker關係，搞到好撚大聲！
 
「吓？阿媽阻住你同姐夫扑嘢呀？」
 
「謝子匡你⋯⋯你！盈盈呀！」
 
「點呀？子榆。」Miss扮完嚴肅後就忍笑。
 




「幫⋯⋯⋯幫⋯⋯幫我記佢大過！罰佢留堂！唔畀佢放小息成年呀！！」
 
「好呀，我一定有方法教識你細佬以後小心啲講嘢。」Miss邊講邊扭我耳仔。
 
「喂⋯⋯喂⋯⋯喂⋯⋯好撚痛呀師父！」
 
「哈！抵你死呀！」家姐知我被Miss教訓就開心咁笑，然後就話：「謝子匡，你要我講大話都得！以後你要聽晒我話！」
 
「喂！謝子榆！你識唔識計數架？而家我都有你痛腳喎！你同男朋友扑嘢喎⋯⋯哎呀！」Miss又一嘢哼爆我個頭！
 




「哈哈⋯⋯盈盈好波！」
 
「Welcome!」
 
「總之我地都有大家痛腳！你識做架啦！謝子榆！阿媽問我蛇咗去邊，你就話我喺你度啦。」
 
「你個仆街細佬食屎啦！」
 
「啦啦啦啦打我呀笨！」
 




Miss受夠我咁樣蝦家姐，索性搶部電話直接同家姐講：「子榆，麻煩晒你啦。呢個假期我都想陪阿匡多啲。順手督佢溫書。」
 
「吓！放假喎！仲溫書⋯⋯哎呀！」我又被Miss打咗下。
 
「盈盈，辛苦你就真。呢個細佬真係好難頂呀。」
 
「唔係呀。有時都幾乖呀。係多嘴咗啲啫！子榆呀，咁我地傾到呢度先。放心交阿匡畀我啦！」
 
「嗯，多謝你呀盈盈！bye!」
 
「bye！」
 
收咗線後，Miss一面兇狠望住我。咁⋯⋯頭先係失晒控嘅。不過我知佢係扮惡嚇我嘅！
 
「嘻⋯⋯！」




 
See?佢忍唔住笑啦！
 
「你兩姐弟感情好好喎！」
 
「還好啦，你打我一拳，我伸你一腳。無數啦！」
 
Miss坐咗喺餐枱對面，托住頭嘆咗一口氣，話：「總好過我家不成家啦。」
 
「盈盈⋯⋯」我憂心咁講。
 
「我冇事呀低B仔！」
 
「盈盈，你好快有第二個屋企架啦。」
 




「吓？」
 
「我屋企囉！我家姐同媽咪都好鍾意你！我家姐話有你做大家姐一定好開心。因為佢唔使再對住我。」
 
「咁你點樣畀你嘅屋企我呀？」
 
「嫁畀我囉。」
 
Miss眼神一怔，然後用一個笑容帶過。
 
「你嫁畀我，做我屋企人！我嘅屋企就係你嘅屋企！」
 
Miss嘴角郁咗下，似乎想幸福咁笑，卻又笑唔出，好似好多心事咁。忽然間佢眼神認真起嚟，講咗句：「又亂噏！」佢起身走咗入房。唔使一陣就出返嚟。
 
「呯！」一聲，將一疊補充練習放喺我面前。




 
Miss一身屋企Look，但用課室女王姿態同命令我：「未考Dse就諗結婚？早咗少少喎！而家，同我，溫！書！」
 
我望住好大疊嘅練習一陣，再回望企喺我身邊嘅Miss，就爽快咁講：「知道! Miss Wong!」
 
Miss Wong好驚訝地瞪眼，然後佢忍唔住內心嘅感動笑咗出嚟，眼神帶住欣慰。
 
如是者，假期嘅第二日，就由溫書同埋Miss做埋啲返工嘢開始。