真人真事改篇﹕師生戀﹕《最接近的陌生距離》: 第十七章之四

我同Miss喺湖邊休息，佢挨晒落我度，我就好好咁攬住佢。

「低B仔。」

「嗯？」

「點解你咁叻嘅？又識影相，又帶我行山，又識煮野食。」Miss: 「班入面啲同學都好似冇你咁叻嘅？」

「哈⋯⋯其實全部都係社工教我。」





「低B仔，我今日真係好開心呀。我完完全全可以忘記工作嘅嘢。而且我可以真真正正咁做你女朋友。如果平日都係咁就好。」

「我都好開心呀。可以見到同平日唔同嘅你。」

「你知唔知呀。今日同你玩時，其實我有記返起啲往事。記返起以前啲男朋友。」

「係男朋友sssss⋯⋯」我整蠱佢加長個S音。搞到比Miss打左幾下。

「嗰時同佢地一齊開始得快，亦散得快。最耐嗰個就係同Vick。因為拍過好多次拖，我其實都就黎忘記左我初戀係點。」





「你個初戀係點架？」

Miss停一停，又講：「嗰時16歲。同外校男仔拍。但一啲都唔開心。幾個月先見一次，最後發現佢有幾個女朋友喺出面。」

「咁第一次來講，都好爛下。」講完，我錫左佢額頭一啖。

「嗯。我嗰時諗『吓？！原來初戀就係咁咋？』跟住就同過好多男仔拍拖。慢慢就唔知自己其實為左咩要同佢地一齊。然後上一任，即係Vick。喺同佢散左之後，我有諗過我同佢之間係有愛。佢真心愛過我，我亦都一樣。」

「嗯⋯⋯」提到呢個強勢Ex，我就唔自覺心跳加快。我好想叫Miss唔好再講，但又好想知佢過去。於是我都係慢慢聽落去。





「但佢個愛太令我辛苦。佢佔有慾好強，要我隨時都可以⋯⋯」Miss欲言又止，抖左啖氣再講：「我咩都比晒佢。但佢又要同我劃清界線。我想同佢一齊同居，係想避開我爸爸。但佢死都唔比我同佢住。所以就幫我租左間屋。總之，我想要佢時，佢唔會比我。但佢想要我時，就一定要喺間屋度stand by。」

Miss愈講愈傷心，我感受到佢嘅情緒變差緊。我聽到呢個經歷，我都為佢難過。但我其實咩都做唔到。而家我只可以喺佢額頭上面錫一下、再一下、再一下。

「咁你地散左，佢會唔會收返間屋定點？」

「你放心啦。交到租就得。我而家呢份工係可以支撐到嘅。低B仔——」Miss。

Miss唔再挨住我，佢坐返正個身。兩手好溫柔咁摸住我塊面，佢個樣想喊又唔喊咁，話：「我覺得今日同你一齊之後先感覺到咩係初戀。」

佢好認真咁講。

「我好似愈來愈鍾意低B仔你啊！」

聽完我好感動，喺沉默左幾秒，將Miss呢句消化左之後，我對佢做左個摸摸頭嘅動作。





佢即刻面都紅晒咁捐返落我胸膛，好難為情咁話：「啊——！好瘀呀！痴線架咩！講呢啲！——唔得啊！係咪玩Miss啊——！我要留你堂——！記你大過——！」

應該係我呢下摸頭動作一野篤爆左佢。我忍唔住笑，平日惡死人嘅女王大人竟然有小女人嘅一面。

然後佢起返身，頭髮亂晒，個樣變返喺學校咁但難隱怕羞嘅神情，話：「好！正經啲！謝同學你同我坐好！」

「最唔正經係你喎。」

「老師要你諗嘅野你諗好未？」

「咩嘢呀？」

「你夠膽唔記得左？」Miss好惡咁指住我，然後喺佢衫袋拎左頭先比佢沒收嘅condom出黎，佢話：「老師要你諗改善行為同成績嘅計劃。諗好左未？」





「喂！呢個時候你問呢啲！」

Miss企返起身，載返頂cup 帽，突然又變返黃梓盈，好可愛咁話：「諗好未呀！未諗今晚就冇⋯⋯得⋯⋯咩咩咩啦！哈哈哈⋯⋯！！」

佢拔腿就走！

「喂！唔好呀！」

我即刻追返Miss。

跟住我同Miss喺樹林同湖邊之間追逐嬉戲。由於呢個地方好隱蔽，Miss笑得好大聲，真係好活潑同可愛。

最後因為我比Miss體力更好嘅關係，我成功捉返佢。喺捉到佢一刻，我情不自禁咁將Miss抱起，佢柔軟嘅胸部緊緊咁貼住我。剎那間我被雄性本能刺激下，就同Miss熱吻起黎。

我隻手開始唔安分，先遊覽佢胸部，聽到Miss發出令我興奮嘅嬌喘後，我隻手繼續向下出發。輕輕掃過Miss腰，但正想潛入「深處」時，佢竟然捉返實我隻手。





「唔好。」

「我剪左指甲呀。」

「唔係呀，呢度⋯⋯呢度係戶外喎！我⋯⋯我未試過野戰架！」

「我等唔到今晚喇。趁冇人不如⋯⋯」

「唔可以呀！」Miss好用力搖頭，好堅決：「唔得！以前啲男朋友成日迫我，我好唔鍾意佢地咁。你係咪想學佢地咁？你係咪想我憎你？」

聽到之後，我對佢微笑咁講：「阿盈，我咁辛苦可以同你一齊。我又點會咁蠢呀。」

Miss好甜咁笑：「我就係鍾意你尊重我。」佢用力攬實我。





唉，老尷，頭先嘅前戲已經令我扯到硬晒。佢仲要咁樣攬實，好難唔頂到佢。

之後仲要搞到比Miss笑添：「哈⋯⋯咸濕仔。你真係好想搞？」

「係呀。」

「有幾想？」

「好想好想。」

「Um⋯⋯試下作篇文我睇。我再考慮下。」

「寫《我如何有計畫地去屌自己Miss》咁？」

「計劃？」Miss好似被我嘅說話提起某啲嘢：「咦⋯⋯係喎！」

Miss好興奮咁望住我，話：「我諗到啦！你係咪真係好想好想同我搞呀？」

「想呀，超級想呀！」

「咁就得啦！」

「你想點呀？」

「如果你由下星期一開始到上學期結束，唔再遲到，唔再缺席，唔再欠功課。然後考試成績全科進步二十分，而且操行拎到B+。我就⋯⋯比你同我做啦。」Miss講完之後又面紅又忍唔住笑。

「唔係下話？冇⋯⋯冇可能架喎！」

「咁你想唔想搞呀？」

「想⋯⋯想。」

「你要努力咁做個好學生啦！如果，你拎到嘅成績超出頭先我提出嘅要求的話。我可以⋯⋯」Miss忽然喺我耳邊好細聲好細聲講左啲嘢，令我眼都突埋，驚喜萬分！

「真係可以唔——」

我未問清楚，Miss就搶住講。

「——可以！Miss唔會呃你！」

「Yes!發達！我一定可以！」

我同佢又攬又笑，氣氛非常歡樂。

但係⋯⋯

突然間氣溫好似急降左，我見到Miss面色大變。

「低B仔！你千祈唔好郁！」

Miss神情好驚咁望住我背後，然後想用我身體遮擋住自己。

「阿盈，你做咩突然咁驚呀？」

「殊！你唔好嘈呀。」Miss已經將佢Cup除低，載左落我個頭度：「撞到⋯⋯撞到⋯⋯！」

我瞪大隻眼問：「撞到邊個呀？」

·
·

「Miss Wong?!」一把男人聲從後而黎。

.
.

「係訓導主任周Sir呀！」

Miss成個人震晒。

= = = = =

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師