真人真事改篇﹕師生戀﹕《最接近的陌生距離》: 第十七章之二

星期六，我同Miss一齊左一星期啦！

上星期係Miss諗邊度玩，今次到我親自操刀。一大清早就去左Miss屋企附近接佢。喺等緊Miss嘅時候，我不忘回憶起琴晚阿偉對我嘅忠告。
.
.

「做男人，要有一『套』！」

.
.




佢當時又變到成個飽受風霜嘅浪子咁，然後送左盒dom 比我。

「大哥，我祝你旗開得勝。」自從佢估到我已經同Miss一齊後，阿偉就改口叫我做大哥。（補充：佢只係估到，但冇問我係咪同Miss一齊。我地兩兄弟默契唔洗講太多嘅。）

「Brother！」我熱淚盈眶咁望住佢。

「Brother！」阿偉擁抱住我。

然後佢好細細聲咁喺我耳邊講：「嗱嗱聲除褲，等做細嘅教你載。」





「痴線！」我一野推開個痴線佬。

返黎而家呢個時空，我好小心翼翼咁將包Dom放左背囊度。好驚有咩事都會整穿左個Dom。

「食粥食飯就睇呢次啦！」

係呀，諗起上星期我就好唔甘心。真係臨門一腳出事，搞到個頭都仲係青色。不過今日就⋯⋯一定破到處呀！

我喺Miss樓下等左十分鐘，見佢未出現。諗起真係諷刺，Miss佢平日就日日捉人遲到。捉埋我就唔洗講啦。但偏偏佢自己而家遲埋到。





終於，喺Miss屋企嘅電梯大堂我見到有個身材婀娜嘅女仔行左出黎，係Miss.

果然Miss去街look比平時喺學校見到嘅靚太多。 雖然佢今日著嘅係鬆身嘅運動外套，但難掩佢由身體每一處散發出黎嘅青春氣息。今日嘅佢似一個19歲女仔，我同佢外表上嘅年齡差收窄左。最最最吸引我目光，就係Miss下身係著住條瑜珈褲啊！

瑜珈褲簡直係本世紀嘅偉大發明！係地球上所有男人嘅恩物！ 瑜珈褲嘅緊致嘅特性，係可以將女人嘅美態完完全全表露出黎！Miss今日嘅Look真係又青春、又健康、又性感呀！！

「——哎吔！！」Miss大大力扭左我耳仔一下。

「你隻眼又咁咸濕啦？」Miss谷起塊面扮嬲，但我知佢其實好鍾意我欣賞佢外表。Miss又笑返，話：「送比你。」

佢遞左紙袋比我，我打開入面係一件運動衫。

「換左佢。」 Miss笑住咁講，但感覺好命令。

= = = =





我同Miss手拖手咁去超市買野。我換左Miss送比我嘅衫，我同佢雖然唔係著同一隻圖案的衫，但色系同Miss件外套嘅色係夾嘅。我知道Miss除左想我著得靚仔啲外，佢係想同我著情侶裝。我好感激咁望住佢，佢已經將我放喺好重要好重要嘅位置。

我希望佢同我一樣，都係將我放喺第一位。

「我要呢個⋯⋯呢個⋯⋯呢個⋯⋯仲有呢個﹗﹗」Miss好似當D零食唔洗錢咁，一包一包掃落購物車。正經野都未買，佢啲零食就佔左半架車。

我將佢D零食擺返上去，Miss變到好似細路女咁向我扭計﹕「你做咩呀？比返我呀﹗」

「呢啲冇用架。我地唔係買呢D呀。」我將幾包薯片放返上架。

「唔得呀，我要食薯片片呀。」Miss又將包薯片拎返落黎﹕「你係咪唔聽Miss話！係咪要罰企﹗」佢指住我，但呢一刻嘅佢已經冇晒老師嘅氣場。

「留返三樣帶去行山。」我再將包薯片放上去，呢次仲唔到我強勢過佢？





「我全部要晒！」佢想攬實架車。

「留返兩樣。」

「唔！得！呀！」個「得」字明顯扯高音啲。

「咁唔買啦。」

「你蝦我！」

＝＝＝＝＝＝

一架出發去西貢嘅紅VAN，我同Miss坐喺最後一排。

「嗯﹗好食﹗」 Miss好滿足咁食緊佢粒糖，佢一粒駁一粒咁食，仲衰到喺我面前養下養下，眼睛發光咁話﹕「你食唔食呀？」





我對住佢苦笑，最終我不敵佢嘅撒嬌，買晒佢要嘅零食，搞到我行山袋勁重。

Miss好好奇我拎左啲咩，於是問我﹕「你帶左啲咩行山呀低B仔。好似我咁，兩手空空，幾舒服。」

「哇⋯⋯講到啲零食原來你冇份嘅！」

「你就係我個背囊嘛！」Miss挨左埋黎，佢話﹕「你拎左啲咩呀？」

「單反呀，幾枝鏡咁囉。」

「你想做咩呀？」

「幫你影相呀﹗」我點一點佢鼻尖。





「嘻⋯⋯！仲有呢？」

「一陣嘅午餐呀。」

「即係零食囉。」

「梗係唔係啦！我煮午餐比你。」

「下？點煮呀？」Miss好驚訝又好天真咁問我。

「我帶左COOK SET呀。你未試過玩原野烹飪咩？」

「咩黎架？食得嘅？」Miss好欣賞咁講﹕「做咩咁麻煩要上山煮飯飯嘅？」

Miss啲講嘢方式開始改變，佢有時鍾意講疊字增加可愛度。

「因為我之前好憧憬拍拖時諗過，如果我拍左拖之後，我一定會煮飯比我鍾意嘅人食。」

Miss冇諗過我咁認真去講肉麻野。我睇到佢第一下個眼神好感動，然後笑住咁話﹕「打冷震⋯⋯好肉麻呀﹗」

我地兩個好Sweet咁笑。

「低B仔。」Miss叫住我﹕「真係唔食？」

呢個時候我見到Miss拎住粒糖。見佢盛意拳拳，咁我就唔掃佢興啦。點知我想去拎粒糖食時，佢好快咁將粒糖放左入口。

「嘻⋯⋯」佢對住我惡作劇咁笑，然後佢又講﹕「真係唔食？」

佢將糖放喺脷頭上面，再伸出黎比我睇。呢一下我意會到Miss想做啲咩。

我輕輕托住Miss下巴，然後溫柔咁親吻佢。喺四片唇交疊之時，我輕輕咁將舌頭伸入去佢個嘴入面。只係輕輕掂到佢嘴唇，我就嚐到糖果嘅甜香。再伸入去多少少時，我同Miss嘅舌頭就彼此戲耍，互相爭奪正在溶化嘅糖果。過程既安靜又激烈，親吻嘅聲音此起彼落，然後Miss好尷尬咁輕輕推開我，一面怕羞同面紅咁話﹕「好似⋯⋯大聲得濟添。」

佢好驚咁偷望車內狀況，就放心講﹕「好在冇咩人唧。」佢合埋眼對住我嘟起嘴。

然後我地又錫過，最終我搶到差唔多溶晒嘅糖。

Miss好羞澀咁講﹕「你⋯⋯你錫人嘅Skill，進步左嘅？」

「上星期我好留心咁學。」

「哎吔﹗你個低B仔啊﹗」Miss﹕「平時上堂唔見你咁留心？」

「性教育我一定留心！」

「低B仔！」

趁未到站，我地又親熱多陣。

多得Miss，我解鎖一項成就——喺公共交通工具上面打車輪。

= = = = 

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師