真人真事改篇﹕師生戀﹕《最接近的陌生距離》: 第十三章之五

我累到成個人躺喺梳化，而Miss都瞓左埋我身邊，好小鳥依人咁挨左落我胸前。

我同Miss都冇講任何野，大家慢慢冷靜落嚟，感受寂靜時刻。或者大家想喺熱情後嘅冷卻時間，好好咁諗下我地去到呢步，到底應唔應該。

「低B仔，你打算點？」Miss動人嘅聲音，佢一直挨喺我胸前：「我指我地而家個關係發展到呢一步，你有咩打算？」

「我冇諗咁多，呢一刻我唔再當你係我老師，我只想當你普通女仔咁愛你。我真係好想同你喺埋一齊架！」

「但係我⋯⋯我啱啱先同男朋友散咗。」Miss講得有啲難過：「有啲手尾都要跟一跟。」





「即係⋯⋯你⋯⋯」我內心好驚，好擔心：「你想拒絕我？」

Miss搖一搖頭：「唔係呀。唉⋯⋯你唔明，拍拖好煩架。做大人都好麻煩。有啲關係唔係話甩就甩得晒。」

「咁你鍾唔鍾意我？」

「嗯！」Miss點一點頭：「你話呢？我咩都比你睇晒啦！」

「有你呢句就得。」我錫左Miss額頭一下：「咁你同Ex嘅事，你慢慢處理啦。」





「嗯。」Miss好似做左抹眼淚嘅動作：「你真係好特別。」

「嗯？」

「有時我覺得你唔似學生。特別呢排多咗同你獨處，我更了解到你本質。」Miss流露出一份甜蜜：「係呀！你真係好激心好細路仔好幼稚。但要成熟時，就好成熟。例如⋯⋯」

「例如？」

Miss望住我好似有啲生氣，但好快又羞澀起嚟，佢話：「『Miss，我擔心你。』⋯⋯你係要我講咁白！」





啊？！佢講緊張紙仔！

「你喺我最無助時，比到安慰我。你同一般學生唔同。喺你身上面我感受到咩叫真誠。」Miss好似想喊住咁講：「我心諗點解你可以比其他人更容易相處，更容易令人放心。」

老實講我都唔知點解。

「男朋友成日呃我⋯⋯」

「係Ex. 我先係你現任。」

「得啦！低B仔！」Miss輕輕打左我一下，繼續講：「佢話佢要搏殺搵錢。其實係陪緊其他女人。」

「佢係做啲咩？你地點識？」

「佢係Banker. 我讀大學時喺佢公司做part time時識。」Miss嘆咗口氣：「我承認初初開始時係為左學費。但後來我真係鍾意左佢。」





嘩⋯⋯Banker? 我同佢差左幾多級呀？

「佢大過我十幾年。佢真係好成熟，好man，好charm 。佢會幫我解決好多問題，好識照顧我。曾經我都比佢竉愛過。」

但⋯⋯我唔好自卑住先！點講都好，我而家喺Banker手上搶左佢條女，咁都算係一種成就呀！

「我諗佢比左好多野你。你地之間一定好多經歷。」

「嗯⋯⋯」Miss開心哽咽:「唔怕講多啲你聽。我好憎我爸爸。所以我一直想出黎自己住。呢間屋都係Ex幫我交租。」

「你地散左咁啲租⋯⋯？」

「所以你明點解我做野咁緊張啦！我係合約教師嚟咋，我出年一定要續到約！」





我同Miss沉默左一陣。然後佢又話：「所以我先話我同佢唔係話甩就甩到。」

「佢呃左我好多次。佢都唔怕比我拆穿佢去搞其他女人。」Miss愈講愈激動：「佢好理直氣壯咁話我，如果我介意佢同人爆房，我都可以識其他男仔。咁做就對大家都最公平。」

「咁都得？」成年人嘅世界真係好難明。

「所以佢對我差，我都要對佢差。睇下邊個玩得爛啲！」

Miss個報復心都好強，但最令我關心嘅始終都係⋯⋯

「所以學校啲男女關係，你同周Sir⋯⋯」

「唉⋯⋯我唔用腦囉。意氣用事。而家搞到咁都係我自己攞嚟！」Miss抬起頭望住我:「你唔介意架可？」

「介意啲咩？」





「我第一次唔係你囉。」Miss講講下又想喊：「我過去亂七八糟。我唔係一個好老師。唔係一個好榜樣！」

老實講，都冇咩好介意。由佢咁勁嘅性愛skill, 我就知道唔係佢天生出黎。佢一定係被人教過。

鬼叫自己真係執二攤咩，都冇辦法。惟有⋯⋯

「我愛嘅係而家嘅你。咁樣對我來講已經好滿足。」我講出我心入面嗰句。的確係，世間上應該冇咩人可以同Miss拍拖。我喺佢耳邊話：「我初初只係想做你隻兵仔就算。但冇諗到可以同你發展到呢步。」

Miss好感動咁流住淚，話：「所以你真係好特別。冇人試過咁樣對我。你識得體貼我嘅感受。」

我有啲比佢讚到飄飄然。或者，呢個係我打動到佢嘅原因。

= = = = 

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學