港男杜拜風流遊記

禮拜六食完個brunch，去隊翻支雪茄。 「We got a new box of Cohiba corona, would you want to have one Sir?」個賓佬waiter 有幾分似林雪，同我講野個陣搓住佢粒墨，個肚腩頂住我隻手。 「Nah，give me one Magnum 54, thanks」好幾次佢啲推介都伏伏地，就好似啲馬伕咁，次次話有好野講到白滑長腿輕熟女，點知出到嚟就係孽瘤咁樣。 我拎住支雪茄行翻去平時坐開張枱想坐低，發現有個男人已經坐咗係度。 我同佢對望咗一眼，個男人有幾分似張孝全。 純白的襯衫透現著隆起的二頭肌，前臂的肌肉紋理分明。雖然同大家一樣，作為全港最大規模的同性戀論壇嘅會員，但我好清楚，自己一直都係鍾意女人的。 「Please be seated if you don’t mind」帶住British accent嘅佢側一側面吐出煙圈。 「Sure.」當然，識多個朋友無壞嘅。 傾落佢話自己係新加坡人，係度做PE(Private Equity)，離咗婚之後佢公司send 咗佢嚟杜拜做野。 「Have you been to Barasti or Five Palm?」佢摸了一把絡腮鬍，眼神襲來幾分邪氣。 「Of course, how can I miss that」上面兩個地方就係杜拜嘅酒池肉林。 「Well, my wing man suppose going with me cannot make it for the coming rave party at Five Palm, just wonder if you will interested」說時佢用無名指將油頭掉落嚟條頭髮撥翻上去。 微漲的三頭肌，進取而柔情的雙眸，分明的骨感輪廓配著性感的鬚根，根本讓人失去抗拒的理由。 不不不，我在想什麼呢？ 「Why not?」我衝口而出。 就係咁就約咗佢24號係Five Palm見。 1月24號，嗰日係我ex嘅生日。