我們是在自修室開始的: 長洲篇(八)

由於我為了阿欣的事，而煩惱了一整晚的關係，基本上是沒有睡過覺，所以翌日我是一隻熊貓。

在長洲的第三天......
我冇起身，因為我根本冇訓過!

清晨五點，我帶住阿欣的相機去沙灘影日出。
其實影日出係藉口，我不過是睡不了才會這麼早起身。
雖然清晨五點很早，但沙灘也有不少遊客等睇日出，當中不乏一家大細和情侶組合，更有一對老夫老妻......不過除左我之外，好似冇單人匹馬影日出!
獨個坐在沙灘，趁尚有時間，我拍下還未天光的長洲，和這裡的雲。



我很投入影相，但忽然有人拍一拍我，然後嗌我的名字......原來是
阿欣：咁岩既?
我：做乜咁早起身呀?
阿欣：我想睇日出! (佢好似熊貓)
我：我都係呀，不如一齊等日出啦 (廢話)

就是這樣，阿欣就陪我邊傾邊等日出。
阿欣：做乜好似好眼訓咁既......係咪訓唔著呀?
我：咁你呢?你都成隻熊貓咁喎!
阿欣：er…第一次難免會緊張，訓唔著，我明既!


我：係囉，你第一次緊張，訓唔著，我都明既!
阿欣：咁大聲講，成個長洲都知道喇!
我：唔俾得Rebecca知架!
阿欣：你知唔知呀?人地第一次就咁俾左你，你好幸福呀!
我：其實......日出喇!

影完日出之後，我們兩個在附近食個早餐(其實係腸粉加燒賣)之後，就回去渡假屋。
在樓下......

我：sorry ah，琴晚我一時衝動先會推你落床!


阿欣：唔好咁內疚啦，我ok呀!
阿欣：返去好好訓一覺啦!
我：你都係

結果，一訓就訓到下晝四點......真係好舒服!
手機有幾十個未接來電，全部都是Rebecca，搞到我一起身就急不及待要第一時間搵佢!

Rebecca：你終於捨得起身?你知唔知依家幾點呀?拍你房門又唔應，打你電話又唔聽，你去左邊呀......(一段訓話)
我：我......岩岩訓醒
Rebecca：咁你依家出黎食野啦，我地喺xx茶餐廳呀!
我：哦

當我到茶餐廳時，已經有人幫我嗌左個下午茶餐，而班女人呢，就傾緊......
Rebecca：我唔想咁快走呀，不如喺長洲留多一日啦!
阿欣：好呀好呀 (佢講之前望一望我)


我：好呀，長洲幾好玩呀!
(其餘兩個，就繼續被無視)