我們是在自修室開始的: 長洲篇(一)

--------中環五號碼頭--------
原先這次的長洲幾日遊，是為了俾機會雙方行多一步，為對方做多一些，使我們都能真真正正感受到對方的存在，肯定對方的認真。
但這個雙人團，卻變成五人團(唔係5p團)，還要一男四女。佢班姊妹肯定每分每秒都跟到實啦，連少少機會都唔留返俾我啦!

當我去到中環碼頭的時候，女子四人組已經到齊(其實係我遲到)
她們所帶備的行李呢......嘩，唔講仲以為去錯左機場!
阿怡、細A和Rebecca都各自拖住一個喼，都唔知邊度有咁多野帶?
而阿欣的行李就確實輕便，只有一個細過翻學書包的背囊，應該係打算幾日著同一件衫掛(其實唔著仲好啦)

話說架高速船唔快得幾多，只不過係有冷氣同埋搖d咁解


搭了差不多半個鐘頭船，終於見到長洲.......個島，不過仲未到碼頭!


--------長洲--------
她們帶住沉重的行李(其實我果份都唔輕巧)，落船第一件事當然是要去租屋。

我：五個人租屋幾錢一晚?
租屋阿姐：五個人，幾多間房先?

我轉身望向後面的四個女仔，她們到露出一副猶豫又害怕的表情(唯獨阿欣冇反應)......



我：你覺得我會食左你地4個?我似d咁既人咩?
Rebecca：似!
阿欣：有咩野事的話，我地四個點算?

我：租兩間房啦，一間四個，一間一個。
租屋阿姐：後生仔，千祈唔好行差踏錯呀!

於是我們便入房放下行李。
阿欣趁另外三個女仔不為意的時候，便走了過來我間房，急急從袋中拿出兩樣東西。



阿欣：呢部，一陣出去玩，一邊行一邊影，影下海影下天咁就得。
我：咁我影唔影得妳?
阿欣：冇所謂啦，不過記得影得我靚女d喎!
阿欣：唔好影我沖涼呀死仔!
我：其實......我都唔識用
阿欣：咁簡單都唔識，一陣先教你用啦!

阿欣：呢樣野呢......你袋住先 (她講完之後有少少面紅，不過又幾可愛)
我：下，唔係咁好掛!(我都有d面紅)
阿欣：你袋住先啦，以備不時之需呀(她的臉再紅一點)
我：你想點用呀?
阿欣：er...你鍾意啦!

話說阿欣俾我的兩樣東西，係一部相機，同一盒紫色，細細盒的東西。大家明白啦!