我們是在自修室開始的: 重回自修室(下)

她一直都想溫書，而我就一直在騷擾她同埋訓覺，咁就過左一個下晝。

當我正在熟睡之中，與心目中的女神相處愉快的時候......
突然有隻體形龐大的怪物，從右邊衝過來，靠近我的耳邊講了一句：「你訓夠未呀?」
我在夢中喊道：「女神，byebye喇!」

其實，這個並不是一個惡夢，而是旁邊的Rebecca衝了過來叫醒我。
我：嘩......嚇死人咩?
Rebecca：邊有嚇你呀?唔嗌醒你，你邊捨得起身喎?
我：你溫完未呀?


Rebecca：我依家肚餓，冇心機溫書
我：你有邊一日唔係肚餓架?
Rebecca：仲唔去食野?
我：哦

之後，我地就過左去女人街醫肚。
食完飯之後呢，我送左佢去搭小巴，跟住我就走左，冇送佢返屋企原來係......懶!

雖然這一天我們回到自修室，這是一個對我和她都很重要的地方，是我們的起點，但我已經失去了當初的一份感覺，沒有了起初的暖。
而她可能對這段感情覺得疏遠了。



這一個深夜，我睡不著，也同是天涯淪落人的，是阿欣。
我打了個電話給她，打算閒聊一會，怎料......她講了Rebecca對她說的一些感覺。

阿欣：今晚Rebecca打左個電話俾我，話你今日同佢返左去自修室，陪佢溫書。
我：係係係
阿欣：佢同我講左一d野，係佢的感覺。
阿欣：佢覺得你地兩個之間的關係好似變左，失去左以前喺自修室見面時忽遠忽近的距離，若假若真的感情，同埋好似互相都對對方冷淡左......
我：我都覺，佢講得無錯，兩人在相識之時的暖減卻了，今日對對方都冷淡了，以前在自修室相見的日子，大家都怕有一天會再見不到對方，所以想念對方，為了她而瘋狂，但現在熱戀之時，可能就是因為失去了忽遠忽近的距離，不必擔心再失去對方，才使我們的愛改變。



或者，就如C AllStar的《時日如飛》所唱：
「難以將愛保存　人間的經緯總要轉
曾真心相信是永遠　一切是永遠
從沒愛是愛不完　夢見與你小小樂園
仍然在轉　還是暖　令我更加留戀」

對我來說，可能最痛的不是分手，皆因我未曾經歷過這階段，反而使我痛的是現在－－親歷兩人關係正在轉變，由熱變得冷淡，可能愛著而冷淡，比兩人分開更痛。