我們是在自修室開始的: Rebecca前任男友

我在補習社臨走之前，阿欣在我的耳邊講了一句：「去M記等我地，果道有樣野會令你好奇」。
起初我還以為她所講的是老麥的毛公仔和玩具......(的確，我還很喜歡它們) 

送完Rebecca和阿欣去補習之後，我去了M記等她倆「落堂」......
但就在佐敦道的麥當勞裡面，我遇到一個人。
這個人我是應該憎恨他的，但同時我亦應該感激他。 

我「一支公」走入M記，但正值收工時間，麥當勞擠滿了食客和幾條長長的人龍，我根本就找不到座位。
當我仍站在一旁發白日夢的時候，忽然有個男仔，看似十七、八歲的嗌了聲：「維他奶!」



竟然...竟然....竟然有人知道我叫「維他奶」，我即刻走向那方...... 

我：叫我?
男仔：坐啦，我係專程搵你的!
我：我好似唔識你架喎!
男仔：唔緊要，我識你就得啦，你依家同Rebecca開心嗎?
我：你點知架?
男仔：我係Rebecca的前男友，我叫細K
我：蝦佬蝦佬，幸會幸會 (我好假)
我：K先生，你想點呀?


男仔：冇呀，其實都係想同你傾下.......
我：咁呀，我想走先 
男仔：唔好走咁快，有d野你會有興趣

我：(露出一個八卦樣) 咁你快d講啦!
男仔：其實Rebecca佢收收埋埋好多野，可能你都未必知
我：我地兩個冇野瞞對方。

男仔：我話你知..................
我：仲有呢?(當時我聽得好投入)


男仔：.....................
我：點解你仲要傷害佢?
男仔：我有我原因，話要讀書係呃佢
我：你應該知我同佢點識架啦!
男仔：知，喺自修室識!
我：你知唔知佢果日喊得好傷心?
男仔：我都唔想搞成咁! 

他最後講了幾句：無論如何，你要好好take care佢，唔好學似我咁hurt佢呀!夠鐘上去接佢地走喇! 

就是這樣，我見過Rebecca的前男友。都幾靚仔下......不過真係好賤 
但係講到尾，當日沒有他，根本就沒有我和Rebecca這一對。