我們是在自修室開始的: 食飯篇1

肥妹仔...長腿dancer...肥妹仔...長腿dancer...肥妹仔...長腿dancer.....

好難揀呀!
其實我一直都覺得跳街舞的女仔好吸引，但絕對唔係指MK妹，而係衣著普普通通，T衫仔加條短褲果種，簡簡單單幾好呀!
而阿欣，就正正係後者。
著件T衫仔加條熱褲，顯得佢條腿特別長，條腰又幼，而個樣......唔洗多講啦，純過純品樂!
諗返果晚佢跳舞，睇正面當然好「殺食」啦，連背影都好索。
又係老麥金句出場的時候：I'm lovin’ it!

老實說，我一向也是以事論事的人，阿欣每一方面都比Rebecca優勝，連對人都溫柔過Rebecca。


不過女神還有一點缺憾，就是她的一對「導彈」不及Rebecca......得卡樂B個B
你叫我二擇其一，我梗係揀阿欣啦!
唉，我幻想多了，我有女朋友己經是上天的恩賜，現在還打算媾女神?我這種平凡人，女神又怎會看得上眼。

機會，不由得我決定，還是面對現實，丟棄幻想吧!
由於Rebecca原先與阿欣是好朋友，Rebecca又不知道我對阿欣心動，再加上Rebecca從不怕失去主權，所以她給予我很大的「自由」，連與阿欣食飯都無所謂......不過大前題係，Rebecca要在場。
這一晚，兩個令我心郁郁的女人又嗌我出去食飯找數喇!

成餐飯簡單來講，可以用一個字概括：貴
如果詳細來講，我可以寫夠兩篇，因為她們兩個幾乎是無所不談，一時講烹飪，一時講煮食(其實兩樣有乜分別)，一時講著衫......整餐飯差不多食了兩個小時，比立法會拉布和聽校長講話更難過。


這堆話題看似跟我沒有關係，但她們總能夠拉到我身上。

Rebecca：整cupcake，落雪糕最好食
阿欣：你邊道見有cupcake裡面有雪糕
Rebecca：係你見識少啫
阿欣：點樣擺舊雪糕入焗爐焗呀?你係咪食慣雪水?
Rebecca：出聲啦死仔，你有冇食過雪糕cupcake呀?

女人鬧交真係好煩呀!!!其實我真係未聽過雪糕cupcake，更加諗唔到點整，所以我基本上係企阿欣果邊......但係我又冇得唔幫Rebecca喎，所以......
我：我好少食cupcake


阿欣：你真係得意!

吓，阿欣話我好得意???
我一言不發，接住阿欣也知道問題出現了，所以面紅一紅(佢面紅個樣好得意呀)
又輪到炮手Rebecca打破沉默......

Rebecca：算啦，我得閑整俾你地試下啦
我心諗：連埋雪糕擺入焗爐會唔會爆炸架?
阿欣：聽住先啦!