我們是在自修室開始的: 表白
預備出去與Rebecca見面之前，因為我對這方面沒有經驗的，所以仍是躊躇不定，不知怎樣面對......於是我在一個與friend閑聊的Whatsapp group徵詢友人的意見。
--------Whatsapp group對話內容--------
我：佢話我係target喎，一陣就要出去同佢見面，應該點講好?
朋友A：咁你點諗?
朋友B：鍾意人咪出聲囉!
我：老實講，我喺自修室果陣有少少心動
朋友A：咁依家呢?
我：我覺得一切都發展得太快，同佢先岩岩識左一個禮拜有多，咁快就發展到果步會唔會太快?
朋友B：唔好俾自己鍾意的人走左去，尤其是你知道左對方的諗法
朋友A：唔快，我同之前個女友都發展得好快
我：點止呀，你地仲好快散!
朋友A：講返你果筆啦，咁你鍾意人咪開口講，唔洗怕醜喎!
我：哦
朋友B：記住，搵到自己鍾意的人好難得，唔好俾自己後悔我：哦
聽完佢地講之後，我依然係好迷惘，連稿都冇準備就出左去同佢見面。
而我地今次見面的地方，正正係我地相識之地－－自修室......隔離個圖書館。
好了，我不知所措，但也到了圖書館。我到達的時候，她已經到了，所以我連ready的時間也沒有，唯有即場應對，見招拆招啦!
--------圖書館--------
Rebecca：你果日冇事丫嘛，做乜聽到我咁講就喊
我：冇事，我諗返起以前
Rebecca：以前?你唔係絕緣體咩?
我：係係係...(其實佢應該係等緊我講)
我：其實呢,,,我唔信...我係你target
Rebecca：我......(佢面紅了)講真架!
我也面紅了，但這是緊張的面紅。
我伸手握住她的右手......
我：其實呢，我喺自修室見到你已經......鍾意左你 (實係咁啦)
Rebecca：我都係
之後我倆拖著手，離開圖書館，好滑。
離開前，望向圖書館隔離的自修室，有一男一女坐在隔離溫書......
使我懷念那時，與她在自修室共處的日子，還記得她的淚、我們偶然的互望，還有那張memo紙，沒有它，可能就沒有我們。