我的自傳 一個女孩墜落的故事: 36.被遺棄

幾天之後
其實我同媽媽最近都未甚麼交集
但她最近的行為很奇怪
只知道她最近都冇開工
而且經常都不在家

直到有一日放學之後
我番到屋企卻發現
媽媽已經打包好哂她的行李
在廳中坐著


我大慨已經估到發生咩事

媽：阿彤你都16歲了，大個女了
我：不如你想點就講啦⋯⋯我知道你一直都當我負累
媽：唔係咁，不過阿媽都係時候要追尋自己既幸福了
我：哦，咁祝你幸福啦
媽：阿媽唔可以帶你去了，佢同佢阿媽唔知我有個咁大既女跟住我，不如你番去大陸啦，阿姨阿婆佢地會照顧你
我：我係香港咁多年，你叫我番大陸，你有冇諗過我想點架
媽：我知道，但香港你一個人點生活
我：咪學你靠男人囉，同埋我有手有腳點解生活唔到


媽：依度5萬蚊，你拎住啦，你唔夠再問我，同埋我再比生活費同幫你交租你
我：依5萬蚊係我最後問你借，我有錢會還番比你，依間屋我住既話我會自己交租，如果有一日你見我無再交租，代表我已經搬走左，你可以取消左佢
然後我強忍淚水跑左出去

由個一天開始，我知道我已經無阿爸阿媽
之後我聽番黎既係，
阿媽識到既係一個馬拉華僑，屋企好有錢
當然個傻仔唔知阿媽咁多黑歷史
只係知道佢離過婚，有個女，即係我，但冇見好多年
所以就選擇左送我番大陸或者比錢我


而我心中已經當我媽死左⋯⋯

個晚我唔想番屋企唔想見任何人
我去左老麥坐左好耐
直到天光先番去
番到去已經得番好少野係度
而由依一日開始我知道真係要自己搵錢
由搵錢就快既方法就係賣身⋯⋯
而個時最流行既就係援交