我的自傳 一個女孩墜落的故事: 20.霧水

那天之後我和阿詩的關係好奇怪
好像大家都故意避談當天的事
大家依家關係係點
情侶？繼續做好朋友好閏密？床伴？
定其實只係一夜激情

係依段時間我都有如常番下工番下學
畢竟我都想好似阿詩咁
逃離依個家，過自己自由自在既生活
我那時既夢想好簡單


好似阿詩咁有一個屬於自己既空間就夠
而自己華叔番左大陸之後
我媽媽最近竟係少左帶男人番屋企
而我都不以為意
始終自從上次之後，我同我媽關係已經好差

而我最近都除左番阿詩度番工之外
都有接下私影JOB
而我一開始係係啲網上討論區放上自拍
自拍相咁呀


而亦都好快有人搵我去影
有一啲真係好正經既龍友
又有啲毒毒地
當然都有啲變態「問價」
或者打黎「讚揚」下我身材咁

而係私影依個圈，當然識到啲都係差不多年齡既女仔
其實阿詩都有接JOB，一開始都係佢教我點上網搵客
不過佢話自己有啲男仔頭，又懶，
寧願老老實實打下酒吧工算


所以都好少再接

而好快我識左個男仔
佢叫steve,佢話自己28歲
正職係做銀行
每個星期六或者星期日總有一日STEVE會約我出去私影
佢都基本上變左熟客
佢亦都會帶一啲衫比我著
佢都幾鐘意日系既水手服之類
我都開始笑下佢，其實係咪好鐘意學生妹
而佢同其他人好唔同佢會好紳士
每一次都會接送我番屋企
亦唔會好似啲毒男咁「視姦」我
佢都會揸車，亦都好識搵一啲靚景
之後又會帶我食下好野咁


對我依啲妹妹仔黎講，佢就好似個咩都識既大哥哥咁
佢又有一定經濟能力，講野又幾幽默咁
所以我都對佢幾有好感
而我冇同阿詩講過STEVE 既存在
因為我唔知到底我同阿詩係咩關係
而我亦都覺得STEVE係一個好人
應該冇咩問題既