執屍執到女殭屍: 廿二．肉鎧
第二朝Marco瞓醒嘅時候，已經接近中午。身邊嘅Suki仲安靜咁瞓緊，而房入面見唔到Jennifer嘅踪影，似乎佢已經先一步走咗。Marco起身嘅動作驚動咗Suki，佢亦慢慢咁擘開雙眼。望住啱啱瞓醒，成個樣好似仲係蒙查查嘅Suki，Marco湊到佢面前，輕輕鍚咗佢一啖。Suki無講任何嘢，只係繼續同Marco對望。兩個人你望住我，我望住你，溫馨嘅時光最後俾Suki個肚傳出嘅咕咕聲打斷。Marco呆咗一呆，笑咗出嚟，結果俾Suki啪一聲打落佢手臂迫佢收聲。係嘅，解決發現問題嘅人，迫佢哋收聲，幾時都容易過解決問題，或者Suki都有做領導人嘅潛質。
其實佢兩個成朝到而家都無食過嘢，肚餓都好正常。不過出發去食飯之前，佢哋都要先檢查尋晚嘅成果。放喺床邊嘅長精一號長劍，劍刃發出強烈嘅藍光，睇嚟強化已經成功。當Marco將長劍握喺手，佢可以感覺到當中同之前不可同日而言嘅力量。而當Marco集中意識，似乎可以同呢種源自佢精液嘅力量溝通，甚至控制力量嘅流動同收放。不過佢而家無時間慢慢試，都係先醫肚要緊。Marco同Suki快快手著返衫，出發去飯堂。一出到走廊，就撞見相反方向走嚟嘅Jennifer，同佢哋講：「你哋終於醒咗喇？我有啲嘢要同你哋講。你哋都應該肚餓，一齊去食飯啦。」Jennifer仲係著住尋晚果隻白恤衫，而家已經完全乾晒，配上一對涼鞋。Marco望住Jennifer露出嘅一對修長美腿，知道大腿根嘅盡頭只有一條丁字褲，再無其他嘢，不禁又吞咗一下口水。
Marco同Suki陪住呢位下身若隱若現，大搖大擺咁走入飯堂嘅長身美女，坐低咗喺落地玻璃旁邊嘅一張枱。唔止飯堂入面所有人，連外邊嘅人都透過落地玻璃，將視線集中晒喺Jennifer交叉嘅一對雪白長腿之上。每個人，特別係男人，都驚嘆Jennifer恤衫底下嘅熱褲實在係短得不可思議，只有Marco同Suki知道Jennifer根本就無著褲。Marco覺得場面有啲尷尬，正想用長劍強化成功打開話題，Jennifer已經先佢一步：「我今朝見到長精一號已經成功強化。趁你哋仲瞓緊呢段時間，我同Sin傾過，佢已經清楚情況，而且佢都同意我提出要更換戰鬥員武器嘅提議。」Suki問：「換戰鬥員嘅武器？」Jennifer答：「無錯，我哋都見過，戰鬥員所用嘅武器對變種彊屍或者半彊屍根本就無效。而強化咗嘅長精一號，本身就算唔再接收Marco嘅性興奮訊號，都可以發揮剋制彊屍嘅效果。如果交到戰鬥員手上，就算唔及喺Marco手上咁大威力，都比現有嘅特製武器有效得多。不過強化過程……我諗Marco都要休息一下，無可能即刻大量生產。所以Sin會由我哋兩個嘅武器開始，先整好長精三號同四號，然後交俾Marco強化。當然唔少得Suki你繼續幫忙，我都會一齊幫手嘅。」
Marco聽到Jennifer要繼續幫手，陰陰嘴笑咗一下。跟住落嚟嘅一餐飯，Suki對Marco嘅攻擊似乎特別凶狠，幾乎一想夾餸就俾Suki搶走，成餐食白飯咁滯。Jennifer笑住睇佢哋嘅攻防戰，輕輕印住腳，完全懶理自己雙腿每一下動作都挑動全場男性嘅神經，繼續若有所思咁食完呢餐飯。幾日之後，Sin就成功完成咗長槍型嘅長精三號同雙刀型嘅長精四號。為咗強化呢兩件新武器，Marco間房又一次接一次，發生連場大戰。
組織一直都未搵到蠍藍同Jimmy嘅下落，更唔好講從未喺佢哋面前現身嘅蛟白。估唔到最後Jimmy嘅出現，喺由同佢一直糾纏不清嘅Helena引起。就喺Helena轉到嘅P小隊執行緊消滅殭屍行動嘅時候，Jimmy突然喺佢哋面前出現。Jimmy已經完全吸收咗水晶嘅力量，外型都產生咗好大嘅變化。佢無好似蛛紅同蠍藍咁保持普通人類嘅外貎，而係變成超過兩米高，滿身肌肉暴現，兩隻前臂同手掌大到不成比例，好似大力水手咁。佢同之前一樣，背後有八隻觸手，手腳俾黑色嘅黏膜包住。Helena從佢滿佈青筋嘅面，勉強認到係Jimmy。諗起之前俾Jimmy凌辱嘅各種場面，Helena嘅下體竟然開始變得濕潤。喺Jimmy失踪呢段時間，Helena呢種不尋常嘅性需要一直都得唔到滿足，只可以勉強抑壓住。面對Jimmy嘅襲擊，Helena好快就放棄咗抗拒，或者佢正正就係期待緊Jimmy對佢為所欲為。P小隊嘅其他成員一經交手，就知道無可能對付得到半殭屍，立即向分局要求支援同盡量拖延時間。
分局收到P小隊嘅報告，立即通知Jennifer，Suki同Marco出動。相對於Jennifer睇得出嘅興奮，Marco更多嘅係不安。終於要同Jimmy正面決戰，Marco既無必勝嘅把握，亦唔知如果贏咗，點可以親手殺死一直同自己係死黨嘅Jimmy。Suki睇穿咗Marco嘅不安，捉住佢隻手同佢講：「果個已經唔係你識嘅Jimmy，係一隻怪物。我哋唔消滅佢，佢就會繼續傷害其他人㗎喇。」Marco點點頭，明白呢個係唯一嘅選擇。
「P小隊喺第一次報告之後一直都無通訊，好大機會已經全滅。」耳機中傳嚟Sin嘅通訊。Marco佢哋一行三個人去到P小隊遇襲嘅汽車廠，要搵到Jimmy一啲難度都無，因為佢根本無匿埋，一隻巨大嘅怪物大刺刺咁企咗喺度。Jimmy嘅附近係P小隊三個成員滿身鮮血嘅屍體，全部都係裸體，下體染滿大量精液。Jimmy身上有一個熟識嘅身影，全身赤裸嘅Helena雙手雙腳都俾觸手綁住喺Jimmy嘅背脊，身體掛喺Jimmy胸前，俾Jimmy碌嘢插住下體，正正係一件肉鎧嘅姿勢。Jimmy對Helena講：「試咗咁多件，都係你最啱我心水。」Jimmy碌嘢不斷上下抽插撞擊Helena嘅身體，將兩個巨乳撞到亂彈亂跳，同時令Helena發出比起痛苦，更似係享受嘅呻吟聲。