執屍執到女殭屍: 十八．敵襲
每次同Helena做愛之後，Jimmy都會聽到果把聲。「你想唔想滿足更多嘅慾望？我可以俾到果種力量你！」果把聲係咁樣同佢講。「睇嚟同Helena做得實在太過火，次次都連續搞幾鑊，難怪攰到會有幻聽。」Jimmy係咁諗。佢知道無人同佢講嘢，根本唔需要理，都係瞓多陣休息吓比較實際。
難得唔駛出動，Sin又忙住研究結晶碎片，唔得閒捉Marco去做實驗，佢今日可以同Suki一齊食早餐。每次同Suki食嘢都係一場一面倒嘅攻防戰。Suki食得唔多，但係總係想試多幾款嘢食。佢自己揀咗A餐，當見到Marco嘅B餐有自己想食嘅嘢，就會唔客氣咁夾走一件。Suki唔單止喺戰鬥中身手了得，連夾嘢食都又快又準，Marco根本招架唔住。然後Suki因為「驚Marco食唔飽」，會將自己個餐之中唔食嘅青豆、西蘭花之類，又或者通粉、飯麵送返俾Marco。Marco心諗飯堂其實來來去去都係果幾個餐，唔知點解Suki咁鍾意試自己個餐啲嘢。不過見Suki玩得開心，Marco都無乜所謂，只係作狀防守一下，而且間中Suki仲會恩賜一件半件覺得好食嘅餸俾佢添。
食完個早餐，Marco飲緊永遠都飲唔完嘅最後幾啖凍檸茶，Suki就講緊最近分局流傳關於啲結晶碎片嘅靈異傳聞。乜嘢夜晚會突然發出綠光，見到女鬼喺實驗室出現，甚至有人聽到啲結晶同佢講嘢，又或者發出BB仔嘅喊聲。喺一個以消滅殭屍為目的嘅組織入面，照計幾奇幻嘅傳聞都唔算太誇張。Marco同Suki都係將啲傳聞當係笑話咁講，不過佢哋都覺得結晶碎片的確邪門，希望Sin快啲研究完毁滅咗佢。
突然飯堂響起咗警報聲，跟住就有廣播：「分局受到敵人嘅攻擊，數目未明。所有戰鬥人員請換上裝備，去到附近嘅指揮室集合。非戰鬥人員請退到安全區。」Marco同Suki喺呢度都有一段時間，準備好隨時要出動，裝備都隨身帶住。佢哋即刻衝入廁所，換好戰鬥服同武器，一齊去到最近嘅指揮室。喺指揮室，佢哋知道突然出現咗大批殭屍襲擊分局，周圍都有戰鬥員同殭屍戰鬥緊，有啲殭屍已經突破防線，攻咗入到分局內部。實驗設施果邊嘅攻勢尤其猛烈，Marco同Suki亦趕去果邊支援。一路上佢哋都有撞到殭屍，大部分都係俾Suki消滅。Suki見Marco把長劍喺基本狀態，作用真係強差人意。周圍都係戰鬥緊，Suki總無理由停低同Marco口交充電。但係佢都將Marco帶埋一邊，用手撫摸Marco下體，同時喺Marco耳仔輕輕咬咗一下，總算令Marco有返啲刺激，佢把長劍亦有返啲起色，一路上斬殺到殭屍。
當警報聲響起嘅時候，Jimmy都起咗身換上戰鬥服同攞起武器。喺去附近指揮室嘅途中，Jimmy又聽到果把聲，今次比之前聽得更清楚，好似可以聽到由邊度傳嚟。佢沿住把聲嘅方向一路去搵，不經不覺就行到實驗設施果一區，再走到一間實驗室外面。把聲越嚟越大聲，Jimmy知道自己無行錯，佢要搵嘅嘢就喺呢一度，佢而家所諗嘅亦只有要搵到把聲嘅主人呢一件事。實驗室一般會有戰鬥員負責看守，但係佢哋而家去晒同殭屍戰鬥，門口只係得返兩個普通警衛喺度。佢哋完全唔係著住戰鬥服嘅Jimmy對手，幾下就被俾佢打暈咗。
Jimmy打開門，見到實驗室入面放住蛛紅身上結晶嘅碎片。Jimmy可以肯定果把聲就係嚟自呢兩塊碎片，佢打開裝住碎片嘅玻璃箱，伸手去攞起碎片。當Jimmy嘅手接觸到碎片果一刻，碎片發出紅光，然後兩塊碎片合而為一，變返一粒完整嘅結晶。Jimmy而家清楚咁聽到粒結晶同佢講：「你想唔想滿足更多嘅慾望？我可以俾到果種力量你！」Jimmy答：「想呀，我想滿足更多嘅慾望。」結晶融入咗Jimmy嘅手掌，而Jimmy感覺到澎湃嘅力量不斷由身體入面湧出嚟。憑住呢股力量，Jimmy覺得自己簡直無所不能，可以達成一切嘅慾望。身上嘅精服唔知點解令Jimmy越嚟越唔舒服，終於佢將成件精服撕爛掉開。
Jennifer都喺實驗設施外面消滅咗一輪殭屍，之後佢入咗去設施入面搜查有無漏網之魚。當佢行經放住結晶碎片嘅實驗室外面，見到兩個警衛俾人打暈咗，心知不妙。Jennifer入到實驗室，見到嘅係有一隻眼珠已經變成螢光綠色嘅Jimmy。Jimmy身上無著衫，手腳俾黑色嘅黏膜包住，手握住彎刀，背後有八隻八爪魚咁有吸盤嘅觸手，而觸手中間係蛛紅果粒深紅色嘅結晶。Jimmy見到Jennifer，仲同佢打招呼：「Hi Jennifer，乜咁啱你都喺度嘅？」跟住就向Jennifer攻擊。Jennifer一邊閃避攻擊，一邊想破壞Jimmy背後嘅結晶。但係同上次對住蛛紅唔同，Jimmy睇落去雖然精神異於常人，但係佢係聚精會神咁對付Jennifer，無俾Jennifer任何偷襲嘅機會。Jimmy而家嘅力量似乎比蛛紅仲差一截，但係都絶對唔係普通殭屍嘅級數。喺壓倒性嘅力量之下，Jennifer俾Jimmy打到撞咗埋牆。
喺分局嘅控制室入面，Sin同啱啱行入嚟，著住藍色恤衫嘅男人打招呼：「你好。你係．．．半殭屍？」男人向Sin微微躹躬：「係，你好。我叫『蠍藍』，你似乎係呢度嘅負責人？」男人其中一隻眼珠係螢光綠色，明顯係半殭屍嘅特徵。控制室入面嘅幾個戰鬥員都緊張戒備，但係Sin知道同對方實力懸殊，叫佢哋唔好出手。
「我一直都以為只係女性先會變成殭屍，睇嚟係我搞錯咗。咁今次殭屍嘅攻擊係你指揮嘅？唔知所為何事呢？」Sin問。殭屍同消滅殭屍嘅組織互相攻擊，似乎係理所當然。不過如果對方喺想消滅分局，而家應該已經出手殺晒控制室入面嘅人。佢無即刻咁做，應該係另有所圖。蠍藍對Sin嘅理解能力相當讚賞：「你似乎係可以溝通嘅人。我哋半殭屍同殭屍唔同，只要吸收咗結晶，男女都可以變成半殭屍。請你放心，我唔係想嚟消滅你哋。正如你所見，如果我要咁做，而家已經可以郁手，而且毫無疑問會成功。今次嘅襲擊，只係為咗製造混亂，方便我入嚟搵返蛛紅嘅結晶。」
「蛛紅、我，同埋你哋應該仲未見過嘅蛟白，三個擁有結晶嘅半殭屍，原本勉強算係維持到均勢。蛟白雖然比較強，但係都怕同蛛紅或者我戰鬥完，會俾另一個乘漁人之利，所以一直都相安無事。偏偏蛛紅俾你哋消滅咗，淨返蛟白同我。咁我唯有攞到蛛紅嘅結晶，吸收埋佢嘅力量，先可以同蛟白對抗。其實咁對你哋人類，都係一個最好嘅結果。相比起蛛紅同我，認為一定要留返人類作為殭屍嘅食物來源，蛟白一直都想消滅人類。如果俾佢先一步攞到蛛紅嘅結晶，咁佢之後會消滅埋我。當佢集齊三粒結晶嘅力量，就可以實行佢消滅嘅人類嘅計劃，無人可以阻止到佢。」
「咁而家你可唔可以話俾我知，結晶喺邊度呢？」蠍藍再問，似乎已經係最後通諜。當Sin仲猶疑緊要點樣答蠍藍，控制室嘅緊急通訊突然傳嚟Jennifer嘅聲音：「結晶俾Jimmy吸收咗，要求支援。呀．．．」然後通訊就中斷咗， Jennifer對Sin嘅追問亦再無反應。蠍藍望住控制室螢幕上面顯示嘅地圖同通訊位置，對Sin講：「原來喺果度。我失陪先喇，後會有期。雖然可能你哋唔會想再見到我。」之後就咁離開咗控制室。