執屍執到女殭屍: 四．現場

實驗開始咗兩個月之後，Sin終於得出結論，喺小左小右陪同之下公佈結果。小左同小右似乎似孖生姊妹，由於經常跟住喺Sin兩邊，大家都叫佢哋小左小右。實際上邊個係小左，邊個係小右？因為兩個人樣貎、服飾、打扮同把聲都一樣，大寥根本分唔到。或者Sin係分到嘅，不過佢亦從來無同人講過點分。總之對其他人嚟講，喺Sin左邊嘅果個就係小左，右邊果個就係小右。更多嘅時候，大家都係小左小右叫晒佢哋兩個。
 
言歸正傳，實驗結果顯示，Arin同其他男人性交，不單止唔可以降低活屍指數，反而會因為吸收精氣而令指數暫時提高。好彩嘅係，由於Arin本身個指數已經喺一個比較低嘅水平，好快就會回落返，無論佢吸收幾多次，都唔會因為指數超標而再殭屍化。當佢同Marco或者Jimmy其中一個單對單發生性行為，可以少量降低指數。而當同Marco同Jimmy進行3P，指數就會大幅下降。
 
Marco同Jimmy嘅身體似乎擁有獨特嘅性質，喺性交過程之中可以抑壓活屍指數。而且當兩個人同時搞，會產生相輔相成嘅效果。可惜目前無辦法分析或者複製到佢哋呢種特性。簡單嚟講，要令殭屍化嘅人回復正常，暫時最好嘅方法就係要Marco同Jimmy一齊同佢玩3P。
 
Marco再次抹一額汗。如果當日唔係自己嘅插入早一步弱化咗殭屍化嘅Arin，自己根本無可能頂得住強化咗嘅Arin襲擊，肯定俾佢咬完吸乾而死。又好彩Jimmy跳上床玩3P，Arin先可以變回原狀。
 
「咁而家實驗完，係咪可以放我哋走喇？」Marco同Jimmy問Sin。「關於呢樣，我希望兩位可以繼續協助我哋嘅研究。始終目前嘅結果只係由Arin一個個案嘅資料得嚟，無辨法知道對其他殭屍化嘅個案係咪都適用，所以之後兩位要喺其他個案身上繼續進行實驗。順帶一提，呢個提議同之前嘅一樣，係無拒絶呢個選項。」Sin繼續笑笑口咁答。
 


Marco聽到無得走，同Jimmy講：「咁即係要繼續留喺呢度搞殭屍，至少都算唔駛做有得爽，咪當自己做AV男優囉。」Jimmy苦笑咗一下嚟回應。
 
Sin跟住繼續：「我想糾正一下，唔係喺度搞，而係去消滅殭屍嘅現場。如果可以嘅話，我都希望兩位唔駛冒險，留返喺分局呢個安全嘅地方。可惜以目前嘅技術，要長時間壓制住已經殭屍化嘅人，仲要長途拔涉由現場運返嚟同你哋進行實驗，係一件無可能嘅事。事實上戰鬥員正常咁消滅殭屍，已經係非常危險嘅事，間中都有戰鬥員受傷甚至死亡。我哋盡力可以做到嘅，喺由戰鬥員喺現場短時間控制住殭屍，然後由你哋進行3P，再確定係咪可以令殭屍化嘅人回復正常。時間有限，記得動作要快呀。」
 
Marco同Jimmy聽到要去現場，嚇到褲都濕埋咁滯：「我哋兩個普通人，要去同殭屍搏鬥，你咁即係擺明想我哋死啫！」Sin保持從容不迫：「請兩位唔好誤會，你哋絶對係我哋最重視嘅研究材料，要你哋去現場冒險實在係迫不得已。其實咁樣做，對同行嘅戰鬥員亦係非常艱難嘅任務，甚至會增加傷亡。所以我哋除咗會選出精英戰鬥員保護你哋，仲會由今日開始，對你哋進行體能同戰鬥技巧訓練。當然效果同著住戰鬥服嘅戰鬥員唔可能相提並論，但喺會務求令你哋可以盡量自保。」
 
由Sin嘅態度，Marco同Jimmy都知道呢個決定已成事實，多講亦無用。之後Marco同Jimmy就開始咗半年嘅地獄式訓練。到期滿之時，佢哋除咗唔識揸飛機大砲，戰鬥力拍得住軍事大國嘅特種部隊。另一邊廂，組織對Arin嘅研究已經結束。經過反覆嘅實驗，Arin體內嘅活屍指數已經低到同普通人無分別，唔再適合提供數據。佢哋將Arin送咗去一間外國嘅療養院，慢慢回復呢段期間所受嘅身心創傷。至於最後可唔可以離開療養院重回正常生活，就要睇佢自己嘅造化。