728鏡現場: 1

7月28日20：35，帆布揭開，12位鏡仔從天而降。代表著場show正式開始。

一開始係唱團歌，然後就分group唱或者自己solo。（細節唔講）

其實成場氣氛真係perfect，mirror每位成員加埋咁多位鏡粉，真係high爆全場。

佢哋每一個人嘅狀態都唔只滿分，而係爆分，舞又齊；聲又靚，簡直人靚聲甜。

我個人最深刻嘅係tiger唱《黑之呼吸》嗰part，見到佢啱啱對住我嗰邊，一路彈結他一路唱歌，唱得好好聽。





雖然一定冇唱到阿jer咁，但係唱得好平穩，好有台型，好深刻。

去到呢到我想跳一跳返去前面嘅表演。係Anson Lo solo《King Kong》嘅時候。

當佢唱到中後段嘅時候，舞台中間升起咗，而且升成梯級狀。

理應到副歌嘅時候，個台會變翻平，但係又係冇做到，dancers根本唔夠時間慢慢行落「樓梯」去自己個位到跳。所以結果係有啲上咗梯級嘅dancer就咁就跳落去。

「執生」唔係咁執架。執生有咩可能會執漏個「安全」！？





最後因為Anson Lo跳唱完《King Kong》舞台冇如常將佢降落去換衫，所以佢要好似行時裝展咁行去第二度降落去。

順帶一提嘅，係mirror合唱嘅《12》嘅時候AL不慎走咗音......

跟住，再隔多幾個表演之後，就到Edan出嚟彈琴，然後再到AL都出埋嚟聯手彈《My apple pie》。

跟住就係全場最後一個表演——《Elevator》