有一晚，我打飛機打到條jer斷左: （66）

嗰班外星人被帶返去靈結石位處嘅山谷。

舊石呢刻暗淡無光，安置於半空中嘅花槽。

隻卡通貓願意交出力量，佢帶頭擒梯爬上去，將體內嘅能量輸送返俾舊石。

至於輸送嘅方法好簡單，就真係直接嘔返啲紫色嘅能量出嚟。

啲能量嘔曬出嚟之後，隻貓就變返好似一塊紙板咁薄，慢慢咁飄返落嚟。



其他外星人就跟住照做，排住隊輪流上去嘔。

本來變得暗淡嘅靈結石，漸漸綻露返光彩，最後都成功回復返原來嘅樣貌，亦即係一舊發光嘅紫水晶石。

與此同時，我地斯比列特人啲手手腳腳，終於都可以連返埋。

大家拿拿臨四圍去搵返自己失散左嘅肢體，然後慢慢組合返成一個完整嘅人。

我、格格同佢細佬嘅手手腳腳因為早就喺身邊，所以唔洗周圍搵，直接拎上手逐一駁返埋。



我先用手將兩隻腳，駁返上嗰身，跟住左手揸住右手，接落去膊頭度。

就係咁，我一步一步將自己砌返好。

接住落嚟，就係我地最期待嘅時刻。

好快就會知道嘉奈嘅真身點嘅樣。

喺度再提一提大家，嘉奈個樣係屬於甜美可愛型，塊面唔肥，照計就唔會係個肥婆。



只但係就唔知對波大唔大，對腳長唔長？

我抱住美好嘅幻想，等待嘉奈出現。

咦！喺遠處行緊過嚟嗰個，咪就係佢！

我眼都唔眨，望住佢行過嚟！

當佢逐漸行近，卒之都睇見佢嘅body。

嘩！唔係呀嘛！條女真人比絲姬咁款嘅！

唔係可愛版本嗰個比絲姬，而係全身爆肌、變到成個大隻佬咁嘅比絲姬。

以防大家無睇過Hunter×Hunter，我在此具體形容一下。