有一晚，我打飛機打到條jer斷左: （61）

數一數，望一望，眼前有接近二十部太空船。

無論有幾多架我都照上，因為呢刻就係我「挺身而出，化作救世主，打敗啲外星人，最後抱得美人歸」嘅好機會！

「巨龍」fing住兩個啷啷，以極快嘅速度飛近一部離自己最近嘅太空船。

馬眼伸出一把鋒利無比嘅長刀，橫向一劈，直接將底部嗰碌鋼炮一分為二。

跟住碌嘢三百六十度旋轉，長刀跟住咁快速轉動，由個底一嘢隊穿上個頂。



「Boom」一聲，成架嘢即刻爆炸，裡面嘅外星人逼住跳傘走佬。

其他嘅太空船停止攻擊個星球，並視我為目標，瘋狂開火發炮。

一支支飛彈追住我嚟射，我除左靈活閃避之外，當然都要出擊還拖。

佢地射炮彈，我就出火球。

我收起把刀，用馬眼射出烈焰火球。



雖然我係以第一身出招，但都想象到喺旁邊睇嘅話，應該都會覺得幾震撼。

橙色嘅天空上，一碌大賓周向住啲太空船，不停射出健身球咁大個嘅火球。

當中有五六架太空船被擊中起火，由頭燒到落尾，燒到含含聲。

而估唔到班外星人都有啲頭腦，好快就改變策略，用炮彈抵消我啲火球。

既然係咁，我都跟隨轉換攻擊模式。



我將碌嘢化成麻繩咁長，然後當正自己係西部牛仔咁，狂fing兩粒睪丸。

之前提到，有幾隻慘死鬼係被車撞死，佢地嘅能力就係產生出如撞車一樣嘅衝撞力。

依家兩粒蛋蛋就係獲得佢地加埋所得嘅超巨大撞擊力。

成條嘢就好似拋鉛球向住面前一架太空船拋出去，兩粒大睪丸「砰」一聲撞爆駕駛室，即時就令到成架機失控墜毀。

眨眼間，敵方就得返十架機。

當我諗住將佢地繼續逐一擊散，殊不知佢地居然學人玩合體。

十架機組合成一部猶如鐵甲人一樣嘅機械人。

個機械人起碼有成五層樓咁高，又橫又闊。



反觀我只係一碌兩個雪糕筒加埋咁大嘅賓周，突然間就被對手比下去。

「佢地合體變隻咁嘅機械人出嚟，點搞好呀？」我問其他上左身嘅鬼。

楊家成搶答：「理得佢咁多，咪照頭先咁樣出招囉！」

「但係有用咩？」

「用咩用都試下啦！」

我照楊家成嘅說話，發射火球攻擊。

而好明顯嘅係，合體之後，隻機械人唔單止體型大左，移動速度都快左好多。



只係簡單幾下閃身，就避開左我嘅火焰攻擊。

隨即對方採取還擊，密集嘅飛彈不停喺個口度射出嚟。

今次輪到我要左閃右避，結果我掛住避啲飛彈，忽略左原來對手仲有其他招數。

隻機械人突然噴隻手出嚟，飛埋嚟一手捉住我。

佢嘅鋼鐵五指緊緊咁揸住成碌鳩，令到我完全唔郁得，然之後，佢成隻手再飛返埋去機械人身上。

「Hehehehehe！Meow！」坐喺操縱室嘅卡通貓，又喺度喵喵奸笑。

佢一邊笑一邊控制機械人捏得再大力啲。

「啊！！！！！」我、楊家成以及其他嘅鬼魂，同時間發出極痛苦嘅慘叫聲。



我feel到碌鳩同兩粒蛋蛋好似就係嚟要爆開咁。

尤其作為呢碌鳩嘅主人，我嘅痛苦係更加更加強烈！

再係咁落去，我地嘅魂魄就會連同我條jer一齊收皮。