有一晚，我打飛機打到條jer斷左: （59）

一架架太空船都係由堅硬嘅金屬物料製造，啲鬼就算識得出技，但可以造成嘅破壞卻有限。

「如果呢個星球毀滅左，道傳送門就會受牽，咁Cathy都會有事！」

楊家成極度擔心，無奈呢個時候卻又咩都做唔到。

變成一碌撚嘅我一樣係束手無策。

「Boom！」



一支炮彈喺正我地間屋前面五十米空地爆炸，假如再近多少少，我地就被已經炸死。

受驚嘅嘉奈，忍唔住流出眼淚。

「唔洗驚，無事架。」除左安慰佢之外，我都唔知自己仲可以做啲咩。

嘉奈流淚既樣子惹人可憐，我望住佢，心諗點算好，究竟點做先可以保護到佢？！

爆炸所造成嘅煙塵緩慢散去，突然喺一片朦朧之中，聽見Kevin把聲。



「好啦，原來你地喺度！」

我同楊家成左望右望，都只係聽到聲而唔見嗰條友。

跟住，一個百變小櫻嘅figure，穿過煙塵，飛到我地面前。

「點呀？你兩個係咪交換左靈魂？」隻百變小櫻用Kevin把聲同我地講。

「你…你係Kevin？」我問。



「係呀，我依家喺日本用緊法術，遙控隻百變小櫻穿過Cathy個窿，然後嚟到呢個星球幫你地。」

（隻小櫻公仔大概一隻手掌咁大，要穿過Cathy個窿應該都唔容易。）

「頂你個肺！你好快啲解釋，點解我會同楊家成交換左靈魂？」我嘅馬眼一開一口，出聲追問Kevin。

「係囉！究竟發生咩事？」楊家成同問。

「咪我唔小心搞錯左，本來應該係『百魂結集』，點知我一時眼花睇錯，俾錯左一道靈魂交換嘅符你地。」

「咁你仲唔快快脆，將我地嘅靈魂交換返嚟？」我心急催促。

「唔洗咁擔心，呢道符嘅效力只會維持一個鐘…」

「咚隆！」忽然兩個人頭從天而降，狠狠咁砸落屋頂。



佢地係格格同佢細佬，俾太空船上面嘅外星人由半空打左落嚟，跌落屋頂撼到個頭流曬血。

「算啦算啦，依家最緊要對付左班外星人先，你快啲幫下手啦！」我問Kevin。

「得啦，我嚟呢度就係嚟救你地！」

講完，隻百變小櫻公仔伸手，攞起綁喺背脊嘅一張卷起嘅黃色紙條。