有一晚，我打飛機打到條jer斷左: （50）

喺上身之前，首先Kevin先區分好曬我、格格以及佢細佬嘅身體同四肢。

過程中，我地三個斯比列特人連最後個頭甩埋出嚟。

亦即係話，雙手、雙腳、人頭、身軀以及賓周都徹底咁各自分開，正正式式支離破碎。

我相信，老豆依家應該亦都同我地一樣情況。

至於邊隻鬼上邊個人嘅邊個部分身，就交由楊家成分配。



喺呢班慘死鬼入面，有係俾火燒死，有浸死，有凍死、有俾人劈死，亦有俾車撞死或者係吊頸死。

當中兩隻俾火燒死嘅鬼上左我雙手嘅身，俾車撞死嘅就附身到我對腳，最後凍死嗰個嘅上我嘅身軀。

格格就係分別俾三個浸死嘅鬼同三個燒死嘅鬼上身。

而佢細佬都俾兩個俾人劈死，兩個凍死，同埋兩個吊頸死嘅鬼上身。

肉身四肢嘗試重新接合，結果當然都仲喺駁唔埋，不過家下勉強都算係做返一個形出嚟。



除此之外，由於呢一個二個都係極猛鬼，所以各自都可以谷啲能力出嚟。

例如俾燒死嘅鬼上左身之後，可以一掌發出高溫火焰，俾車撞死則能夠使出強大嘅衝撞力。

衰在楊家成已經變返隻普通鬼，如果唔係應該都可以谷啲毒出嚟變「毒撚」。

（不過之前佢都無變「毒撚」，有可能係唔及得呢班鬼咁猛，又或者條友淨係掛住谷精。）

「發射水！」格格一聲之下，上左佢隻手身嘅女水鬼，一掌發出強勁嘅水柱。



「阿哥，有左呢班猛鬼加持，話唔定對付到嗰班外星人。」

「係呀細佬，話唔定真係有機會。」

同班鬼合體之後，我地嘗試協調，試下可唔可以好似平時咁行路。

結果係唔得嘅，因為每隻鬼動作都唔一致，根本好難協調。

頂盡都都只係做到上半身喺度飄，下半身就按自己步伐行。

Kevin就送佛送到西，揸車送我地幾個返Cathy屋企。

下一步就係穿過Cathy嗰窿，前往斯比列特星。

到埗後，喺臨分別前，Kevin喺我條頸綁左一道符。



「做咩咁俾道平安符我？」

「呢道唔係平安符，總之到最後關頭，無辦法嗰陣，就纜佢去碌鳩度啦。」