有一晚，我打飛機打到條jer斷左: （46）

我又驚又喜，再問一次:「你真係斯比列特人？」

「無錯，我就係斯比列特人。」格格望見我揸住隻斷手，反問我，「唔通你都係？」

「我老豆五十年前由斯比列特星嚟到地球，同左個地球人，亦即係我阿媽結婚，跟住生左我出嚟，我諗我應該都算係半個斯比列特人。」

我向對方揭露自己嘅身世，然後繼續問：「你話你地逃亡嚟地球係咩事？同埋點解會喺Cathy個窿嗰度出嚟？」

格格皺埋眉頭，歎一口氣回答：「有班外星人為左吸收靈結石嘅能量，而大舉入侵我地星球，並且到處搞破壞，我同我細佬都係穿過時空逃生門，逃命嚟到呢度。」



唉頂！俾老豆講中左，嗰舊乜鬼靈結石真係受到破壞！

「咩係時空逃生門？」Cathy問佢最關心嘅問題，「我下面同時空逃生門有咩啦掕？」

「喺宇宙入面，各個星球不時都有互相侵略嘅情況，而喺銀河系就有一個和平組織，到處去唔同嘅星球，設置跨時空嘅傳送門，就係用嚟喺受到侵略期間，俾人作緊急逃生，至於你嗰度就係通往地球嘅時空傳送門。」

「你話我下面係連接宇宙嘅傳送門？」

「據我了解，傳送門只有被緊急打開嘅情況下，先會連結到宇宙，平時最多只能喺你附近嘅地區傳送。」格格解釋。



「咁你講嘅嗰個宇宙組織，點解要我呢度設置傳送門？」Cathy追問。

「呢層我就唔知啦，不過聽聞佢地都係隨機抽樣，我估你係一時唔好彩被揀中。」

「咁有無辦法閂左道傳送門？」楊家成問格格。

「每道時空逃生門只會開啟一次，每次時間會維持七十二小時，一旦閂上之後，咁你呢道門就會永遠消失，不過…」

「不過咩呀？」Cathy心急搶住問。



「不過嗰班入侵我地星球嘅外星人，計劃吸收曬靈結石嘅所有能量後，就徹底摧毀我地星球，到時嗰道傳送門必定一同遭受破壞，並且會牽連到你身上，連你都會有性命危險。」

聽對方咁樣講完，Cathy即刻嚇到面都青埋。