有一晚，我打飛機打到條jer斷左: （41）

老豆甩左個頭？？？

「阿媽你再講多次，你話老豆個頭斷左？」

「係呀！我講真架！佢真係成個頭斷左甩左出嚟！」

「OKOK，你唔好慌張，我即刻返嚟睇下咩事。」

收左線之後，我快速再試下駁返碌鳩，可惜都係唔成功。



至於斷開嘅右手，情況就同碌鳩一樣。

雖然成隻手臂斷開左，但無傷口無流血無痛楚，而且都係駁嚟駁去都駁唔返。

呢個時候我都顧唔到咁多，最優先係返屋企睇下老豆咩事先。

「你留喺度唔好周圍走，我依家返屋企，你幫手睇實我隻手！」

我唔想揸住隻斷手周圍走，費事嚇親街上啲人，於是叮囑楊家成留返喺度，同Cathy看住我隻斷手。



「無問題，你快啲返去睇下世伯點啦。」

唔識佢講，我都已經開門走人。

無左一隻手臂，行起路上嚟都好難攞平衡。

我只有側住個身，fing住一隻無手嘅衫袖咁行。

沿路上一邊迴避途人奇異嘅目光，一邊以最快嘅速度由紅磡衝返去土瓜灣。



老母打開門一見到我就嚇親：「阿仔…你…你你你隻手斷…斷左？」

「呢個我都唔知點解釋，」我反問佢，「係啦，咁老豆呢？老豆佢點呀？」

「我無事。」老豆雙手捧住自己嘅人頭行埋嚟。

我打左個突，爭啲嚇親。

頂佢！咁樣失驚無神行過嚟，仲要抱住自己個頭，真係想嚇鬼死人！

「阿仔，乜你隻手都斷左？」

儘管人頭同身體分離左，但老豆仍然講到嘢，兼且意識清醒，十分冷靜。

我就問佢：「究竟發生咩事？點解你個頭會甩左出嚟嘅？」



「唉…」

老豆深深嘆左一口氣，然後將自己個頭，放到客廳一個吊櫃上面 ：「事到如今，睇嚟我都要將個真相講出嚟。」

「有咩留返遲啲先講啦，我地依家最好就快啲去醫院，搵醫生幫你連返個頭佢。」老母焦慮不安。

「無用架，依家咁樣嘅我，或者先至係真正嘅我。」老豆同我地講。

「老公你講緊咩呀？」

「係囉老豆，你噏乜嘢呀？」我同阿媽都聽到一舊雲。