有一晚，我打飛機打到條jer斷左: （37）

楊家成同Cathy兩條友雞啄唔斷，由上機傾到落機。

啲途人唔知頭唔知路，睇見我無擘大口但出緊聲，應該以為我識得啲特殊技能，用緊腹語術同Cathy傾計。

出到機場，我地夾份搭的士返屋企。

的士先到旺角，Kevin第一個落車，臨走前佢同我講：「張單我過兩日會寄俾你。」

「咩單呀？」我問。



「呢幾日又幫你捉鬼，又攞碌鳩返嚟，你估我做義工呀？梗係要收錢啦。」

「咁之前你唔講嘅？」

「依家講都一樣啫，總之我會嚟搵你收錢架啦，係咁先。」Kevin同我地揮手講再見。

第二站就到Cathy屋企。

「楊楊我到啦，得閒再傾啦，bye bye。」Cathy對住我褲浪講bye bye。



「Good night。」楊家成又隔住褲浪同對方講再見。

「Bye bye。」我亦都揮手同Cathy道別，但對方已經轉左身落車走左...

點都好，舟車勞頓左幾日，成個人散曬，仲攰過返工。

返到屋企，拿拿臨沖個熱水涼，跟住就好好訓一覺。

「別再做情人 做隻貓做隻狗不做情人…」



沖沖下涼，碌鳩忽然間喺度唱歌。

好聽係好聽，但我想靜靜地沖個涼，於是就話：「你可唔可以唔好唱歌？」

「但沖涼好難唔唱歌架喎，不如你都唱埋一份，大家一齊jam下。」

我無佢咁好氣，jit啲沐浴露出嚟，搽勻全身包括jer jer。

「嘻嘻唔好咁啦，好痕呀！」楊家成fig嚟fig去。

「屌你咪郁啦，我要洗jer啊。」

「你可唔可以細力少少？」

「得啦得啦，我細力啲係啦。」



同一碌識得講嘢嘅賓周沖涼，感覺硬係怪怪地，我諗以後大家都係分開洗好啲。

沖完涼著返衫褲，碌嘢家陣大抽左，條底褲已經唔啱size，勒住勒住咁。

睇嚟揾日要買過曬啲底褲先得。

換好衫打開門，見到老豆老母棟左喺廁所門口。

「你地企喺門口做咩？」我問。

我老母瞄一瞄沖涼房：「阿仔，咪得你一個人沖涼渣咩？」

「唔係得我一個人，仲會有邊個呀？」



「我地頭先明明聽到有另一個男人把聲，你仲話要幫佢洗賓周添。」我老豆就話。

「有咩》無呀無呀，你地聽錯左啦！夜啦早抖啦！」

我扮無事發生，求其敷衍兩句就返入房訓教。

疲倦嘅我一上床合埋眼就訓著左。

而隻鬼都算乖，無趁我訓教時偷偷飛走。