有一晚，我打飛機打到條jer斷左: （35）

後來阿May同姦夫被送左去醫院。

我地避左半日風頭，等啲警察走曬，先敢去醫院睇下佢兩個死得未。

隔住透明嘅玻璃，我地睇見二人訓左喺病房入面。

聽巡房嘅姑娘講，阿May子宮撕裂，個姦夫就肛門破裂。

呢下總算係講得出做得到，話過要「子宮崩壞」就真係子宮崩壞。



等姑娘走開左，楊家成偷偷地喺我褲浪捐出嚟。

佢望入病房，見到裡面訓低嘅二人。

「我咁樣會唔會太過分？」佢講嘢嘅聲線徹底唔同左，變左另一個人。

由原來嘅陰森低沉變成溫柔明朗，我估呢一把應該就係佢原本把聲。

Kevin跟手用銅鏡一照，發現喺條jer身上嘅陰邪之氣消失曬。



咁即係代表，隻鬼所有怨氣都消除曬，卒之由厲鬼變返做一隻普通嘅鬼魂。

「過份嘅係佢地，你諗下佢兩個害到你無命，你無隊冧佢地已經係算仁慈。」我回答楊家成嘅問題。

假如「天狗食日」喺今日發生，碌鳩應該會漲大到撐爆阿May成個人，繼而腸穿肚爛而死。

「當初如果我地無相遇，而我又無愛上佢，咁或者所有事都唔會發生。」

發洩完憤怒，就等同男人射完精一樣，事後都會變得清醒無曬火。而楊家成兩樣都做齊曬，家下會講出咁嘅說話，我並唔感到吃驚。



又或者家下呢個先係真正原本嘅佢。

「誰叫我這樣活該 縛起雙手給你愛
愛到兩腳浸沒在大海不懂再走開
熟悉的想講再會 陌生的都很匹配
難怪我永遠懷念飛灰」

感觸嘅佢輕輕吟唱住《黑夜不再來》。

不得不承認，佢真人把聲真係好聽，而且唱得好有感情。

（唔好問碌鳩係點樣發聲，因為我都唔知。）

我同Kevin都聽到起曬雞皮，Cathy更係為之動容。



唱完歌，楊家成擰轉（龜）頭，帶住誠懇咁同Cathy講：

「對唔住，嗰陣時嘅我俾憤怒埋沒左理智，做出左啲傷害人嘅事，我喺度衷心同你講聲對唔住，希望你唔好怪我。」

Cathy笑一笑，呢一笑似乎代表左原諒：「知道你嘅故事後，我明白你嘅憤怒，所以雖然你做錯，但我都決定原諒你一次。」