有一晚，我打飛機打到條jer斷左: （10）

「楊家成，卒於二零一八年…」

我屌呀！碌鳩做乜會去左墳場架！仲要喺正塊墓碑前面？！

咁咪即係話，琴晚龜頭撼到嗰舊硬物就係呢塊墓碑？

What the fuck！

俾一百次我估，我諗我都唔會估到，條賓周居然會由嗰條女手中，轉移到去墳場。



好死唔死，家陣我仲好撚急尿。因為由琴日賣左碌嘢開始，到啱啱訓醒都無屙過尿。

問題係，無理由喺正人地墳頭前屙尿咁大吉利事下話？

仆街...真係好急...忍唔撚住...

唉！多多得罪都要做一次架啦！

「有怪莫怪，細路仔唔識世界！唔好意思，唔該借借！」



雖則我明知墳頭嘅主人係唔會聽到，但係為保心安，我一口氣講左幾句借借，先至敢放水。

屙出嚟嗰下就唔到力，啲尿飛左少少落塊墓碑度。

我第一時間耍冧：「對唔住對唔住，有怪莫怪，細路仔唔識世界。」

慢慢屙完篤尿，終於都舒服曬，接下嚟最重要嘅事，當然就係去攞返碌嘢返嚟先。

至於碌鳩點解無啦啦會去左墳場，呢個問題就遲啲再探究。



只但係，我淨係見得到個墳頭，具體至邊個墳場嘅邊個位置，就不得而知。

既然係咁，睇怕只能夠逐個墳場逐處咁去搵。

快快換件衫，打個電話俾店長，同佢請左一日假之後我就立即出發。

首先先去規模同面積最大嘅和合石墳場。

務求盡快去到，我直接搭的士。

過左大約九個字度，就由土瓜灣到達現場。

雖然家下日光日白又有太陽，但嚟到墳場呢啲陰氣重嘅地方，總係覺得背脊沾寒沾凍。

我一個人戰戰兢兢，到處搜尋嗰塊刻住人名「楊家成」嘅墓碑。



行行下，忽然睇到遠處有啲嘢飛下飛下，好似係雀仔但又唔見有翼。

我行快兩步，上前睇個清楚。

仆你個街！你知唔知我見到啲咩？

我見到一碌撚，一碌漂浮喺半空中嘅撚！重點仲要係我嗰一碌！

（條jer跟左我二十年，我一眼就認得出，而且絕不可能認錯。）

我呆左兩秒，然後都唔理咁多，一個跨步踏前，好似撲蝶咁伸手捕捉。

點不知，條撚一嘢避開左。



隨即一百八十度轉向，龜頭正面面對住我：「喂！你想做咩呀！」

屌啦星！我唔撚係發夢下話？條jer唔單止曉飛，仲識得講嘢？！