見面幾秒鐘: Day 1

Day 1

「鈴鈴」

「早晨，我係黎見工，約咗今朝10:00點」

「哦，Mathew 個frd，你係果邊坐陣先」

個店員指一指近門口個張枱，我走埋去，放底個to-bag，坐係度等老細黎見我。





等果陣冇咩做，唯有望下則邊d人。間coffee shop 好細間又冇咩人，成間店好似得3，4張枱，但都坐唔滿曬人。黎嘅客人，通常都係d後生仔，有幾個人企係度等外賣咖啡，有d就6緊手機，得一個人好專心咁睇緊書。店員都好似得一兩個人咁，除咗頭先接我入黎個男仔之外，得一個女仔係咖啡機到整緊咖啡。

「hi，你係咪Mathew提起嗰個朋友，我係呢到老闆，叫我Jason得啦。」

等咗5分鐘，有個望落去唔算好老，大概30頭嘅男人同我打招呼。佢同其他人一樣都係著住一樣嘅制服，身上都有一陣好重嘅咖啡味同少許煙味。

「你好，係呀，係佢介紹我黎見工。」

一輪自我介紹之後，Jason就問咗我幾條問題，見咗10令分鐘就完咗。





「嗯～冇咩經驗都應該冇乜問題嘅，好多野都可以慢慢學，Mathew唔係度，我哋都需要一個人執頭執尾，你ok 架呵？」

「我ok架，我咩都肯做。」

「咁ok啦，我帶你睇下間舖頭先。」

如果唔係Mathew 同老細咁熟，可能見工就冇咁順利，話口未完我就跟咗老細睇下間咖啡店。

「大致上都差唔多，咁你聽日朝早6:30返工，其他野我會WhatsApp你。」





終於見完工，我同Jason道別之後就慢慢走去門口，走果陣唔知係咪個人一放鬆，冇留意周圍，我個袋唔小心整掉咗一枱客人杯咖啡。

「啊！唔好意思，我頭先睇唔到。啊，本書都濕曬，errr ，我睇下有紙巾先，等…」

「唔緊要啦，好彩我咁啱睇完，好彩你唔係遲幾秒整跌杯野。張紙巾你攞嚟抹你個袋啦，你睇下都濕曬。」

「你唔好呆咗咁企係度啦，襯老細唔係度，你快d走啦，費時一陣工都未返就比人炒，呢到我叫你d同事搞。」

「真係唔好意思呀，咁我走先，唔該曬你 btw 我叫…」