(有甜) 叫兩個青梅竹馬演BL,最後變成3P...: 5. SM嘅既視感~!!

希望大家唔好用甜故角度去看待呢個故事...
始終想focus喺紫凝，焯然同家豪3個嘅關係度...

好啦 開始喇

-----------可愛的分隔線------------

「發咩脾氣呀？繼續就繼續啦！」我對家豪講。

「紫凝，其實我同家豪真係好尷尬嫁，不如你玩第二啲啦好唔好？」焯然勁乖咁問我。





我諗咗個方法：「不如咁啦，我用布條矇住雙眼，你地繼續演！但我要放個電話喺度影！咁樣冇人睇住你地壓力咪冇咁大囉？」

「家豪，你覺得呢？」焯然問家豪。

家豪諗一陣：「快啦！麻煩閪！」

-3-又講粗口，真係頂佢唔順

於是我求其搵咗塊布矇住自己對眼，當然我偷偷地留咗條罅啦，嘻嘻嘻…





點知眼前條罅突然變成黑色，我大叫：「吖！咩事呀？」

然後係家豪：「屌你，真係睇到嘢嘅！唔得，要我幫你綁！」

跟住佢幫我解咗條布再重新綁過，你知啦佢要拱埋嚟先綁到，所以我聞到一陣屬於家豪嘅味道...

同埋，喺佢chok緊條布嗰吓，我突然有種俾人sm緊嘅感覺...

「好啦，而家包保你睇唔到。」家豪把聲。





真係好黑...咩都睇唔到...

點知家豪條臭八公仲未收手-3-

佢話：「唔得，費事你用手抆開條布，我要綁埋你隻手。」

焯然即刻有少少大反應：「喂，會唔會唔係幾好呀？我地咁樣對紫凝。」

家豪：「唔係你真係想佢睇住我地演bl咩？」

我：「係咪我肯綁手你地就肯扮bkpp？」

家豪：「係。」





我：「好啦，焯然，你唔使幫我講說話啦！我係自願俾家豪綁手的。」

於是，家豪搵咗條繩出嚟，綁實咗我隻手...

我而家眼前全黑...雙手被綑...真係好有俾人sm緊嘅感覺...

「咁樣得未呀！臭家豪！」我叫。

「得嘞。」

「你地記得成個過程要用電話錄低呀！」

「知道啦紫凝，你先係呀...如果綁得你痛，你要出聲呀。」呢個咁溫柔嘅，緊係焯然啦。

「仲有呀！」我又叫。





「點呀麻煩閪？」

「記得係焯然做PP，臭家豪做BK呀！」

之後有啲雜聲啦...我諗佢地應該緊我部電話...