是咁的，我識左個死咗嘅女仔

【 第一章 】

「 本人係一個普通嘅學生，咩方面都普通，但有一個特殊能力

見鬼 」

「 吹得就吹啦 」我嘅老死呀晨喺到叫

「 佢地靚唔靚嫁 」我嘅另一個老死呀晉又喺到叫





「 喂我地講緊真心話嘅，認真少少 」飲醉左嘅呀倫攞住個膠袋邊嘔邊講

事源今日係聖誕假嘅尾二嗰日，我同班老死就去咗長洲玩，夜晚喺宿舍入面飲酒

「 哈哈哈當然喺講笑 」我邊講邊瞓落張床到
「 我唔得啦好眼瞓，瞓先啦 」

呀晨「 好廢呀你，但我都幾眼瞓 」

呀晉 「唔知點解我都係 」佢地倆個都瞓曬落床





「鳴呀⋯⋯呀鳴 」呀倫已經醉到語無倫次

我合埋眼前望一望個鐘，就瞓左

就咁三個人瞓床，一個人瞓地下嘅晚上開始咗

點解話開始咗，係因為我瞓到三點正就係左身

奇怪嘅係，點解會咁巧妙十點正瞓，三點正會起身





咁夜晚起身要做嘅當然係去交水費

我廢事嘈到佢地就慢慢起身，好似刺客咁每一步都好小心

當我沾沾自喜行到廁所一開燈

我對望住塊鏡，我後面出現左個人對住塊鏡做鬼臉

我嗰一刻以為自己潛入廁所任務失敗

比佢地發現左要切腹借罪嗰陣

我發現後面嗰個人係長頭髮嘅





我嚇到成個一彈起咗成尺高

我嗰一刻仲以為係佢地三個嘅惡作劇，點知

「 你見到我？ 」一把好溫柔嘅女聲問我

我扮作震定咁用把勁震嘅聲答佢 「係呀 」

佢好驚訝咁答話「 自從我死左之後終於有人見到我啦 」

我一聽到死左，就好肯定自己真係撞鬼

我無應到佢，個腦喺一秒內諗咗一萬個應到方法

但係由古至今有咩困難都係得一個有效嘅解決方案 —- 走為上策





我跑左出廁所，無理在地下嘅呀倫，一腳企咗落去，衝左出房

本來諗住衝落樓梯，但廢事比人見到我得條底褲，就衝左上天台

我一推開道門，心諗今次安全啦，點知隻鬼居然穿牆飄左上黎

「 仲咩咁驚姐 」

由呢一刻開始，我就接受咗我「撞鬼」呢個好荒謬嘅事實，因為已經習慣左呢個世界嘅荒謬

「 大佬呀人生第一次見鬼點會唔驚呀 」

「 唔洗驚我好善良嫁 」
「 你叫咩名 」





「 我叫呀羅就得啦 」

我地沉默咗十秒，係佢打破咗呢個安靜嘅空氣

「 喂你識唔識同一傾偈嫁？ 」
「 你要問我你叫咩名 」

「噢，咁你叫咩名 」

「我唔記得喎，自從我死左之後就唔記得咗，我連自己點死都唔知嫁，我一開眼就見到自己喺呢間宿舍到，係唔係我神奇呢 」
「 不如你幫我改個名？ 」

「 叫呀奇，又唔好係好奇個奇，唔係就好奇怪 」





「 乜你咁好笑嘅，就用升旗個旗啦 」

「 我無異議 」

「你好呀！我嘅恩人呀羅 」

呢個女仔，呀唔係，應該叫女鬼真係好怪「 你好呀⋯呀旗 」

嗰一晚，我放低咗人同鬼之間嘅禁忌同佢傾偈

基本上係我單方面輸出我嘅野比佢知

因為佢咩都唔記得，只係知自己死左大約三日，佢起返身嗰陣先發現無人睇到佢，所以佢就推斷自己死咗

但係傾傾吓無啦啦佢就唔見左，我唯有番房

一打開門就見到啱啱醒嘅呀倫

「 你啱啱醒咋？」

「 吓⋯嗚⋯係呀⋯」

「 噢咁無野啦」佢好似無發現我你係喺門口入黎

我瞓返落床，跟住就一覺瞓天光

第二朝起身就一如嘅往，我地亦好順利離開長州

琴晚嘅事就好似一場夢

或者係我只能當係一場夢

本來我只能當係一場夢

結果返到屋企，我又見到佢⋯⋯

待續⋯⋯