《藍藍》〈科幻/奇幻〉: 第十五章 千年一遇的世界

第十五章 千年一遇的世界

爸爸坐喺嗰個圓形嘅透明波波🌐突然著晒燈🔆, 呢個時候牆壁突然間自動打開咗一個圓形入口🕳️, 入口唔大唔細啱啱好, 係畀圓形波波穿過。 圓波波就好似一粒波子咁, 由軌道轆咗入去山洞了。 碌過咗之後, 牆壁個窿就立即閂埋啦~。成個過程只係幾秒內發生, 圓波波嘅「打機室」, 正確啲嚟講應該叫「控制室」⌨️ , 消失得無影無蹤。

藍藍已經見怪不怪, 呢個世界嘅事, 乜嘢都有可能發生, 喺度心諗：「今次又咩玩法呀😅, 咁大個打機室, 竟然係會成個轆走, 完全唔知去咗邊… 其實好明顯呢個應該係控制室, 唔係我一直所諗嘅打機室… 爸爸除咗瞓覺、沖涼、食飯, 其餘嘅時間幾乎都係呢度打機, 咁… 其實爸爸嘅職業唔通同呢個波波有關…🤔 如果照咁睇, 佢打機🎮入面嘅畫面📺應該係真㗎喇喎？？oh my god！！頭先畫面裏面佢做嘅一切, 唔通… 真係同地球🌎有關嘅？嗰個係即時傳送畫面嗎🤔？佢哋又採摘地面上嘅植物🌾, 甚至乎捉走人類🧍, 一個又一個嘅實驗🔬🧫, 唔通爸爸嘅工作係有關？而且係Mars行星上面, 似乎有同人類🧍合作。 呢啲一切, 如果係真嘅話, 爸爸嗰件人皮衣服就可以又係咩呢, AOI行星上面嘅大人根本就係第二個物種, 而且佢哋透過接觸人類, 想得到某啲交易, 諗到呢度真係好混亂… 😵‍💫😵‍💫😵‍💫我覺得我需要搵蟹仔或者阿風傾下, 或者佢哋會知得多一啲都唔定！」

嗰日, 佢又上露台同蟹仔🦀見面, 一見到蟹仔就雞啄唔斷, 將見到嘅一五一十同蟹仔講一次。

藍藍繼續講：「除咗房間發生嘅一切之外, 我仲喺個房度搵到一本計劃書📘, 書係藍色皮包住。我用咗你個翻譯器睇咗本書, 書封面上面寫住「藍天計劃」, 見到呢個名我就喺度諗, 爸爸改我個名做「藍藍」係咪有咩特別意思呢🤔？書裏面睇到一啲火星上面同地球人合作嘅工程… 非常之浩大, 有好多未來嘅預想圖片, 都係一片藍天, 而唔係灰天黑地咁…」





蟹仔理解到藍藍嘅心情, 因為大人做嘅嘢, 根本係超出人仔所諗嘅想像🧠, 尤其是藍藍從來都未過搭過太空船🛸, 只係睇住爸爸控制室嘅畫面似乎唔夠震撼, 所以佢就大膽提出：「你想唔想我帶你出去… 不過咁, 我哋要偷偷摸摸, 我哋始終都係唔可以自己周圍走, 你明白我意思啦…」

藍藍聽到咁, 當然毫不猶豫咁應承啦, 就話：「之前阿風帶我爬空氣喉管, 帶咗去外面嘅世界睇, 我都玩得好開心, 好期待你嘅約會…(少少怕醜)☺️」

蟹仔答佢：「唔係咁簡單, 我意思係… 我帶你搭太空船🛸, 我哋飛去Moon🌔, 我相信一定令你畢生難忘！」

呢個約會, 令到藍藍得到驚喜, 一路以來, 心目中嘅蟹仔係一個乖乖仔, 冇諗過佢一下子提出咁大膽嘅約會, 心情超興奮既疑惑咁問：「係咪真㗎！！！你係咪呃我炸, 你係咪因為呷醋阿風帶我出街玩, 你想叻過佢, 所以吹大咗咋… 不過無所謂啦, 你對我嘅心意❤️, 收到晒, 多謝你先~♡☺️」

蟹仔認真講多次：「我唔係吹水㗎！我真係會帶你去坐太空船🛸, 我想你同我一樣, 我想同你分享我嘅事… 再過多幾日 (大人訓一次覺為一天) 就差唔多啦, 一年一次的機會 (一年是AOI的一年), 到時AOI行星🪐係會最接近地球🌍, 而我媽媽每年都會帶我去一次 Moon🌔旅行, 我到時偷偷運你上太空船就可以了。 不過我要諗定一切偷運既安排, 但你放心, 我一定會保證你安全😊。」





藍藍雖然好興奮, 但係都覺得今次旅程會有風險, 心裡都好忐忑, 一時唔知好唔好答應蟹仔, 只好應承住先 😮‍💨。

之後嗰幾日, 藍藍個心都係十五十六, 一邊喺度諗, 如果跟咗蟹仔出咗去外面, 實在係好開心嘅事, 亦都唔係個個能夠做得到, 一定係一件畢生難忘嘅事情。但另一邊廂, 始終都係去咁遠, 其實真係好難預料到會發生啲乜嘢突發事件, 唔可以話唔信蟹仔嘅能力, 突發就係突發。佢呢幾日喺屋企望住爸爸, 望住哥哥同埋姐姐, 呢個家, 呢間小茹屋, 一切嘅幸福都係喺呢度…

一天, 蟹仔好興奮咁同藍藍講佢嘅計劃：「藍藍呀~ 應該過多兩日就出發啦, 因為我見到我媽媽開始執緊我同佢嘅行李, 而且亦都見到佢寫低個schedule嘅日子。拿~ 我諗住咁呀, 你喺出發前一日, 就偷偷爬入我屋企, 預先入去嗰個裝住我嘅拖喼行李箱匿埋。到真正出發嗰日, 媽媽一定將我抱埋入嚟, 當然我會在掩護, 我會自己主動爬入去令到媽媽唔好發現你。好啦, 到一切都塵埃落定, 上咗太空船之後呢就…」

蟹仔講過唔停, 藍藍忍唔住就閘停佢：「好啦好啦~, 聽我講先, 多謝你約我, 但我諗我唔可以跟你去… 😮‍💨 好可惜, 我真係好想跟你去。記得上次我一個人出走嘅時候, 你哋全部人為咗嚟救我, 結果阿風嘅其中一個兄弟就咁遭遇不幸… 我覺得好對唔住佢, 我亦唔想再有咁嘅事發生。 而且, 我一出世就係有家嘅人仔, 我感受到爸爸好錫我, 我唔想冇咗佢, 相信佢亦唔想失去我…」

「明白, 我尊重你嘅決定！不過唔緊要啦, 我會同你分享返我去到嘅時候嘅所見所聞呢！」蟹仔扮無所謂咁~





到咗蟹仔出發當日, 蟹仔connect💞咗藍藍同佢say bye時, 藍藍說：「咁啱爸爸今日都帶我出街, 我啱啱入咗去佢個行李箱入面。btw, 你一路順風呀, 玩得開心啲呀😊~！」

正當佢哋收咗線冇幾耐, 蟹仔嘅媽媽ivy, 同藍藍嘅爸爸就喺lift口見面, ivy一手拉住一大箱行李, 另一手就翹住爸爸手臂, 佢哋一齊乘坐機場快線🚅, 一齊去到空港碼頭🛫。

「太好啦~！原來我哋係一齊去, 哈哈~ 好耶！」互相connect💞嘅蟹仔同藍藍, 各自都喺自己嘅行李箱入面興奮到不得了。

經過一輪嘅空關check in手續, 入到候機大堂。由於蟹仔媽媽係空姐staff關係, 佢帶咗爸爸入vip候機室, 裏面嘅環境比較外面elegant啲, 亦都有專人服侍, 不過都係ivy嘅同事, 已經好熟絡呀, 好似返工咁feel~

服務員：「ivy姐, 今次帶男朋友去旅行, 係咪兩個人去三個人返先, 嘿嘿~！」
Ivy：「黐線啦, 我哋普通去旅行點會呀, 快啲做嘢啦, 衰妹, 唔關你事呀~！」
爸爸多口答咀：「好似今年新生嬰孩嘅申請已經爆咗額…」
服務員就陰陰嘴笑：「咁話唔定有意外嘅, 嘿嘿~」
Ivy打了爸爸大脾一下：「你就想呀！」
(各位讀者, 千祈唔好誤會, 唔好用地球人嘅角度去諗AOI星人嘅事, 以為兩個人去三個人返就代表搞嘢, 事實上唔係呢, 下一章會交代, 嘿嘿~！)





候機室呢度有一個好大嘅落地玻璃, 由呢個玻璃窗望出去, 見到一個大型地底嘅停機場, 飛碟🛸數目數以千計、同埋唔同型號嘅太空船都響到停泊。而佢哋今次坐嗰架係一個大型客機, 始終係旅遊旺季, AOI行星🪐上面嘅人都放假, 佢哋都希望去到moon🌔, 希望近距離目睹earth行星🌍美麗嘅風采。

老實講, 雖然AOI每年都會重返太陽系中心, 而且AOI嘅人理論上係冇死亡, 但係, AOI🪐一年嘅時間, 就差不多係earth地球🌍的一千年, 一般地球上嘅平民百姓此時此刻都有好多疑惑, 要知道地球人平均嘅年齡只有地球齡的100年, 1000年就等於佢哋十條命咁長, 唔係每一代嘅地球人都知道有AOI行星嘅存在。由於有一個突如其來, 地球人唔知道呢粒一直存在嘅行星, 而且仲要直衝埋太陽系中心☀️, 地球上嘅人都引發好多好多嘅「末日論」。

到咗boarding 登機時間了, 所有人都好有秩序經過行人橋, 落到停機庫。旅客一個跟住一個行去飛船旁登機。飛船側邊有四條磁力枝柱支撐住, 令飛船以磁力排斥於四柱之上, 懸浮喺空中。 飛船嘅底部正中心有一個圓形入口, 一條光束射到地面, 旅客踩上光束帶上面, 嗰啲光就好似運輸帶咁輸送你登機。

上到太空船, 人仔連埋行李都要同大人分開, 佢哋有指定嘅機倉位的。所有人最後都被安排好座位之後, 遠處最前方嘅大閘口就打開, 飛船以慢速飄浮, 浮過第一道閘口, 再見到前面第二道閘口打開, 通過後直角轉彎又係另一道閘。呢度空氣開始越嚟越稀薄, 所以機上面無論大人或者人仔都好, 佢哋一早已經著咗一件好似羽絨咁柔軟又薄、由頭笠到落腳嘅太空衣連透明頭罩, 確保得到新鮮嘅空氣, 同埋有防紫外線照射嘅作用。

總共飛過五道閘口嘅隧道, 最後一道閘口就喺頭頂上面。打開之後, 就見到外面黑漆漆嘅太空, 飛船🛸由星球🪐嘅表面彈射噴出, 一下子彈出AOI行星的地心吸力, 可以自由飄浮於宇宙中。 機師呢個時候要將飛船上面嘅磁力改變, 給出相反嘅磁力, 令到更加排擠於AOI行星嘅拉力。升空後數分鐘, 飛船已經由剛才嘅地面彈射同埋磁力反彈嘅餘力差不多用盡, 飛船慢慢慢落嚟, 突然去到一個宇宙「風力帶」, 飛船就乘住呢個力帶, 被快速扯去。 總括嚟講, 飛船嘅推動力主要係, 透過本機身高速自轉💫, 同埋佢嘅流線型設計, 再利用星球與星球之間嘅引力🧲、適當磁力反彈及吸引、同埋宇宙之中不同嘅風向扯動而行。所以如果由遠處望一架飛船嘅飛行軌跡, 你會見到係不規則形, 差不多經常會以Z形〰️行駛, 因為飛船係不斷隨著外面嘅因素而擺動。

機上面有一名空姐廣播：「歡迎乘搭國秦航空, 依家係AOI星嘅x月x日x時分, 預計到達moon嘅時間係earth時區嘅x月x日x時分。moon上嘅氣溫介乎攝氏150度至零下300度。請注意, 在船上謹記穿好太空衣, 同時在moon上須按照當地有關安排。 再次多謝乘搭國秦航空, 祝旅途愉快！多謝！」

機上安全帶指示燈熄咗, 示意可以解開安全帶。爸爸和ivy可以享用機上餐食及自由活動了。另一邊機倉, 蟹仔就由喼入面爬出嚟, 都幫藍藍打開喼嘅拉鍊, 扶佢出嚟。

由飛船上面嘅玻璃窗望出去, 因為冇大氣層嘅關係(凸透鏡原理) , 所以遠離此太陽系嘅星星都睇唔到, 但係呢度好清晰可以見到太陽系內嘅所有行星, 因為佢哋被太陽光直接反射而顯得亮晶晶。





藍藍說：「好靚呀, 你睇下呢度幾多行星閃閃~ 愛上咗呢度！！」蟹仔響後面偷偷伸手, 伸手到藍藍嘅腰間滑去前面攬實, 成塊面哄咗落藍藍塊面度, 用佢自己滑溜溜嘅面, 輕輕撫著藍藍塊面, 二人喺呢一刻享受溫馨浪漫嘅銀河景色🌌。

待續~