《藍藍》〈科幻/奇幻〉: 第十三章 藍藍嘅家鄉

第十三章 藍藍嘅家鄉

蟹仔除咗件外套🧥, 幫藍藍褸住只有一塊圍巾包住嘅身體。跟住, 佢哋喺通風喉管裏面爬爬爬, 爬得好辛苦。好唔容易先爬到去一個覺得安全嘅地方休息一下🆗。

藍藍驚魂未定, 撲去攬住蟹仔痛哭說：「死啦~ 我一路逃走嗰時, 一路都嘗試 connect阿風, 但都係唔成功, 佢會唔會有咩不測㗎 😭😭😭？」

蟹仔摸住藍藍個頭, 大方讓出胸膛畀藍藍依慰痛哭, 一路講啲安慰嘅說話：「唔好諗咁多喇！阿風佢係野外生活開, 身經百戰, 佢未必咁易有事既！ 不如我哋坐喺度一陣等佢消息啦, 好冇？」「嗯~！佢一定冇事的！」

佢哋坐低互相依慰, 就一路係咁嘅狀態, 喺呢個好窄嘅通風口坐住、等住, 好希望等倒阿風出到嚟！





再過多冇幾耐, 開始聽到微弱嘅聲音由管道一端傳嚟, 「棒~棒~」清脆嘅聲音越走越近, 最後終於見到阿風同佢班兄弟, 滿身傷痕, 而且冇厘神氣, 眼神更係空洞, 似乎經過一番搏鬥咁嘅樣爬過嚟。

藍藍第一眼見到阿風立即跑上面前, 好擔心咁問佢：「你冇事就好喇 🥺~ 為咗救我, 你自己都身陷險境, 真係好對唔住😟, 我以後唔會咁任性喇！」

阿風見到眼前嘅藍藍, 第一時間忍唔住大力打了她一巴, 忍唔住男兒淚大聲喪喊。「嗚嗚嗚…嗚嗚嗚…😭😭😭」

藍藍輕拍阿風背脊問候：「估唔到你都會喊… 好啦, 依家你成功走甩咗, 大家亦都冇事, 唔使再喊喇！」

阿風更加豪哭, 一邊咽哽：「我其中一個兄弟吳覺兄已經死咗啦, 我好對唔住佢, 救唔到佢…」其他兄弟亦都跪地痛哭😭。





阿風憶述：「…後來, 我啲兄弟都趕到, 佢哋雖然幫到我解困, 但係可惜, 其中一個兄弟慘遭殺害。唔覺兄就咁慘死, 佢好有可能會被煮咗做呢兩個大人嘅晚餐。😭😭😭」

藍藍聽到呢個消息成個人都醒曬, 知道頭先發生嘅事只係一線之差, 如果唔係有人及時嚟救自己, 下場就係成為別人嘅食物。 而大人畀到佢一個全新嘅形象, 從前只有喺屋企長大, 被爸爸痛錫之外嘅世界, 原來竟然係咁樣樣, 一切就如夢中驚醒。藍藍明白阿風嘅心情, 好感謝佢同班兄弟捨命相救, 佢緊抱住阿風個頭, 自己亦都忍唔住落淚去安慰阿風😟😟。

蟹仔見到咁嘅情況都唔方便出聲, 事實上係阿風最先趕到, 都認同佢同埋感謝阿風嘅正義感。

藍藍抱住阿風個頭一邊安慰佢, 一邊就話:「好多謝你！我諗過喇, 我唔想再返屋企喇, 我爸爸根本都唔係人, 佢根本同我哋係唔同嘅種族。佢對我好, 可能一切背後都係有陰謀… 我想跟你流浪, 求你收留我啦 🥺🥺🥺！」

阿風冷靜落嚟就話：「唔好再任性啦, 拜託！~ 你爸爸係真心錫你㗎！ 呢個世界係大人主宰, 儘管呢個星球嘅一切, 包括主導咗其他生物嘅生死。但係, 大人當中都有好人、有壞人。你要記住, 你係有家庭, 有一個好嘅爸爸, 對我哋呢啲人仔嚟講係好難得…好難得, 你要珍惜呢個家呀！」





藍藍反駁：「但係佢真係唔係人嚟㗎喎, 佢只係著住件人皮周圍走扮人類, 我見到佢嘅真面目之後我真係好驚, 佢根本唔係我哋想像中咁㗎~！！」

阿風好語重心長咁答佢：「無論外表係點, 又或者唔同種族都唔重要, 最重要既係… 你應該feel到佢係真心對你好, 無論佢係男人、女人、大人、小人、甚至乎唔係人, 你爸爸對你好都唔會變㗎！你信我啦, 你可以放心返屋企。 講真… 我都好羨慕你有個咁溫暖嘅家庭, 一世無憂無慮。仲有, 今日嘅事唔好責怪自己啦, 我哋流浪得嘅人仔早就預咗有咁嘅一日, 只要你以後聽話, 做個乖乖女, 我兄弟就唔會白白死去, 同埋我就放心…。 好啦, 叫蟹仔帶你返去啦！」

蟹仔即刻上前扶起藍藍, 眼神對阿風表示感謝嘅心, 之後佢哋就搵返返屋企嘅通風管道去。

爬到返去屋企入口既管道前, bye bye咗藍藍之後, 蟹仔就自己爬返去自己嘅屋企。一切阿風同蟹仔嘅千叮萬囑, 藍藍都一一記住, 嘗試說服自己講：「爸爸係好人, 我有一個溫暖嘅屋企, 我以後要做乖乖女…」

番到屋企就好似發咗場夢咁, 呢度乜都冇變過。藍藍返返去自己嘅小菇屋, 沖返個涼, 換返一件舒舒服服嘅瞓覺衫, 瞓喺床度乜都唔想諗, 大被冚過就瞓覺, 但始終都係瞓唔著, 眼光光。

終於都夠鐘食飯啦, 藍藍聞到好香嘅嘢食味, 知道爸爸已經做好飯, 所以一切都扮乜事都冇發生過, 行出去照常開飯。面對爸爸捧餐嘅笑容, 笑容裏面露出嘅牙齒, 藍藍不寒而慄, 但係都要繼續扮鎮定, 乖乖坐响飯枱上面食飯。快快趣趣食完飯後, 就粒聲唔出又返咗自己嘅小菇屋道匿埋啦。

接連兩三日藍藍都係如是, 食完飯都立即返去小菇屋匿埋, 呢個行為被爸爸注意到, 爸爸亦都主動關心藍藍, 好細心問候佢呀, 問下佢有冇發燒, 抱起佢, 安慰佢。藍藍雖然感受到爸爸嘅溫暖, 但係已經今時唔同往日。

藍藍亦都有上露台同蟹仔見住面,con住nect, 心理上需要一啲開解同埋慰藉。佢將佢嗰日見到爸爸嘅真身嘅事話畀蟹仔聽, 蟹仔亦都嘗試偷偷地偷睇佢媽媽沖涼🚿, 果然真係講得冇錯, 媽媽呢種大人都係一樣, 只係披住人皮衣服周圍走, 真身係完全唔同樣, 明顯係同人類嘅皮膚係唔同… 大人皮膚似係魚鱗或者甲殼似的, 完完全全唔似有彈性嘅肉, 皮膚一啲光澤同彈性都冇。但蟹仔嘅反應冇藍藍咁大, 可能早已經有心理準備, 佢亦都唔覺得媽媽冇咩唔妥, 始終都係對佢好好, 希望藍藍同佢一樣, 都係用呢個心情對待自己爸爸。





過咗幾日, 阿風亦都有主動connect問候。

藍藍說：「幾日都搵你唔到, 我好擔心你呀 🥺！你終於搵返我, 我就放心喇！你好啲未呀？」
阿風答：「的確呢幾日, 我都唔係好想講嘢。我個兄弟都死咗幾日, 都係時候收拾返心情。咁你又好啲未呀？」

藍：「我都好好多喇, 我始終都接受唔到大人根本同我哋係唔同種類。 只係我太天真, 一廂情願以為有朝一日會變成大人。我亦都知道我哋人仔喺呢個世界根本係好渺小, 只可以任由大人擺佈… 你係流浪嘅人, 睇嘅嘢、識嘅嘢, 真係比我哋有住家、有人養嘅人仔多好多, 我到而家都係好羨慕你無拘無束既生活, 但係我知道我自己根本冇可能獨立, 我無法脫離comfort zone！」

風：「睇嚟經過今次, 你真係大個咗好多！ 你講得啱, 脫離confort zone係唔容易, 但我係喺被迫嘅情況下跳出來, 我係逼住自己成長, 冇幾多個好似我咁好運, 我算係幸運嘅一個。」

藍：「同你傾一陣計, 勝過行萬里路, 讀萬卷書。以後仲要你多多指教！」
風：「講起啲書嘅話, 如果你爸爸有機會帶你去書店, 你去搵一本大人版本嘅, 叫「Earth」既書, 記得要睇大人嘅版本, 因為人仔嘅版本係冇咁多知識。「Earth」係大人既文字, 即係解「地球」, 我哋人仔係喺嗰度嚟, 嗰度係我哋祖先嘅家園。」

藍藍聽到地球係自己祖先嘅家園, 急不及待好想知道全部嘅真相, 自己嘅由來。有一次爸爸又再同蟹仔媽媽約會, 亦都帶咗佢同蟹仔一同去到人仔cafe飲野。





喺人仔cafe入面, 佢同蟹仔合作, 四周圍搵, 四周圍摷一本關於Earth嘅書, 最終畀佢哋搵到。佢哋合二人之力一齊搬本書出嚟, 打開嚟睇。佢哋發現入面啲文字係佢哋完全唔識, 佢哋只有睇圖畫勉強可以解讀呢本書嘅內容。

內容入面講咗好多地球上嘅知識。原來人仔嘅生理時鐘係24小時一天(地球時間), 每一天係瞓八個鐘, 而在AOI星係冇「一天」嘅概念, 因為佢哋長期都見唔到太陽, 佢哋個星球圍繞太陽轉只有極少時間。 當AOI 行近太陽系既中心, 接近太陽嗰一刻時先見到太陽嘅光普照大地嘅自然「奇觀」。所以亦都可以理解為AOI星上面嘅一天, 就係圍住太陽轉咗一個圈。

大人生理時鐘係完全唔同, 需要瞓覺休息嘅時間係比人仔長3倍左右, 所以that's why喺大人嘅角度, 人仔永遠都唔使瞓咁濟, 經常都生生猛猛周圍玩過冇停, 呢個亦都係大人鍾意養人仔之處, 睇起上嚟亦都好可愛。

喺大人嘅眼中, 住喺地球上面嘅人仔根本就係低等生物, 經常為咗爭執而互相發生鬥爭, 甚至發射核彈摧毀自己星球。相反, AOl 行星嘅人十分團結, 過住烏托邦嘅生活。呢一切都皆因佢哋根本唔知道邊個係背後管理呢個星球既人, 只係覺得生活一切都安好, 食得、瞓得、住得, 只要肯聽聽話話完成每日背後政府派畀你嘅簡單工作, 每人都會得到同樣不多不少而sufficient嘅benefit, 從而人民生活覺得公平, 係公平嘅世界生活就已經足夠。

待續~