《藍藍》〈科幻/奇幻〉: 第一章 奇妙的家庭

第一章 奇妙的家庭

從前, 一個唔識世界嘅細路女, 生於一個幸福嘅家庭, 生活無憂。"藍藍"ㄧ本故事嘅主角, 為人正義, 本性善良, 再冇其他啦… 其實冇咩特別, 哈哈哈…😂

自藍藍懂事以來, 佢就係知道住响呢度。呢度係一個大約500呎咁上下大嘅單位, 一個小女孩住的小天地🏩。

有一間睡房🛏️, 牆紙係粉藍色💙, 一片片白色的雲朵點綴。 有一張雙人床, 床邊嘅窗台佈滿佢啲公仔陪佢瞓覺😴。 但係咁…窗台邊嘅落地玻璃, 被外面嘅密封窗簾完全遮蓋。唔係成日嚟嘅爸爸間中都會打開下窗簾, 由外面睇下佢。

走出房門, 有一個廳🛋️。粉藍色的梳化, 白色軟綿綿的地氈, 係藍藍經常坐喺度玩玩具🪀同埋活動🤸嘅地方。旁邊有一張玻璃餐枱, 枱上天花有一盞水晶吊燈, 令到呢個廳堂顯得勁華麗🌼。





另外有一個房間🪞, 係藍藍嘅化妝室。裏面主題顏色為粉紅, 有一個好大好大嘅衣櫃, 掛滿全部都係好靚好可愛嘅少女衣服。房中間有一張化妝枱一面鏡, 藍藍就係喺度裝身了。

藍藍最鐘意就係沖涼🛁, 浴室裏有一個圓形大浴缸, 佢每日都中意响度玩泡泡浴呢~！

响呢個單位只有藍藍一個人住。通往外面嘅, 係一道上咗鎖嘅大門🚪。藍藍從來都唔可以自己走出呢個門口, 因為爸爸話佢太細, 驚唔見咗佢, 所以上咗鎖。 藍藍每日都係响自己單位入面自娛, 例如玩下公仔, 又或者換衫扮下靚。只要爸爸一得閑, 就會開門放藍藍出嚟同佢玩。

有一日, 爸爸開門了~🥳！藍藍因為未出過嚟, 佢戰戰兢兢咁踏出第一步, 探頭左望右望。爸爸一手就抱起藍藍說：「藍藍乖, 你真係可愛, 錫晒你~😘」

其實, 藍藍唔知道爸爸講緊咩, 只係從身體語言上感受到爸爸嘅溫暖🧏, 對佢好, 比佢一間屋, 每日都有豐富食物, 又有好多靚衫畀佢著。





爸爸🙎, 係一個身形非常大的, 藍藍嘅高度只係去到佢小腿未過膝頭咁上下高, 而且大家語言不通。除咗咁, 爸爸係同藍藍一樣, 大家的身體比例一樣, 同埋男女身體特徵之分。

藍藍每次出到嚟最鐘意就係打鞦韆, 佢唔叻, 佢坐上去, 都要叫爸爸推佢, 每次都玩得好開心😃。

今日如常, 爸爸都放咗藍藍出嚟玩, 藍藍好開心, 好快就自己跑咗去鞦韆果邊, 自己坐上去了。原本爸爸都打算同佢玩, 但唔知邊度傳來「嘟嘟…嘟嘟…」的聲音, 爸爸就企起身, 手按着耳朵上的耳機一下就走咗去, 剩低藍藍一個人腳fing fing, 响鞦韆玩。

呢個時候, 突然一手從背後將藍藍從鞦韆上好大力咁推倒落地。藍藍雖然未有受傷, 擦擦着地嘅手臂就起返身。回頭一望, 見到一個比佢高一個頭咁上下嘅姐姐, 一巴掌就車落藍藍半邊面上。

藍藍梗係好驚啦, 佢自小冇見過爸爸以外嘅人, 而且仲要係同佢身高差唔多嘅人仔。呢個姐姐咁對佢, 佢一邊掩着紅腫嘅臉, 一邊眼泛淚光😢 而且好驚。





呢個姐姐帶憤怒嘅語氣就話喇：「死𡃁妹, 我都忍得你耐喇, 恃住自己有爸爸錫 😡。我話你知, 呢個屋企係我嘅, 你唔好諗住你可以係度同我爭呀…」

講完, 姐姐越行越近, 想出手打佢, 呢個時候爸爸返咗嚟, 一手就抱起咗藍藍, 擁入懷裏保護, 對嗰個姐姐講：「Coco, 你唔可以咁樣對妹妹㗎, 佢以後都係呢度屋企嘅一份子, 唔做得你咁霸道~!!😡 知唔知」

Coco見到爸爸抱住藍藍更加唔忿氣, 係咁打爸爸嘅小腿, 人仔細細但出力都好狠下, 令到爸爸都感到啲啲痛, 爸爸於是一腳伸開佢, 踢到Coco彈開幾米遠, Coco先就咁樣了事離開, 返番自己嘅小屋企去🏩。

藍藍都仲係好驚, 心神未定, 唯爸爸緊緊抱住, 雖然聽唔明爸爸講乜, 但係感到安全了❣️。

爸爸抱住藍藍, 走到去一張梳化坐低。梳化上面仲有另外一個都係同Coco差唔多年紀大嘅男仔, 佢叫 Lice, 佢畀爸爸摸咗一下頭頭, 示意讚佢乖仔😊。

Lice 「唉~」咗一聲, 就開口對藍藍話：「我咁大個仔都未見過Coco發咁大脾氣㗎, 我睇住佢細細個就畀爸爸帶返屋企, 果時佢同你一樣, 係個好漂亮、純潔、超萌嘅女仔, 爸爸好鍾意佢, 而不知不覺我嗰時就被冷漠了。情形就好似今日咁, 爸爸依家對你好好, 我諗佢將會逐漸對Coco冷待 😌。」

藍藍其實都係心神未定, 而且突然又一個初次見面嘅哥哥, 佢好怕呢個男仔同Coco一樣咁惡, 所以冇回應對方。 藍藍係完全聽到Lice同Coco講嘅說話, 唯獨係同爸爸語言不通。

Lice講完之後就繼續挨住爸爸手臂, 乖乖的陪佢坐, 完全不發一聲, 只係情深咁望住爸爸, 爸爸更覺喜歡。





藍藍一路冇出聲, 繼續觀察Lice哥哥嘅舉動, 似乎佢冇帶攻擊性, 於是就開口同Lice講：「hello~! 我覺得你個人好好, 我哋不如做朋友🙂」
Lice回話：「好呀~ 我喺呢個屋企住得最耐, 你以後有咩唔明就嚟搵我啦😊! 哎~ 爸爸呢個時候要開"den-see"睇啦, 我哋坐定定喺度就得㗎喇😊😊」

爸爸依家身處嘅房間, 係一個正方立體嘅空間, 四圍牆壁包括地板同埋天花板都係全白色, 只有中央放置一張梳化和一個架空咗嘅桌面。爸爸呢個時候眼珠稍為轉動, 桌面突然微微向上翹起來, 桌面上突然顯示出一個屏幕畫面, 爸爸用眼球控制屏幕畫面滾動下去, 見到一個"den see"嘅 icon後就用手指篤落去, 一下子光從四圍嘅全白牆壁滲出, 投影出4d立體的畫面到整個室內, 令到所有人嘅五感, 包括眼、耳、口、鼻和皮膚都似感受到真實嘅一樣, 仿如身處其境。

藍藍第一次見到呢啲畫面覺得好神奇, 突然遠處有一個人迎面衝過來, 藍藍怕被撞到就用手擋著, 點知嗰個人係能夠穿透佢, 繼續喺後面走咗去, 又例如有美味食物擺在眼前, 而且香氣撲鼻, 原來嗰啲畫面嘅食物係攞唔到囉, 呢啲種種嘅畫面都令到藍藍好震驚, 一時間都無法適應落嚟。

待續~