出身於低下層的小朋友: 第一章：窮小孩降臨這世界上

二零零零年某月某日，一個小孩正式降臨喺呢個世界上，咁
即係意味住呢個小朋友往後嘅日子都會面對唔同嘅挑戰。

首先，先介紹一下呢位千禧小孩佢叫小魚，佢係一個非常活
潑嘅小朋友，而且仲非常好動！一出世就寄居喺外婆屋企，當時嘅佢當正嫲嫲屋企係遊樂場咁亂跑亂跳，嘈到鄰居都投訴。但呢位千禧小朋友並無因為鄰居嘅投訴而停止，反而繼續沉醉玩樂當中，令到佢身邊嘅嫲嫲大感無奈……

喺出世無幾耐嘅小魚好快就面對一個困惑，就係要喺一個單親家庭長大。當小魚嘅父母離婚後，小魚就一路跟住媽媽，由媽媽一手湊大。當時嘅小魚所有童年都係喺一條村落度過，幾乎冇見過自己嘅親生爸爸，而且處於小孩時期嘅佢幾乎間中都比媽媽體罰，喺體罰嘅過程中所有村落裏面嘅人都不奇然走出嚟睇吓究竟發生咩事……甚至乎有啲街坊都會覺得呢位小朋友有少少可憐。

過咗幾個月後，呢位千禧小朋友正正式式踏入幼稚園的生活。相信每個人所幻想理想中嘅幼稚園生活大多都係開心、能夠結識到新朋友、無憂無慮嘅地方。但以上所幻想嘅同現實往往有少少出入……






（待續）