༄她。比糖更甜？༄: -第八章 比糖更甜？

-第八節 比糖更甜？
　呀～已經到八月尾的⋯廿三號，剩餘最後八天的中學生涯最後一次暑假，就快要完結了～
　真的是有點不捨得這種放暑假的感覺，時光真的飛得很快一眨眼原來就已經中六了⋯
　真的想再多一次機會享受中學生活呀～
　今年的暑假我都算是過得快樂，又有女性朋友約會，又有得與朋友一起拍微電影，已經心已滿足了。
　是時候要認認真真去讀書了，更要面對DSE的這個中學挑戰！
　我從中午時分做各科老師分發的練習⋯做到現在天色為金黃色的黃昏時分。
　「呀～做完啦，攰到痴線！」我嘆口氣地說。
　做一做都不知時間了⋯
　「阿仔，出嚟食飯呀！」媽媽在飯枱叫我。




　「得呀！～」
　「仔呀，聽日你生日啦喎。有啲咩想做下呀？」爸爸在旁邊問我。
　「唔講唔記得喎！」我忽然想起地說。
　做練習都已經做忘我，連自己生日都直接忘記了。
　每年生日我都是普普通通一起吃晚餐飯吃個生日蛋糕就當慶祝。
說真其實我都是一位不太重視慶祝生日的人。
只要有朋友跟我說聲「生日快樂」我都已經心滿意足。
　「Err⋯我冇乜所謂呀，食個蛋糕慶祝囉。」我繼續説。
　「咁我哋聽日幫你買個蛋糕返嚟囉。」媽媽友善地跟我說。
　我滿心感激他們為我準備，我吃完一餐晚飯後，我回到自己房間休息一下地度過一天。




零時零零分，八月廿四日。
　我還未刷牙，早就已經半睡著了，旁邊的IPad亦都不斷播放歌曲。
　「叮 叮 叮 叮 叮」
　我的電話突然像被轟炸一樣，有不少人傳送訊息給我說「生日快樂！」，而我都陸陸續續跟他們說聲「感激！」
　渡海和橋哥都傳送了很大段的千字文給我，真的⋯真的非常多字數，平時學校寫作都不見他們寫這麼多⋯
　而最後跟我說「生日快樂！」的就是阿浠，但我都不介意他遲或早跟我說，她會說都很開心了！
　電話再傳來訊息⋯
阿浠：「生日大佬！！」-00:28
我：「係⋯咩料lol」-00:28
阿浠：「ERR」




阿浠：「我」
阿浠：「我約請你食生日飯呀？」-00:30
我：「當然OK啦！」-00:31
阿浠：「約定你13:00啦！」-00:32
我：「到時見～」-00:32
　想不到在我十七歲人，第一次會有女性朋友約我吃生日飯，看看來要好好珍惜了吧～
　我都立即傳送短訊給媽媽，明天我有約了～！
　明天，我十一點就已經起床，並準備出門口去，想不到會有人約食飯。
　想不到居然我早到了不時間，我就站在一旁的七仔便利店外等待。
　「HI～！」阿浠在接近我的一步時跳過來我身邊。
　今天阿浠頭戴著黑色的貝雷帽，着一件純白色長裙佩戴一副冇鏡片的圓框文青眼鏡。
　這次的約會是許多次裏面⋯是穿得最美最可愛的一次，我的心⋯的心⋯又再次受到心動的打擊！
　「點呀靚女，生日請我食咩呀？」我隱喻地讚她說。
　「許～你都著得唔差啦～」她回我「今日帶你去食木星工坊呀！」
　我感覺自己今天的衣著都一般般的，一件白Tee配黑色短袖恤衫加條黑色棉質長褲。




　就是不太特別啦～
　「間餐廳係邊㗎？」我問她「識唔識路㗎？」
　「梗係識啦！唔需要質疑我！」又是自信地說「成日都去食㗎。」
　當然我完成是相信她，只不過開玩笑而已。
　我們到達了木星工坊後，等了一陣子位置都很快可以進入。
　進入餐廳後，店員就分配我們坐在靠着牆壁的卡位。
　我看了一看餐牌⋯⋯絕大部份的食物都非常！適合我的！
　例如有些咖喱雞扒飯，意粉等等⋯類型西餐食物。
　我都開始心心眼起來～又帶點感動，生日又她請加上是西餐真的「正」
　「嘩～可以喎！」我說「我揀好啦，幫你叫埋？」
　「我都可以了，我食白汁焗魚飯配凍檸水。」
　「唔該侍應！」我大聲地說，侍應亦都隨即走過來。
　「請問兩位叫啲咩？」侍應問。
　「要一個咖喱雞扒飯配奶茶同白汁焗魚飯配凍檸水，唔該。」
　「唔好意思，我哋而家做緊個二人套餐。」侍應說「有得加多個忌廉湯喎。」




　我望望阿浠她向我擰頭「唔需要啦！」
　「定係⋯」侍應又問「叫個情侶套餐？加個小菜就唔計錢同埋平$90喎。」
　「！」頓時此刻氣氛開始尷尬起來⋯
　雖然今天的生日約會，在別人眼中我們的確是有點似情侶。
　「ERR⋯ERR，搞錯啦～」阿浠緊緊張張地說「好好朋友咋，哈哈！」
　「哎呀～唔好意思啦⋯」侍應面帶微笑地離開。
　雖然有點尷尬，但好像我們都習慣了，可能渡海經常在我們身邊說，產生了一種抵抗力？   
　「其實我哋應該試下扮情侶～」阿浠少聲地跟我說「咁就平啦～」
　「下次我哋試下囉～」我們都帶點奸笑地說。
　下次？下次我有機會，就要你真真正正成為我的女朋友去點情侶套餐，不可以這說謊假扮情侶。
　「係呢？你屋企會唔會同你慶祝生日㗎？」她問。
　「今日就買個蛋糕慶祝囉！」我說「生日普普通通過就可以了。」
　「咁易就滿足㗎！」
　「算係啦。」我說「有生日食一齊已經好滿足。」
　當然其中一個原因就可以同阿浠一齊食飯啦。




　「我同你差唔多！」
　「ERR⋯話時話。」阿浠突然尷尷尬尬，她眼睛非常不知所措，不敢直視我⋯「送份⋯生日禮物比⋯你呀！」
　她從自己的手袋拿出一份⋯像是一個袋的東西？
　我再望望阿浠，她好像有點怕羞⋯令到我打從心底裏笑了一笑。
　再仔仔細細地看清楚原來是一個軍綠色相機袋！
　此時的我露出一副驚訝表情！因為就算是普普通通一個相機袋都不便宜。
　所以到下一年的五月二日，我一定要好好向阿浠回禮，幫她慶祝生日！
　「嘩！」頓時只有驚訝的反應「好⋯好誇張喎⋯」 
　她只是有點害羞地望着我微笑。
　「咁好人㗎！」我非常之發自內心地說「好多謝你呀呀呀～咁好人！」
　「知你經常都會帶相機出街嘛，所以⋯想送呢個畀你⋯」她低着頭向枱望，細細聲地說「希望你鍾意啦⋯」
　「100%超級鍾意呀！我會好好用佢！」我堅定地說「真係好多謝你～好感動～」
　我更伸出我的手，啪啪她的頭，希望她可以感受到我對她份禮物的喜愛！
　我拿起相機袋，立即背在身上⋯
　果然是非常適合我！超級超級鍾意呀！




　於是我們的午餐都隨即而來。
　到餐的時候，我更拿出電話錄個IG story多謝她。
　「到了～有得食！」我表現出一個滿足的表情。
　「嗯～都話唔差啦！」
　「係呀，因為有你陪我食飯。」我竟然說出這種痴孖筋的話。
　「痴線佬～」她笑一笑。
　「話時話陣間同我去影相好冇？」我邊笑邊說⋯
　「冇問題啦，全日得閒。」她邊吃邊說。
　生日飯只經過幾句說話說過去了，亦都叫侍應過來結帳。
　這餐飯真的又便宜又高質，沒有點二人或情侶套餐，普通叫二個主菜都不昂貴，所以我們今餐只吃了$168。
　就是抵食啦～
　「下次我要再嚟呀呀！」我說，真心正到不了～
　「咁去邊呀～大佬？」為什麼要叫我大佬呢⋯
　「我諗住去元朗信芯園！」
　「有咩特別？」
　「果然係冇咩人識。」我自信地說「去咁先啦，你實有啲驚喜到「嘩！」出聲～」
　「好囉⋯懶神秘～」阿浠鄙視我說。
　我們就從木星工坊附近的輕鐵站出發到元朗去。
　因為元朗信芯園的位置都算是相對偏僻。
　所以到達元朗後，我決定尋找一輛的士去目的地。
　「叮」輕鐵很快就到達車站。
　今天是星期二閑日，人都不多～很喜歡少人的地方，又夠安靜地方又寬躺，更不需要跟其他爭櫈坐。
　看看阿浠⋯「喂！影What？」她原來在錄影IG。
　「錄你囉～」她望著電話，亦細細聲說「要記錄低嘛。」
　我都偷偷摸摸地拿出一部相機，「咔嚓」地影低阿浠。
　心裡說著「我要做一個記錄，拍底呢個時刻。」
　大概半小時，到達元朗輕鐵站就尋找的士，乘搭到目的地。
　由輕鐵站乘搭到信芯園需要十一至十三分鐘車程。
　坐上的士後，阿浠就開始拿起電話尋找信芯園有什麼非常特別。
　她在Google找了好一轉⋯好像已經找到答案？
　「哈哈，我知有咩正嘢了～」
　「所以有咩睇呢？」我反問她。
　「就係！好大片向日葵花嘛！」她堅定自己的答案說。
　果然⋯果然是懶聰明，雖然向日葵都是其一特別買點，看來到達目的地才會發現真相～
　「哦～答啱咗喎，冇驚喜囉～」我諷刺她地說。
　「咁有可能唔係啦！咁串～」又開始繼續返回尋找的路上 。
　都是坐等她答案算吧。
　「哦！我知啦！」她忽然大聲說。
　看來有真正答案了。
　「係咪～」她奸險起來「花花夢幻隧道！」
　其實她都說中了一半，夢幻隧道的確是十分美麗！美麗得瘋狂！
　但是還有一個買點，是她裝蠢不告訴我、還是緣份安排她看不見⋯
　因為我知她十分喜愛日本文化，周不時都會私訊我說「思念日本」
　還以為她可以一眼發現信花園的特大景點。
　「都係掛？」我決定繼續保密一下吧，她都說了兩個打卡景點。
　我就是一個喜歡懶神秘懶有驚喜的男生，總是想看她興奮開心的一面～
　一兩句話我們就到信芯園的門口，的士的價格都非常昂貴。
　一時貪方便⋯不經不覺就用多了金錢。
　還好咁個午餐有阿浠請我～開心的！
　我們一到達信芯園後，有一種拍片職業病走了出來，想拍下我第一次去信芯園，所以我都隨心隨意拍下一些畫面。
　但我今天最主要都是想影相！
　進入後，我們第一時間是看到旁邊一片的向日葵花群。
　看實景當然是美麗過於看圖！
　「嘩！超靚呀！」好動的阿浠非常興奮。
　還以為帶了自己女兒到一個向日葵秘境一樣～快笑死我了。
　我這一種笑當然是幸福笑，真的很快樂呀！
　「都話正啦！」我都再次拿出相機幫她拍照幾張「嚟呀！幫你影呀」
　「冇諗過香港會有呢啲地方啫！」
　她從向日葵花填走出來後，終於看見了我隱瞞的一個地方。
　預我所料，她真的「嘩！」出聲，當時我笑得很誇張，她的反應有夠可愛！
　「所以你就係講緊呢個？！」她恍然大悟地說「咁靚嘅個鳥居！」
　「都話特別㗎！」
　「頭先我Google以為係假嘢！」她說「難以相信係真存在～」
　「哈哈！」
　「真係不得了呀！」她依然非常興奮。
　「你知唔知鳥居有咩特別」我問。
　「可以同かみさま溝通嘛！」她用日文跟我說「好鍾意日本㗎！叫我日本小公主～」
　又是一個什麼奇怪的新稱呼⋯
　「你試下得唔得？」她合實雙手，閉上眼睛真的嘗試與神明溝通⋯
　「見到呀，好似係⋯貓神？」我估她應該只是太喜歡貓，以想像出來的一位神。
　「喵～」
　背後突然有隻貓，他媽的嚇到我心寒起來，一說完貓神就有貓叫聲～
　差點都把我嚇壞了⋯這是一個什麼神來的巧合。
　「嘩！係貓貓喎Hello～」她摸摸貓的頭「係咪貓神召喚你過嚟㗎？」
　貓咪都走到我身旁，逗我摸摸他的頭，再磨磨他下巴。
　他更站起身，聞聞我嘴，我看見貓咪的鼻子不斷在郁動，非常可愛的。
　「咔嚓」阿浠拿了我的相機幫下拍下這時刻。
　「Thankyou喎！」我說。
　於是貓咪都好似已經玩夠皮了，沿着一格有一格的石壆跳回去。
　阿浠和我都一步一步走回花店附近繼續逛。
　而我們就去到一個充滿油紙傘的日本風情隧道，慢步慢步地觀察每一把傘。
　「去咗日本咁呀！」她邊看邊說「話說你係點搵到呢個地方？」
　「之前睇個YouTuber係呢度拍MV就搵到囉。」我回答「所以我都係第一次嚟。」
　「介紹得個地方幾好呀。」她說「當咁樣去旅行都唔錯！」
　「啲遮真係好Colourful！」
　我們一個打卡點接下一個，從紙傘中隧道走到由紫色白色和粉紅色組成的藤花隧道，這三種顏色配搭真的有夠吸引眼球。
　更令我想超不少的情侶浪漫情節～
　走到尾段，看見一個英式電話亭。
　這種感覺令我們好像在短暫的時間穿越好幾個地方一樣。
　爽到高潮吧～就是這麼巧合日本和英國都是我喜愛的國家。
　假如在我們學生時期不能夠乘搭飛機出國，都可以試著在信芯園，當自己去到英國日本，哈哈！
　阿浠都隨即走進了電話亭，拿起假電話扮聽電話做擺Pose！
　「咔嚓」再幫她拍底。
　「不錯看～我影得好好！」可能都是她很美。
　「讚自己是三小呢？」
　「你睇下啦⋯」
　「哦～人靚囉！」她真是不知廉恥到一個極點⋯
　但我認為是個事實！她的確是一位美少女！
　又懂得穿搭又經常擺出一副可愛的表情～
　真是受不住這種攻擊⋯
　「知啦，唔會係我影靚，係你靚呀嘛！」我開玩笑地說，她亦露出一副奸笑的表情。
　到整個信芯園的旅程最後一站，更近回到最初的起點。
　在一片菜田前面，有一塊可以給客人祈福、許願的版。
　原本我都沒打算祈福，但一場來到就不如許個願吧。
　「有無興趣許個願呀？」我問她。
　「都好，我有個心願。」她說。
　「等我一陣，我去買一個！」
　去到店舖，我跟店員說要兩塊祈福牌。
　在店員走去拿兩塊牌時，我望到有一枝枝不同顏色的鬱金香，插在旁邊的枱上。
　我突然有一個衝動想送一枝送她一朵花。
　當店員走到回時我問他。
　「唔該，我想問吓一枝鬱金香幾錢呀？」
　「想要呀，送畀呀！」這位叔叔店員友善地跟我說「送鬱金香比女仔⋯表白？」
　「ERR唔算表白嘅，感謝⋯佢囉！」
　「要咩色呀？」叔叔說「鬱金香嘅花語有冇聽過？」
　我望着他擰頭，雖然之前有搜尋過，但不太記得了⋯
　「送花畀心儀對象，絕對唔好送黃色鬱金香，佢係代表着無望嘅戀情；紅色代表愛的告白、愛的宣言；紫色代表高貴同無盡嘅愛；白色代表我純潔無瑕天真浪漫！」叔叔簡短給了我一個攻略。
　我深思熟慮了一陣子，在回想我們之間認識到現在。
　給我一種感覺應該是白色的鬱金香，我們之間的確存在不少天真浪漫～
　「一支白色鬱金香～唔該！」我堅定地說。
　「好！」他回答我「愛情不必心急，慢慢嚟呀少年，你有的是時間！」
　「多謝叔叔！」
　我拿起一枝由叔叔包裝好的白色鬱金香～加上兩塊祈福牌。
　我急急腳走回到阿浠等侍我的地方。
　此時，我的白色鬱金香收藏得比較好，她看到我時不怎樣覺得奇怪。
　我叫叔叔幫我將鬱金香包好一點，想他包得不像一朵花，因為我給阿浠一個小驚喜。
　「嗱！你塊祈福牌。」
　「哦～唔該喎。」她望望我另一隻手拿着的東西「咩來的？」
　「冇呀，唔好八卦～」
　「咁好囉⋯」看到擺出一副比較沮喪的表情，救命真的很像小女兒⋯
　「許完願話你聽啦～」我說。
　於是我們都將祈福牌掛上了許願版，更合實雙手雙眼，在心裡說出自己希望的願望～
　「Ok！」我說。
　阿浠似乎有點耐，不知道她會許一個怎樣的願呢？
　「得！」她問我「許咗啲咩呀？」
　「講咗出嚟就唔起作用㗎啦⋯」我回答她。
　「咁你可以話我聽～你手的東西係什麼未呀？」她好奇心爆發得很厲害。
　「估下。」
　「地下執樹枝？」什麼奇葩的答案。
　「哎～畀你睇啦！」此時不經不覺已經到達黃昏時間。
　金黃色的時份剛好打在我們兩人身上，使現場變得更加浪漫～
　「係，一朵白色鬱金香～」我紙包裏抽了出來「送畀你呀～」
　她申出隻手接實我包裝好的白色鬱金香⋯不知她會有什麼感覺呢？
　她臉上更慢慢呈現出紅色鬱金香的顏色⋯不知她是害羞還是感動呢？
　「而家邊個生日呀？變咗你送我⋯」她以適中的語氣跟我說，更四處亂望「多⋯多謝你，送畀我～」
　「唔好咁啦！多謝你就真啦～」
　今次所以算是一種間接表白？
　感情事⋯不能總是隨便、急著。
　就當給她一個小暗示吧⋯
　「近去啦喎？」我再問她。
　「好呀！」
　離開的路線都是一樣，坐上的士時，看見她拿起電話拍下鬱金香。
　我猜想應該是作紀念吧？
　「你返到去仲有蛋糕食？」她突然問起。
　「係呀～芒果蛋糕，正！」
　「芒果唔錯呀⋯但我比較鍾意綠茶蛋糕！」她拎起鬱金香說「做咩送花畀我嘅？」  
　「見到幾靚囉～加上個叔叔又同我講花語⋯」
　「的確好靚，我好鍾意㗎！」她笑著說「第一次收花好開心！！」
　她喜歡就好了，最怕是她會討厭⋯
　「白色嘅鬱金香～真係好純潔呀」  
　一整天的生日旅程就此完結，今天確定是大滿足，這十七年斷估是數一數二開心的一次～
　阿浠真是個好女仔，刻意陪我吃一餐生日飯，又陪我去了一趟信芯園。
　在未來一定要好好報答她。
　一個小時之內，就陪她回到家的附近，更說再見～
　「呀～又到開學啦，好掛著暑假。」她說了好幾次的話。
　「我仲有DSE有排煩⋯」
　「你現況係煩啲嘅～」
　「到你屋企啦⋯」我說「你返到再message我啦，拜拜！」
　「好啦，拜拜有機會再見啦！」說到像之後很難見面。
　雖然中六可能會比較忙錄，但都不會完全沒有⋯時間？
　「有機會～」看見她進入到屋院範圍後，我都轉身離開。
　「鐵鈴 鐵鈴 鐵鈴」用鎖匙開門的聲音。
　「媽爸，近嚟啦！」
　「你今日好開心喎，哥～」弟弟又是一個奸險的人類，近期常看我的IG動態⋯「約女女喎！哈哈」
　「幾時到你呀？」想反串他說「成日坐喺屋企，做毒毒睇Vtuber～」
　「收！唯愛『百千夢』！」弟弟自信地說。
　聽說『百千夢』是一位很有名的香港Vtuber，我是位現充所以接近沒有接觸。
　「Okok大毒毒！」
　「現充就同我近去拍拖！」弟弟開始爆氣⋯
　「有機會試下～」
　真是一場無聊的爭吵，雖然經常都發生現充毒毒之戰，但始終都不影響我們的兄弟關係。
　離開房間之後，無聊返開電話，看見阿浠傳送了一張圖片給我。
　她將我送給的白色鬱金香，用一個玻璃透明花瓶好好地保存它。
　我傳送了一個鬼臉的emoji給她作為回應。
　她亦向我回應「枝花好美呀～」
　呀，其實我都不知道要怎樣回應才好？
　始終這一次比較算是間接表白⋯
但⋯心想她都應該算是間接接受了吧？
　「阿仔，你幾時食蛋糕呀？」爸爸走過來打斷了我的思考。
　「沖完個涼食呀！」我更回到自己的房間去，拿起衣服去洗澡。
　大概十五分鐘後，我終於梳洗完，媽媽亦都隨即從雪櫃裏提出蛋糕。
　「生日快樂，阿仔！」爸爸媽媽一同跟我說。
　「多謝爸爸媽媽！」我感謝他們。
　「生日快樂，哥！」弟弟跟我說，亦擺一副邪惡的表情「預祝你出Pool呀～哈哈！」
　媽媽就拿刀分配蛋糕給我們一家四口。
　一天的充實生日就此完結～
　時光瞬間一過，暑假就此結束～
距離我的DSE又再一次邁進一步。   
而我跟阿浠的關係⋯一天比一天成熟，我每天的時間除了溫書以外⋯剩下的時間我是跟他談天，是非常之誇張。
亦已經成為彼此的密友，但是「共密友做戀人做要小心」，真的情歌都有得唱。
　但重點都總是走來到面前，做情侶一定是必然的事情嗎？
　我們的關係都很好啊，做彼此的密友都不算是大問題姐，每天說說笑笑感到舒服不就很好嗎？
　雖然我之前都是用一種非常間接的方式告白。
　「哇哇哇～你使唔使笑得咁開心呀！」一名女性朋友跟我說「曖昧期嘅男仔果然唔同啲！」
　「咩呀媖姐⋯CLS呀？」我帶着苦笑的表情向媖姐回應「人哋可愛呀嘛！」
　我真的非常誠實地說了我對她的其中一個感覺⋯
　「係啦係啦！」她非常大聲地在餐廳說⋯
　因為當時我們剛好溫完書便去了餐廳吃午飯，而且下星期五至三，四日都要考試，真的有少少辛苦。
　「喂，拎嚟睇下！」她一手搶走了我的手機後，非常大力取笑我…「嘩！她比糖更甜！哈哈哈。」
　「而家啲人成日都放閃，又送花又去玩咁，差勁！」另一位女性朋友麗童說「遲啲就重色輕友呀，我哋呢啲朋友真慘⋯」
　「收聲啦！好煩」我大笑著說「我唔會重色輕友你哋⋯」
　在中學開學的第一天，媖姐和麗童是我中學認識的第一位朋友，當然還有在日本移民來港的邊野渡海啦！
　「點呀，而且發展成點，可以一齊未呀？」媖姐咬住麵包問我。
　媖姐旁邊的麗童就像打氣一樣說「在一起！在一起！在一起！」
　「呀⋯一唔一齊我又冇諗過喎，其實我有間接以白色鬱金香花語表白過嘅⋯」我正面回答媖姐「哎，拍咩拖呀，專心考咗DSE先啦」
　誰想不到我們的關係其實一路都在升溫。
誰想不到在每一段感情裏，在最快樂的時候可能不是在拍拖、而是在曖昧時期呢～雙方都是以朋友關係喜歡對方。
不需要理會很多關於雙方的拍拖感情煩惱事。
　「最緊要你自己唔好後悔啦，唔好錯過一段寶貴嘅愛情。」媖姐說「唔好到咗失去嘅時候，先發覺自己應該要珍惜。」
　「吾，又或者未係時候。 」
　「係機會就，上呀！」麗童和應。
　「係呀係呀！」媖姐奸險地說。
　「唔好咁講啦，我對自己嘅愛情都冇咩信心！」我回應。
　「總之就唔好迫自己，啱時機上馬就最緊要。哈哈」媖姐說。
　我都明白，現在的我就見步行步啦，反正我對阿浠的好感度都不斷有上升趨勢。
　「Btw亞瑟近期點？」麗童問。「媖姐佢有冇好啲呀？」
　「唉，識咗佢咁耐，真心未見過佢咁。」媖姐她無力地說「我最希望佢快啲⋯重拾返自己」
　亞瑟是我們身邊的一位好朋友，因為一次愛情出了意思後⋯他的生活變得呆呆濟濟。
說到尾，其實我都只不過是擔心感情投入過多，到失去的時候害怕自己會傷心到死。
失去如親人般一樣的安全感，真的非常慘重～
「總之呢講真㗎！唔好同亞瑟講個真相。」媖姐一念非常認真地說「尤其是渡海，咩都照直講好危險！」  
　「得啦，佢哋又唔係話見得多。」我喝着奶茶說「我會提提佢㗎啦。」
　不知道現在的亞瑟又是一個什麼的故事呢？希望他一切都會好起來啦！
　我們在餐廳吃完飯都坐了很久來談情事。
　溫完書吃完個午餐，就是時候回家休息了！
　「記得呀聽日約咗，晏晝十二點一齊溫書！」媖姐邊走邊跟麗童和我說「88」
　「記住咗啦！麻煩友。」我說，因為她經常在我耳邊轟炸提醒我。
  完結午餐，跟兩位朋友解散後⋯其實我還在深思熟慮「麻煩的感情」。
但⋯我認為現在應該是要專注在DSE上。
而且還要準備剩下幾天的考試「唉，考完試先再算啦」。
　「叮 叮」手機突然響起。
阿浠：「HeyHey!!!」
阿浠「想知！」-13:27
阿浠：「你幾時考完試呀」-13:28
我：「星期三囉 做咩呀？」-13:29
阿浠：「約你出嚟打籃球呀？」-13:29
我：「好少可喎 女仔打波～」-13:30
阿浠：「當做下運動囉～」-13:30
我：「到時約定啦～」-13:31
　跟她的對話完結後，我就餐廳一帶準備乘座輕鐵回家。

待續。。。哈