༄她。比糖更甜？༄: -第三章 好感？

-第三節 好感？
　兩星期過後。
　「鈴 鈴 鈴」電話瘋狂響。
　「我到你屋企落下啦。」渡海匆匆忙忙地說「密碼密碼！快！」
　「得啦得啦」我無言說…「191393」
　「做咩今日咁心急姐？」我笑著問。
　「出面熱呀。」渡海爆汗地跟我說「成廿三四五度呀，熱到CLS。」
　「你出得咁多汗嘅」我大笑「我即刻去開開冷氣先！」
　「點呀，今日過嚟拍咩片呀？」渡海疑惑地問。
　「哦，今日普普通通姐，因為十月有個中學生微電影大賽，我想參加下挑戰下自己。距離比賽仲有三個月…今次可以認真諗吓」嚴肅的我說。




　「可以試吓，你想拍啲咩題材咁呀，我大概可以之後俾個殼你。」
　「個人認為懸疑太複雜，科幻更加難明難做。」拗爆頭的我說「一係愛情囉，雖然係common啲，但結構上來講比較容易。」
　「哇哇哇，馬奇認真啦。」渡海懶搞笑地說「認真嘅男人係最靚仔。」
　「…死Gay佬」我無言地說「幫手諗吓啦快啲…諗完打緊機呀」
　「Okok男神！」
一個小時多後。
　「好好好 呀」我伸懶腰地說「搞掂咗個大概啦」
　「打機啦咁，聽講你之前話買咗隻新game？」渡海好奇問。
　「係呀。」
　我就拿起全新遊戲拆開包裝，邊打開PS5將遊戲碟插進去…




　「話說好奇想問樣嘢。」渡海突然問起我「你同阿浠近期傾好多計喎，又tag晒IG咁。」
　「係呀，做咩呀？」我望向他
　「對人有好感呀！好女仔嚟架，可以試下喎。」渡海得戚地望向我說。
　「咩⋯咩嘢啫，唉做朋友咪幾好，拍拖麻煩到死」我不懂回應地說「那那那睇住啦就嚟死啦。」
　「喂，頂呀！真係死咗！！」
　「叫咗你專心啲啦，問埋啲無聊嘢…」
　「但認真問。」死追問的渡海「做咩啊拍拖有陰影呀。」
　「咁係有啲…」我敷衍地答「唔⋯唔好問啦 煩！」
　「好啦好啦，唔問啦。」渡海說「嗱 但認真問，咁套愛情劇使唔使搵返個女主角呢？」
　「要～有冇啲咩識做戲嘅女仔呀？」




　「不如就試吓搵吓浠囉，佢講過話可以幫吓手咁㗎。」渡海似乎有套路地說「我認識咗佢咁耐佢啲戲都好似唔錯。」
　「都得！」我說「我今個星期先好似約咗佢拍菲林相機。」
　「哇！咁快約會人啦！？」渡海驚訝地說「進度幾快喎…」
　「乜嘢啊？拍片呀，唔係拍拖啊瞓醒未？」我心裏大喊着”救命”地說。
　「使唔使幫你揸機咁呀」他做了個得戚衰樣說。
　「唔使呀！走開啦！」

待續。。。哈🫥