錯。愛（真人真事改編）

  我自細就有社交恐懼症，小學既時候連番學都驚。直至我升左上中學，我因為唔想比人知道我咁樣而用一個異樣既目光同態度對待我，而盡量扮到好正常咁（你地知架啦，每當人要喺一個新環境既時候實會有好多假想同擔憂，而我更加係咩都會諗同咪諗好多既人）。雖然我都係好驚一啲要引起多人注目既野，例如匯報同分享嗰啲，因為有呢個社交恐懼症，所以我份人都比較怕羞同被動。

  我入到黎呢間場學校讀中一之後，我第一班識既人就係阿林，阿俊，阿超同阿熙，而阿熙就喺之後嗰六年都一直同我同班，係我唯一一個中學六年都同班既人，而佢亦到成為左我人生最重要既人......
 
 喺呢間中學入面，我算係一個頗受女仔歡迎既人，因為我本身都注重爬自己既儀容，而且對人都好友善，好願意為人地付出，即使對方同我唔係好熟。喺男仔FRIEND入面，我算係一個比較鍾意出街同做運動既人，而其他人都唔願出街，處於宅宅地既狀態。而且我翻學都會GEL哂頭咁，所以我比人印象都係好整齊、算係型型地既形象。我去到高中既時候亦都更加願意為自己班擔任一個領導既角色，因為我中四至中六都會原班升學，同班人慢慢熟左令我肯為佢地付出。

  可能我喺人地眼中係一個人生勝利組，但我只覺得自己係一個失敗者，得不到自己一生最愛既人，屋企煩惱又接二連三咁黎，即使我讀到一間好既大學，我真心覺得自己好折墮。我依家唯一希望既係我愛既人可以接受我，但呢樣野真係好難。