「我哋約定大家，十年後嘅今日大家都單身，我哋就結婚，好唔好？」: 6.

我哋自動自覺準備開餐嘅物品，分碟，餐具，膠杯
我坐喺枱嘅主席位，坐我左邊嘅有阿杰，Tatiana，Wendy，右邊係Jessica ，Alice，呀藍同呀偉。 

呀偉:「食之前，不如祈個禱先？」 

呀偉係一個虔誠嘅基督徒，長期戴住一個耶穌釘喺十字架嘅頸鏈。呀偉老豆係牧師，由識佢開始，每次講野都勁多道理，話要寬恕別人，唔好婚前性行為，要聽耶穌嘅說話......blahblahblah 

呀杰：「你幫我哋祈埋啦，穌哥唔介意我哋食住等㗎可？」 

「姐係咁……」 





我，Wendy，Tatiana異口同聲講
：「得啦得啦，我哋一齊祈啦。」 

每一次聽到由呀偉講「姐係咁」，我哋都深知不妙。中學放小息嗰陣，呀杰同我暢談緊佢睇嘅日本愛情動作女星身材幾咁好膚色幾咁雪白身體幾咁柔軟嘅時候，路過嘅呀偉就發揮佢「姐係咁」嘅本色…「姐係咁，牧者說，上帝視貞潔是珍貴禮物……」
呀杰嘅慾火逐漸被呀偉嘅口水慢慢淋熄，直到打完小息鐘準備上堂，呀偉先肯離開番返去自己個位坐。 

我相信Wendy 同 Tatiana 都有同一樣嘅遭遇 

呀偉：「咁大家一齊合埋眼，雙手十指緊扣合上。」




再望望我哋
「天父，我們能聚集享用這頓餐宴是因著您……阿門」 

我：「呀藍，Pass枝七喜俾我呀」

呀藍拎住枝七喜遞過嚟，突然俾呀杰搶走
：「枝七喜同綠茶留你一陣溝酒用㗎，你要飲自己落去買，幫我買多枝檸檬茶，Alice想飲咩呀你？」 

「X呀？咁派啲膠杯托呀？」 





阿杰笑住講
：「有話依家用咩？傻X！」 

「X！我落去買野飲，你哋飲唔飲？」 

Wendy：「維他奶。」

 Tatiana豎起兩隻手指
：「兩枝」 

Denise：「三枝」

呀偉：「無所謂」

 呀藍：「竹蔗茅根」 





Alice指住呀藍
：「同佢一X樣」 

Jessica企起身
：「我陪你落去買啦，我都唔知飲咩好，想落去睇吓」 
向門口方向前行

呀杰拍一拍我膊頭，再用眼神示意住我 

我企咗喺身猶疑咗一陣 

回過神，Jessica已經著好鞋 企喺門外
：「阿浪，行得未呀？」