「我哋約定大家，十年後嘅今日大家都單身，我哋就結婚，好唔好？」: 1.

阿杰再傳送訊息過嚟 

「今次真·重女啦！」 

我回過神 

「你叫埋D班班女係咩事？」

「前排禁錯制喺Alice個story send 咗個emoji，之後我哋傾計。我就問佢join 唔 join我哋，佢就問埋Jessica就話一齊黎喇。」 





「你想溝Alice都唔好搞到我呀！」 

我同Jessica 因為一首‘中秋你注定一人’而認識，喺中秋節一齊。佢最吸引我嘅係佢對眼，大，水汪汪，仲有一種梁朝偉嘅愁善感。
我哋從來冇講過分手，段關係就因為單方面嘅不理不睬而不了了之。考完DSE，等放榜期間，我都有主動約佢，而佢一係拒絕一係已讀不回。 

我哋最後一次見嘅時候已經係中學畢業典禮。相比DSE之前，今次見返Jessica，瘦咗好多。就好似由一個Pizza瘦到一塊Pizza咁。我企喺一樓禮堂外，望住流過唔小汗水，打咗6年籃球嘅操場，真係有啲唔捨得
場內，Jessica 同緊佢色士風班嘅同學一齊影相我一樓喺大叫：「王穎堯！」
即刻飛奔落去操場
Jessica周圍望，我行到佢面前想捉住佢隻手開聲問點解嘅時候
Jessica攬住我講：「傅日朗，你記唔記得我哋嘅承諾？」 





時間彷彿停頓咗，唔知過咗幾耐 

Jessica 老豆拍一拍佢膊頭講
：「要走啦。」 
「嗯，等多5分鐘。」 
「呀浪，呢個送俾你嘅。」
Jessica遞咗3個捲起咗嘅畫紙俾我
「記得返到屋企先拆。」 





講完，Jessica亦都離開咗學校。 

阿杰行過黎帶住疑問同我講：「乜香港飢荒咩？」 

無論我之後點WhatsApp，打電話換來嘅只係單剔同埋一句
「你所打嘅電話已停止服務，請你……」 

阿杰拎住五科2，報咗IVE嘅幼兒教育，佢貪女夠多，陰氣太重，要過去採陰補陽。
而我，入咗大學之後，簡直大開眼界。讀Account，男女比例係2:8。夏天返學就背心短褲短裙，冬天就Hoodie短褲短裙，有Presentation 仲要係黑絲恤衫……
不過呢啲都係後話 

「帽事嘅，話唔定你今次可以問返佢你想知嘅嘢呢？咁多年，大家都攰㗎喇。」 

我選擇已讀不回
刷牙，換衫，食嘢 




落到街行咗一陣，決定食譚仔。
坐喺門口對出左邊。

 譚仔姐姐：「食咩？」 

我：「魚腐牛丸麻辣十小，一杯凍檸茶，唔該！」 

「而腐淆演拾小凍檸茶，Yo冇池他書要呢？」 

「係咁多喇唔該！」 

此時，電話訊息提示響起