由青梅竹馬開始: 初上香閨

琪琪接過那束玫瑰，就更加感動了:“點解?點解你可以咁樣變紮花出來嘅?”勤說:“我早有準備嘛。”

琪琪追問：”邊個喺出面幫你？阿JOE ？”

勤：唔係。
琪琪：咁係邊個？
勤：你真係想知？
琪琪：係呀。

勤再次走到餐廳門口，呼喚守候在外的人進來。原來那是穎。琪琪見到很久未見過的穎，很是驚喜。



穎：琪琪姐！
琪琪：原來係你！
穎：你應承左未呀？
勤：佢未呀。
穎：我只係幫下我阿哥少少手。唔係要逼你應承架。

看見勤和穎在眼前，還有手中的戒指和鮮花，琪琪確是被打動到了。她燦爛地笑著說：”唔係你地逼我。我自願應承嘅！”穎即笑著回應：”嘩！阿哥你得左！快啲幫琪琪姐戴左隻戒指佢先啦。”

當勤為琪琪戴上戒指時，周圍的食客的注意力都在兩人身上。琪琪和勤難免覺得尷尬，但也是一種帶著幸福的尷尬。穎為勤和琪琪拍了一些合照後，三人就離去。穎自己回家，勤就當然要送琪琪回家。



事隔多年，兩人再度拖著手。

在車上，琪琪問勤為甚麼今晚會這樣做。勤就告訴琪琪這其實是妹妹的主意：”我今朝同阿妹講左，我尋晚同你食過飯。佢話我如果想氹返你，就應該要快啲俾啲決心……俾你睇到我嘅決心。咁我咪搵佢幫手同我去買戒指買花。”

琪琪：你地拎住呢紮花返屋企來？
勤：係呀。
琪琪：你阿爸阿媽咪見到紮花囉。
勤：我都唔想俾佢地知架。但瞞唔到啦。我估阿妹應該已經向佢地匯報左情況。
 


兩人牽著手走到琪琪家樓下時，琪琪帶點尷尬地說：”阿勤呀……你係咪應該買啲野先呀？”琪琪這樣的提示令勤有點意外。勤見到對面馬路有一間便利店，就回應：”一齊過去買？定係我自己入去？”勤提供的選擇又讓琪琪有些不知所措。因為她記得以往都是勤自己買的。但現在兩人已不是青年學生，而且也算是未婚夫婦了，關係也應有點轉變吧。所以琪琪就說：”一齊啦！”

幾分鐘後，琪琪帶勤入屋。琪琪居所當然不是甚麼大單位：一廳一房一廁所。琪琪將花放好，就叫勤坐在沙發上。事實上，勤這刻十分緊張。因為他知道很快就有和琪琪親吻以至是親熱的機會。但對上一次兩人親熱已是很多年前了。對於應該怎樣和琪琪一起歡好，勤有些茫然。琪琪其實也有相似的想法。她問勤：”我去沖個涼先好唔好？”勤點點頭，琪琪就到睡房拿衣服到洗手間。

洗澡時，琪琪想著今晚發生的事。她覺得自己或者是衝動了一點。但剛才在麥當勞的氣氛，尤其是穎出現的一剎那，初戀時代的感覺就湧現了出來。現在的勤雖然有點陌生，但還是一個她最熟悉的男人。未來要好好相處未必是易事，但總不會比再花時間思考、甚至尋覓另一個伴侶更令自己煩惱吧。

與此同時，勤站了起內視察琪琪家的擺設和裝潢。但最吸引到勤注意的，是掛在窗邊的衣服。勤細看的不是胸圍內褲，而是以前琪琪幾乎不穿的背心熱褲。勤認得晾著的衣服，包括了前一晚琪琪所穿的性感服飾。而且原來琪琪現時會穿的背心熱褲已有好幾個款式。似乎琪琪的打扮已比以前大膽了？勤於是對一會兒琪琪從浴室走出來時的打扮多了幾分期望。不過，最後琪琪只是穿了普通的T恤長褲走出來。而且勤察覺到琪琪還戴了胸圍。

勤有點失望，但總不可能表達出來的。琪琪問勤：”你要唔要都沖涼？”勤說自己沒有衣服可換。琪琪即回應：”唔怕啦。我應該有啲oversize嘅衫褲你著得落嘅。