由青梅竹馬開始: 嘴唇還是面頰？

勤本想走去地鐵站，但走了幾步就覺得自己的情緒非常差。他不懂得描述自己的感受，只知道自己很辛苦。勤要盡快找一個慰藉，所以就截下了一輛的士到Agnes家。開車後，勤回覆了Agnes一個短訊:“搭緊的士來緊”。
 
勤下的士時，已見到Agnes在行人路上等他。初春的天氣乍暖還寒，但Agnes沒有吝嗇自己的一雙美腿。她上身披上了厚厚的外套，下身則只有一條短短的貼身運動褲。勤凝視了Agnes的雙腿一眼，但他這刻需要的不是挑逗。
 
勤主動走到Agnes面前抱緊對方。Agnes這時明白到勤的心情有些古怪。因為兩人既是不倫關係，就算在私隱度高的地方極為淫亂，在眾目睽睽下都總會保持距離。何況當下是在Agnes住的屋苑外，一個離勤家也不遠的地方？Agnes也抱著勤數十秒讓勤冷靜下來，之後她才甩開勤說：”上去先講好唔好？”
 
兩人回復保持距離的姿態走進大廈。步出升降機後，Agnes即捉緊勤的手。她一隻手拖著勤，另一隻手拿出鑰匙開門，讓勤的心暖了很多。兩人進屋，Agnes就對勤說：”你不如沖左個涼先。陣間慢慢講？”勤同意，就脫好鞋子放下背包走到洗手間。Agnes則到睡房找來一條毛巾準備拿給勤。她推開洗手間門，見勤已在淋浴。Agnes將毛巾掛在毛巾架上，想了想是否應和勤一起洗澡。不過Agnes覺得這一刻勤最需要的或許不是性，所以就回到廳。同時Agnes發現勤沒有拿衣服到洗手間。平時勤會帶衣服來換的，Agnes以為勤忘了將背包內的衣服拿出來，於是就打開了勤的背囊。怎料他見不到任何男裝的衣物，只見到那件粉紅色的性感睡衣。 
 
 
Agnes拿起睡衣，覺得似乎有點陳舊，但又挺漂亮，就走到房間脫光衣服換上它。她再在衣櫃中找來丈夫的內褲和睡衣，準備讓勤穿上。勤抹乾身體後，就赤條條走出來說：”我冇帶衫來換添。”Agnes就將預備好的衫褲交給勤：”著住我老公嗰啲先LAR。”勤接過衫褲時，見到Agnes穿了那件睡衣，即嚇了一條。他問Agnes：”點解你著住左嘅？”Agnes回應：”我以為你漏左啲衫喺背囊諗住幫你拎。點知淨係見到呢件衫。你特登帶來俾我著？點解好似殘殘地咁嘅？你BID人地著過嗰啲？”勤邊穿好衣服邊說：”唔係呀……我唔知點同你講好。我頭先唔係喺屋企。所以至坐的士來。” 


 
 
Agnes問:“咁做乜唔開心?”問完問題後，Agnes伸出手將勤拉上床。勤倚在Agnes胸前，但他沒有心情品嘗眼前那雙巨乳，而是將今天和琪琪的事告訴對方。Agnes擁著勤讓他說，到勤大致說到和琪琪告別時，Agnes才說話:“所以呢件本來係你諗住俾琪琪著?”勤點頭:“你係咪介意呀?"聽到勤這樣說，Agnes立刻吻了勤的額頭一下，再輕撫著他的頭說：”點會呢？我冇資格介意架。”勤沒有說話，繼續躺在Agnes懷中，並緊握對方的手。
 
Agnes：咁你覺得你自己做乜最後唔敢同佢講？
 
勤：我唔知呀……
 
Agnes：係咪同我有關？
 


勤：我唔知……可能……我唔知呀……
 
Agnes：其實你知嘅。我同你嘅事冇可能當冇發生係咪？但係你係同佢分開左至同我一齊。你冇背叛過佢。如果你覺得要同我分開先至可以同返佢再開始，我都只可以接受。因為其實係我自私，俾唔到將來你。我唔可以綁住你架。
 
勤：我……我自願架。
 
Agnes：你決定LAR。聽你咁講，琪琪又唔係抗拒你。如果你要走，我會唔開心。但係我冇資格留你嘅。我知你對我好，你對我係真心。我對你都係。但我唔可以成為阻住你搵返幸福嘅人。
 
勤沒有發言，靜靜地消化Agnes的話。過了寂靜的幾十秒後，Agnes說：”我知要你開口好難。如果你想走，𡃶我個嘴一下。如果你唔想走，𡃶我塊面，咁好唔好？”
 


Agnes突然要勤做決定，令勤有點徬徨。而勤不知道的是，Agnes這時已是眼泛淚光。