由青梅竹馬開始: 好友的婚禮

  
“分半點福氣給我 不准留低我一個”
 
 兩年多後，已是2009年初，卡拉ok房傳出了《姊妹》的歌聲。在唱歌的當然不是楊千嬅，而是琪琪和其他幾位中學同學。這晚的主角貓就坐著聽她們的歌聲。這是為貓而設的婚前派對，因為一個星期後，她就要嫁給JOE了。
聚會結束後，貓沒有回家，而是到了琪琪的新居。金融海嘯令樓價下跌，琪琪就趁機買了個小單位自住。
兩人梳洗後，就坐在床上聊。
 
貓:好犀利呀你!咁快新有錢買樓!

琪琪:你地都買左啦。



貓:點同呢?我地係屋企人借俾我地買。你係自己買噃。

琪琪:我得一個人住。邊有你咁幸福?

貓:所以你頭先唱姊妹眼濕濕呀?

琪琪:俾你發現左添!

貓:我睇住你地幾個唱。係得你一個咁。



琪琪:我係戥你開心到想喊呀！唔好亂諗野！

貓:你俾多次機會你同阿勤啦好心。

琪琪:都咁耐冇見。人都可能變左好多啦。

貓:下星期咪見到囉。

琪琪:仲好講?如果唔係以前一早應承左做你伴娘，我就唔做啦。費事由朝到晚見到佢咁尷尬。



貓:咁都係機會來架嘛。可能你地可以好返呢。

琪琪:有機會嘅話就唔會呢兩年幾三年完全冇聯絡啦。乜野都變左啦。

貓:佢冇同其他人拍拖個喎。定係變左嗰個係你呀?

琪琪:如果咁計……我同過東仔一齊過幾個月，可能真係變左。不過我都唔知呀…… 
 
貓:我冇話過俾人聽你同東仔啲野架。阿JOE都唔知。所以喺阿勤心入邊呢……你應該仲係咁清純嘅。

琪琪:哎喲！即係話我唔再清純啦你!

貓:咁係呀嘛!



琪琪:我唔係好曳啫。東仔之後我都dry到而家啦。我唔純就唔乖就唔會拒絕咁多人。

貓:係啦，知你純知你乖啦。話時話，你咁dry點解決呀?

琪琪:下?遇唔到有feel嘅人都冇辦法……

貓:唔係講你個心啦。講緊你個身……

琪琪:咁個心冇人掛住，個身就冇話想要架啦!

貓:嘩！真係咁?唔可以呃我架!

琪琪:哎喲！最多咪初初喺英國時掛住東仔，後尾忙都冇啦……

貓:咁你嗰時點解決呀?



琪琪:冇解決呀!

貓:你塊面紅晒喎!

琪琪:download啲av睇下摸下自己囉。唉呀唔講啦。

貓:而家部電腦有冇呀?你睇邊類多啲呀?

琪琪:冇啦冇啦!唔講啦!
 
幾天後的晚上，就是貓和JOE婚前的晚上。這一夜，最忐忑不安的不是明天的兩位新人，而是要任伴郎的勤。明天再遇琪琪，他應該怎樣？幾星期前他才和Agnes就這個問題討論過一次。這年多的時間，勤和Agnes已經是無所不談。勤跟琪琪與和佩兒的過去，Agnes都一清二楚。Agnes說過，既然勤不介意她有丈夫，她也沒有權利阻止勤和其他女子來往。而當Agnes得悉勤會再見琪琪時，她就告訴勤，如果他真的掛念琪琪，那就放心去嘗試再次復合吧：”你地如果喺返埋一齊，我地都應該要停架啦。我會唔開心，但我冇得怨啲乜。你始終都要搵一個可以同你以後一走落去嘅人。”
 
如果Agnes不算是積極地鼓勵勤，那麼JOE肯定算是了。前一天晚上JOE才提醒勤記得要盡力趁機爭回琪琪的芳心：”阿貓話架……琪琪係有機嘅，佢冇同過其他人一齊。最緊要你俾到佢感覺到你同以前一樣就得！同埋其實佢都好DRY下架。你散席之後最好送佢返屋企啦。佢而家搬左出來一個住啦……”
 


 
勤知道自己其實已經變了，否則也不會和Agnes一起。但JOE根本不知道他和Agnes之間的事。除了他和Agnes外，就只有Ceci知道兩人的秘密關係。勤是變了，但琪琪永遠是他的初戀，不可能沒有特殊的地位。縱使他怨過琪琪，但隔了這麼久再見，會牽動他的會是甚麼情緒？勤自己也不知道。他想和Agnes談一下明天應怎樣應對。但Agnes幾星期前就告訴勤，未來幾星期她會先和丈夫旅遊，然後Agnes丈夫可能有一段時間留港。所以在Agnes主動找勤前，勤暫時不可以主動找Agnes。到底明天要如何對琪琪？這一刻沒有人能幫助勤了。