地府實習生: 第一天上班
晚上，，家睡房，小冰、牛頭
【小冰剛完洗澡，頭髮濕濕坐在電腦前】
小冰： 【輕鬆】焫焫焫焫焫焫著，情愛似燃油炸藥，啱啱好9點，準時返工！
【突然螢幕的光線強烈照向小冰】【光線太耀眼，忍不住合上眼】【小冰張開眼，發現身處另一個空間，牛頭站在她前方】
小冰： 【驚嚇】啊…呢度邊度嚟㗎？我唔係喺自己間房咩？你又係邊個？點解 我會喺度㗎？喂，你係邊個呀？
牛頭 ： 冷靜啲，呢度係地府。
小冰： 【大叫】下，地庫？我係咪發緊夢呀？
牛頭： 唔係，呢度係地府，死後會來嘅地方。
小冰： 【大叫】下，即係我已經死咗啦？下，點解嘅？我明明今日第一日返工㗎，我係屋企部電腦前面死咗？
牛頭： 聽埋我講先啦，呢度咪係你工作地方囉！
小冰： 下，工作地方，呢度唔係地府咩，我好亂啊！到底我係生定死？
牛頭： 都叫你聽我講，你今日第一日返工，而你係一名地府實習生，每晚夠鐘你就會返去人間，明唔明呀？
【牛頭取出iPad俾小冰】
牛頭： 【拿着iPad】呢度工作就係靠佢通訊，每人一部，個個都用WhoApp或者視像溝通，你…後生女應該識用嘅。
小冰： 【拿着iPad】乜原來地府都咁先進
牛頭： 【自豪】與時並進，地府新時代呀，依家越來越多後生落嚟，特別係小學生自殺case越來越多，所以以前寫信、白鴿嗰啲全部都唔識用，咪轉晒新科技囉。
小冰： 嗯…咁我工作負責咩㗎？
牛頭： 跟我嚟啦，一陣你就知
已關閉評論