起舞吧!愛與舞蹈的感覺: 第六章:舞蹈與感情的競爭 1
「吓」「琴日你唔係話襯架咩，快啲去試下」「但係…」我望住學校條連身裙，我應該點行出黎比佢睇，呀…，羞死人啦，係唔係應該即刻拒絕佢比較好呢？
「呢件衫有條裙配架，呢位小姐你著開咩碼？」一位店員好快就行出黎，而我亦都答左佢嘅問題，好快就入左去試衫，唔駛兩分鐘就行返出去比佢睇下…
「Good，就呢套唔該」「小姐你想著住走定點？」「Er…」「就著住走」佢好快就幫我決定左，而且仲拖住我周圍行，一刻都冇諗過鬆開我隻手，不過…不過…
「影天」過多十分鐘發現附近越黎越多熟悉嘅面孔，應該係佢地已經過到黎。
「做咩？」「我地呢…」「咦，呢個咪樂盈」好快就聽到遠處傳黎熟悉嘅聲音，原來係隔離班嘅朋友，噢…，我同佢仲係拖住，一陣間咪會，但係我同佢…
「你男朋友？」「唔…」「我係樂盈嘅男朋友劉影天，多多指教」佢好快就承認左我地嘅關係，明明…明明我仲未答應做佢女朋友，點解佢要咁樣回應人…
「你好…」「樂盈你就好啦，有個靚仔男朋友」佢拋低左呢一句就走左，但…
「做咩認係我男朋友，明明我都…」「呢一刻仲未係，但我相信總有一日會係」佢輕輕咁回應左我，而且我地兩個隻手仲未有鬆開嘅意圖，直到返上私家車…
「少爺岩岩小姐打左電話黎，駛唔駛去接埋佢？」「好」依旋？，佢仲係學校？
「呢套衫真係好襯你，下次出街可唔可以都著住？」「不過我呢我…」「點解姐姐著住琴日套衫嘅？」架車好快就駛到依旋面前，正係我想答影天問題果陣…
「岩岩你阿哥帶我去買架」「WOW，阿嫂你面紅啦」喂，點解係呢個稱呼架？
「依旋，邊個係你阿嫂」「佢咪係，55555」好快就掩住依旋把口，架車亦都慢慢咁向住我屋企方向駛去，但係經過我屋企樓下就向前去，直入兩兄妹屋企…
「我想返去」「係度做埋功課溫埋書先啦」影1好快就答左我，而工人姐姐都拎左三杯野飲同小食出黎，放左係大廳飯枱上面，而依旋好快就拎左功課出黎。
「姐姐，呢度要點做？」十五分鐘之後依旋開始問我問題，而我啲功課係學校做得七七八八，只係差最後兩份同埋聽日嘅小測，所以剩低嘅時間都夠用…
咔…，唔知做左幾耐，就聽到大門果邊有聲響，再聽到工人講「夫人」，即係…
「媽咪」「咦樂盈你黎左呀」「係呀，今日黎幫依旋補習同溫書」「不如留低食埋飯先走」好快就聽到佢地媽咪講左呢句，但係…我屋企今晚有冇飯食呢？
「今晚…」「我同你爹地要做到好夜先返，唔駛等我地門」正想問出問題果一刻，媽咪嘅訊息已經復左我答案，所以應承依旋媽咪嘅邀請，繼續溫習之旅。
「食得飯」喜姐大叫左一聲，係另一邊嘅飯廳擺左五餸一湯，會唔會太豐富…
「我唔客氣啦」「大家食飯」好快大家都起筷，食左差唔多十分鐘，佢地媽咪開始問問題，關於我嘅所有資料都想知，特別係同依旋有關嘅，而我一身裝扮…
「話時話點解依旋你仲係校服裝，但樂盈你就…」「阿媽呀，係我岩岩送比佢，唔關依旋同樂盈事」影天答左伯母呢一句之後，佢媽咪望住我差唔多成分鐘…
「阿仔你係唔係仲意左人？」「嗯…」佢地媽咪當住我面問左呢一句，而影天都好快就答左，Er…，Er…，我依家應該講咩先岩，應承同佢拍拖，定係應該…
「姐姐，食蛋呀」依旋一句就打破左呢個局面，但食完飯之後，佢地媽咪就…
「樂盈，伯母唔係想煩住你，但係岩岩阿仔講嘅野你都聽到，而且佢仲…」「伯母，其實一早知佢嘅心意，只係…」同伯母傾左差唔多十分鐘，見時間差唔多就離開左劉家大宅，返到屋企大約九點半，依個時候就收到影天傳黎嘅訊息…
「今日媽咪同你講嘅野唔駛咁上心，只係想知你嘅心意，遲啲答我都得」佢好快就打左段咁嘅文字比我，但係…但係我都想回應你嘅心意，聽日上完堂先…
「樂盈，記住聽日帶齊野黎上堂」係另一個聯天畫面，係兩個黎自跳舞老師嘅訊息，一大張清單要自己執，同埋聽日係我自己一個上堂，所以冇可能要…
鈴鈴鈴，收到黎自麗晴嘅電話，麗晴？，呢個時候佢做咩會打比我嘅？
「麗晴？」「樂盈，聽日你係唔係開始練Advanced 2嘅內容？」「係呀…」同佢一路用藍芽耳機傾住電話一路執我聽日要用嘅野，執完就返房再溫多陣書…
「好，聽日食飯再傾」「吓，哦」聽到最後一句我嚇左嚇，不過好快就收左線，只剩低自己一個同書本搏鬥，而且係搏鬥到差唔多一點鐘，但係媽咪佢地…
「喂媽咪？，你同爹地仲未番嘅？」「阿女你仲唔訓？，我同爹地要做通宵，你自己顧自己就可以啦，聽晚會返黎同你食飯」媽咪一路講住呢句一路打緊字，仲聽到隔離有好多人係度叫緊佢…，而爹地把聲都係當中，睇黎真係好忙…
「咁我唔阻住你地啦，Good Night」好快我就收左線，雖然今日仲未食飯…
叮噹，又係呢個鐘數有門鈴響起，不過一望出去，就見到一個好熟悉嘅身影。
「住家速遞」講呢句野嘅當然係影天，但係…點解佢會知道未食飯？，唔通…
「點解你好似知道我做緊咩嘅？」「下？，冇呀，只係我同你心有靈犀炸嘛…」我同你？，Are You Sure？，聽到呢句果陣…，其實我塊臉真係變得好紅…
「唔好講咁多啦，食飯」佢好快就趕左我去飯枱隔離，一路食飯一路傾計。
「得你自己一個？」「嗯，爹地媽咪都要做通宵」鈴鈴…，影天電話突然響起…
「嗯，嗯，好快返黎，唔洗擔心我」影天講完之後就望住我，眼都唔眨…
「喂…喂」「真係好可愛…」都唔知點回應佢先岩，只係一路食住佢帶黎嘅飯…
食左差唔多半個鐘終於都食完，而佢都拎住佢帶黎嘅飯壺一齊走，之後就見到群組有好多唔同嘅訊息，有啲係黎自姊妹群，有幾個係依旋send過黎，依旋？
「阿嫂食得開唔開心呀？」依旋好似咩都知道哂咁，一個電話打左過黎。
「做咩小妹妹仲唔訓呀」「我擔心緊自己阿哥嘅幸福炸嘛，點呀，好唔好食？」「嗯」「阿哥親自煮架」吓…，嗯…，影天親自煮野比我食？，但係…但係…
「唔洗唔好意思喎阿嫂，我咁耐只係見過阿哥煮過五次野食，煮比女仔食嘅你係第一個…」第一個？，咁依旋你唔係女仔咩？，呀，佢有機會唔當自己係！
同依旋傾左差唔多半個鐘，收線果陣都已經係十二點，已經到左訓教嘅時間…
時間好快就左第二日放學，其實全日都冇咩好做，只係一直聽書傾Project。
「我走先啦，聽日見」「聽日見」雖然食飯果陣麗晴係度，但係都冇咩特別…
「佢都做到咁出面，快啲應承人啦」但係佢講呢句野…仲係個腦入面踢唔走…
「唔駛跑過黎，抖順條氣先開始」老師好快就安頓好我，亦都開始左練習。
「做得唔錯，不過」就咁訓練左接近兩個鐘，已經係時候要休息，之後聽到…
「走得啦？」「影天？」去到中心門口，劉影天唔知點解…出現係我面前