起舞吧!愛與舞蹈的感覺: 5
「咁得閒呀」「想見你呀嘛」吓…，Er…，比佢一句野搞到自己個腦hand機…
「依家見到啦，88」好快就閂門，但係比佢一隻手擋住，而且伸左隻手入黎…
「呢個比你」佢比完我之後就離開左，嗯…，佢帶左啲咩黎比我？，係佢？
眼前嘅係我一直想要嘅公仔，仲有一大堆能量棒，佢以為我會自己餓死自己？
望住隻公仔對住我個樣，就諗起岩岩影天好快就遞左佢入黎比我，歡迎你呀…
「歡迎加入我嘅公仔後宮呀天天」好快就幫隻公仔改左呢個名，PO左上IG。
叮…，好快就係姊妹群度收到幾個唔同訊息，其中一個就係我Story嘅相…
「WOW天天喎」「劉影天個天天😏😏😏」好快就比成班姊妹洗班，而其他人只係比心心同其他emoji洗我板，但最令人估唔到嘅影天睇完個story冇反應…
「依旋…」諗左成晚都覺得唔對路，就係WhatsApp度搵依旋，希望知道啲咩。
「原來個公仔真係比阿嫂你架…」依旋呢一句令我好出奇，所以一問之下…
「嗯，冇咩啦，星期一見」好似知道啲咩大秘密咁，個腦咩都消化唔到，只可以一路聽住歌一路對住眼前睇緊嘅小說發呆…，直到電話響都係諗唔到野…
啪…，一下子就感覺到塊面度有啲野，原來係自己睇緊嘅小說，我做緊咩…
「姊妹，大件事大件事」係個群組度咁樣求救完差唔多半個鐘，大家先開左個群組會議，主題就係今日發生左嘅事，當然係我第一身講返發生咩事……
「你肯比隻公仔入門口已經比佢知道你嘅心意，佢冇反應即係等緊你去搵佢呀」芝詩好快就得出左一個咁嘅結論，而麗晴都有同一個結論，不過呢…
「但係我覺得係影天未夠進取喎…」好快就有第二種見解走左出黎，而呢一晚就係我地五個女仔嘅傾計下渡過，不過…我都仲係想知道影天有咩諗法…
訓教之前望住天天，係度諗緊幾時應承佢嘅追求好，但係兩個禮拜後嘅練習…
鈴鈴鈴…，唔知點解又會有一陣鈴聲係自己耳邊響起，好快就聽到麗晴把聲…
「樂盈你醒未呀？」「嗯，咩事？」「有野想搵你幫手…」隻腳開始鬆哂，用左大約五分鐘就落樓搵到麗晴，而佢背後就有另外三姊妹，星期日咁齊人呀…
「係樂盈未繼續練習之前我地可以玩盡佢」好快就大家就提議今日嘅好去處，因為我隻腳開始好返，所以大家都比左啲大膽嘅提議，不過主題公園就…
「要跑嘅就遲啲先啦」「不如去」大家提議完之後，就揀左個比較少去嘅地方…
「好舒服呀」大家都係船上面講左呢句，而今日我地嘅目的地係長洲…
「樂盈你真係冇事？，一陣有排行架喎」「冇野呀，依家行快左啲，比隻腳活動多啲都好」用左一個鐘多啲先係荃灣入到長洲，而我地嘅行程其實係去食野。
「不如最後去返師妹甜品？」「好呀好呀」大家都接受呢個提議，係長洲度左右穿梭，好快就行到差唔多五點時間，不過呢…師妹甜品原來星期日係唔開門…
「下…，好想食甜品喎」「不如去呢間？，食中式甜品」大家一齊行左去果間糖水舖，見到門口嘅短短人龍就去左排隊，過左十五分鐘先可以入到舖頭入面。
「有咩好食推薦？」見到餐牌上有好多我地見慣見熟嘅名，但係都有啲唔識。
之後叫左老闆推薦左幾款唔錯嘅糖水比我地，而今日嘅長洲之旅就到此結束。
「聽日要返學嚕…」「要揀科，真係聽到都覺得攰」成程船大家又開始吐苦水…
「盈盈你真係揀文科？」「係呀，我背野又唔差，讀跳舞又唔係一定要揀理科」大家都講緊有咩科岩自己，又拎自己嘅理想職業出黎傾，好快就返到荃灣。
「聽日跳舞再見」麗晴好快就同我地講左再見，之後就到其餘三姊妹。
「嗯，有咩再搵我」我都好快就返到屋企，而兩老係呢個時候都返到黎大堂。
「阿女？」「爹地媽咪，返黎啦」「你今日去左邊？」「同班姊妹去左長洲食野炸，所以今晚我都唔係食得太多飯」「不如一陣出去食野？」媽咪好似聽唔到我講左咩咁，不過我地都係去左間米線舖，叫左個大米線同小食一家三口分享…
「姐姐」突然聽到依旋把聲，原來佢同影天兩個都黎左呢間米線舖坐低食野…
「依旋」同佢地兩個打聲招呼就自己禁電話，但係依旋好熱情咁撩我傾計…
「阿女，呢兩位係…」「呀唔記得介紹，呢位係我學校同芭蕾舞嘅師妹劉依旋，隔離果位係佢阿哥劉影天」「不過我見過阿女你…」媽咪好快就爆左佢見過我同影天兩個去食野，而且經常見到我單獨同影天兩個出街食野，死啦，點兜好？
「其實係我搵左姐姐幫我補習，阿哥同佢傾緊我補習嘅野」依旋係碗米線上枱前就答左媽咪彈出黎好似炸彈咁嘅問題，而爹地一直都冇出過聲，只係聽…
「我走先啦依旋，記住聽日要返學」提完依旋好快就離開左米線舖，而呢一晚諗左好多野，係關於我同影天依家呢個狀態，亦都有關於我跳舞嘅未來。
「十分嘈…」聽住七點響起嘅鬧鐘，望住電話上一個訊息都冇嘅群組，就知成班姊妹一個都未起身，但我好快就梳洗好，坐係飯枱前面食住愛心早餐。
「係喎阿女你諗住揀咩科？」「我想揀文科，因為之後就算讀芭蕾舞都唔洗有理科野，所以就…」「嗯」好簡單就回應我嘅回答，而時間亦都接近要出門口。
「今晚返唔返黎食飯呀？」「Er…，晏啲話你知」好快就同兩老講左再見，而係路途上就遇到行緊返學校嘅芝詩，唯有同佢傾下我依家呢個狀態應該點做好…
「你…」「嗯…」「不如真係同影天講清楚？」「但係佢一開始咁…」有時諗返起最開頭佢嘅表白咁大謄，但點解依家會咁怕羞咁同我講野，真係有啲問題…
「傾緊咩？」樂愛都返左黎一齊討論戀愛嘅問題，但成個朝早一啲結果都冇。
「樂盈」係耳邊突然聽到自己個名，但完全唔肯定係唔係有人叫我…
「高樂盈」今次叫全名終於聽得到，原來係歷史老師問我問題，死，答案係…
「八國聯軍」隔離嘅女同學好快就講左個答案出黎，我亦都好快就復到老師…
「專心上堂」「係…」聽到老師咁樣講左呢一句，但係我個腦真係開都開唔到…
唧，係裙袋嘅電話震左幾下，原來係芝詩知道我有咩問題，專登WhatsApp我…
「不如食飯再傾下？」「嗯…」「一陣食咩？」最後個訊息係姊妹群度問，而麗晴好快就決定左我地食咩好，所以今日又係五…呀，係六姊妹一齊食飯…
「依旋點解你可以出到黎架？」「學校話中一下學期可以出黎食飯呀嘛」下…，點解我地果陣係話中三先可以出街食飯…，點解學校越黎越好架，點解…
好快就講到我同影天嘅戀愛問題，依旋唔單止唔避席，仲一直回應同點頭。
「你呢個間碟，唔好同你阿哥講呀」「阿嫂，我係幫你架」佢一句話就撩起左我嘅好奇心，究竟佢同佢阿哥兩個係屋企會傾咩問題，會唔會傾有關我嘅野？
「佢話之後會再同你表白」係埋單前，依旋爆左句咁嘅野出黎，再同我表白？