起舞吧!愛與舞蹈的感覺: 第二章:音樂中的舞蹈 1
「阿妹就交比你…」呢句野係我個腦度原地爆炸，佢當我係保姆定咩…
又係一個鬧鐘響起嘅早晨…，今日…我終於要由一個學生變做一個老師。
「放學見啦姐姐」唔知點解每一朝都開始撞到呢個妹妹，次次都咁興奮…
鈴鈴鈴…，食飯時間，同三姊妹出去，之後就撞到麗晴佢地放飯。
「麗晴？」「咦，咁岩嘅，一齊食？」同佢學校嘅朋友一齊食飯，一齊傾計。
「原來你地都係跳芭蕾架，不如你黎我地學校嘅開放日表演呀？」下，我地學校嘅開放日都唔會有芭蕾表演，你地學校真係可以做到比我地表演咩？
「哈哈，佢地講笑炸，你地唔駛咁認真」麗晴幫手打完場，之後就返左學校。
「估唔到麗晴班同學咁風趣」芝詩一路上都提住麗晴嘅朋友，直到放學果陣…
「嘩，樂盈姐姐間屋好大呀」依旋一踏入門口，個口就一直開開合合咁…
「哈哈，唔係呀」尷尬地回應住佢嘅驚訝，去左廚房斟兩杯野飲就開始溫習。
「嗱，呢科…」一直講一直講，而四姊妹就係大廳度自己溫書得閒就傾下計。
「姐姐，可唔可以出去同你地一齊溫？」溫左差唔多半個鐘，依旋就咁樣講。
「Er，你驚唔驚我地講嘅野太深…」畢竟佢一個F.1，我地四個都係F.3學生。
「唔驚，早啲聽完早啲學識」之後佢就開始執野，準備將戰場轉移到大廳…
「咦，依旋你出左黎？」「係呀，我覺得係入面自己溫太悶，咪出黎同姐姐你地一齊溫囉，話說…」出左去唔到十五分鐘，大家都好似姊妹咁咩都傾一餐。
「其實」唔知點解個話題開始帶落我同影天度，依旋就不停講佢阿哥點點點…
「你講真架？」係度不斷問不斷問，而今日嘅溫習小組已經變左八掛小組。
「同姐姐你地一齊溫書真係好開心，聽日…」「歡迎呀，聽日放學見」送走左依旋之後，我地就繼續開始溫習小組，伴隨住嘅係我地嘅晚餐，一齊煮嘅晚餐。
「點解要一齊煮…」芝詩係度準備緊自己嘅食物，我地諗緊應該要問咩問題。
「咁先可以咁樣溫書，第一題…」冇錯，就係一路煮野食一路問書，癲呀呢！
「呼…，好攰呀…」係整完哂我地嘅晚餐之後，大家都係訓左係地下度…
「襯熱食呀各位」我就坐係自己個位度，一邊食一邊鼓勵住坐係地下嘅大家。
「樂盈你」「唔駛問啦，佢係學霸當然冇問題啦」樂愛一邊回復一邊坐返起身。
食哂所有野之後，再做左十五分鐘嘅問答時間，就解散左今日嘅小組。
「樂盈你傻架…，日常都係咁溫書…」「吓？，大致上係咁啦」一邊整理今日嘅筆記一邊埋頭研究今日教嘅課題，直到十點鐘先休息，鈴鈴鈴，媽咪嘅電話？
「媽咪」「阿女，一個人冇事呀嘛」「點…會有事喎」同媽咪傾左成半個鐘…
「嘩…」傾完電話就聽到芝詩嘅聲音，嘩，佢係度聽緊幾年前舞蹈嘅獎…
「做咩呢個獎」叮叮…，講完呢句果陣，群組上面突然出現左一張相。
「估唔到之前盈盈已經拎過呢個獎喎」芝詩原來已經將呢個獎影左相…
「芝士！」「不如…」佢講左一句令我即刻面紅嘅說話，喂喂，你咪咁做呀！
叮…，咁晏囉，仲有其他人傳訊息比我？，咦，影天？，佢搵我咩呢？
「樂盈，聽日放學不如上黎我屋企溫書，有啲野想同你傾」「嘩…」睇完成條訊息，立即比芝詩嘅聲音嚇襯，上佢屋企？，問下依旋佢阿哥想做咩先…
「冇野架，好單純咁傾下計，聽日放學圖書館等」好簡單就回應左我嘅問題…
轉眼間就到左第二日放學，我地四姊妹聯同依旋五個人坐入影天安排嘅車度…
「呀，唔記得通知麗晴」「你叫我？」後座傳黎熟悉嘅聲音，原來麗晴已經…
「小姐，我地到啦」司機傳黎嘅聲音，我地已經到左佢地屋企，會唔會太大？
「阿哥」依旋好快跑入佢阿哥嘅懷中，而影天亦都講左今日請我地黎嘅目的。
「吓？，你點知我地…」「個商場係我地屋企架嘛」依旋面不改容咁講左出黎…
「吓！」我地五個即刻叫左出黎，即係…即係…我地跳舞嘅片佢地咪…
「唔駛驚啦，依旋你帶佢地去舞蹈室」「係…」好快就由依旋帶領下到左暫時嘅舞蹈室，而且係舞蹈室隔離，就係一間吉房，入面擺住左幾張枱同一堆零食…
「阿哥話一陣可以係度溫書」「我地…」同姊妹傾左一陣，就坐左係入面溫書。
「盈盈，聽日我地…」其實冇跳成個禮拜我都驚跳得唔好，但屋企天台又熱…
「依旋…」「係？」「間舞蹈室唔通…」依旋好似食左誠實豆沙包咁講哂出黎…
「你阿哥佢…」「我諗佢真係想你做我阿嫂嘅」阿嫂？，會唔會講得太遠呢？
「姊妹們聽日得閒架何？」「我可以」四個都答應左練習嘅請求，第二日就…
「拉筋」樂愛帶住我地四個一齊拉筋，而依旋係呢個時候都著住運動裝入黎。
「依旋？」「我都想一齊拉下筋，唔洗理我」佢跟住我地嘅動作，手法純熟…
「樂盈，你地練下表演先，我地同依旋練下」易心好快就走左去依旋隔離。
過左大約一個鐘，冇做幾日運動嘅我，已經練到有少少攰，要抖一抖先得…
「做得唔錯喎依旋，你有冇諗過學芭蕾舞？」中一先黎學係有啲遲，不過呢…
啪啪啪…，後面傳黎一陣又一陣嘅拍掌聲，原來係影天，佢仲著住校服。
「樂盈真係跳得好好，不如再跳多次比我睇？」影天嘅說話一直都朝住我講。
「喂阿哥，有異性冇妹性得好明顯呀你」「咩呀」影天開始臉紅紅咁望住我地…
十分鐘之後，成個表演就結束…，影天望住我嘅演出好似有啲心心眼咁…
「覺得點呀？」「樂盈有少少喎」「係咩…」係企我隔離嘅依旋留意我嘅轉變…
「好啦，依家都好晏啦，快啲開始溫書」我感覺到自己嘅尷尬，所以搵窿捐。
「樂盈，可以同你地一齊溫書呀嘛？」「可…可以嘅」影天聽左我地嘅行動，之後就問我地呢個問題，之後就用五分鐘來回我地嘅位置同佢間房，佢呢科係…
「樂盈，你會唔會識呢啲野？」佢指住左其中一條題目，都算係我嘅強項黎。
「呢個係…」用左差唔多五分鐘去答佢嘅問題，之後就繼續幫依旋補習。
「盈盈…」芝詩突然間叫左我一聲，佢地嘅問題係…「你覺得影天點…」
「咩…咩點，好平常咁幫佢補習炸嘛」冇野需要答佢地，所以就自己溫書…
咔…，唔知過左幾耐，係大門果邊傳黎左開門嘅聲音，之後就聽到兩個稱呼…
「老爺、夫人」「咦，嘩，原來八點架啦」依旋好快就爆左呢個聲音出黎…
「影天、旋旋，你地係邊呀」「媽咪！」「咦，你地有朋友上左黎呀？」好快就見到伯母自己一個出現係我地門口，而佢望住隔離果間房，望到有少少出神…
「間房…」「唉吔媽咪你都攰架啦，我幫你按下摩」依旋好快就帶走左伯母。
「呀，你地會唔會留係度食飯？」好快就比呢個難題考起，不過我都冇野做…
「佢地會呀」影天唔到兩秒鐘就為我地回應，而芝詩就好似奸笑左一下…
----------------------------------------------------------我係分隔線--------------------------------------------------------------------------------------
成個月冇出故唔好意思，因為個故想執下先出，同埋聖誕新年假去左上堂，完全冇時間執，Sorry各位讀者朋友
個故應該冇咩問題架啦，請大家繼續支持我寫嘅故!!!