起舞吧!愛與舞蹈的感覺: 5
「大煩惱大煩惱」對住呢個唔係太有感覺嘅男仔追求，當然要搵救兵傾下。
「你咪落去睇下佢想做咩囉」「你兩個識左唔係好耐，咪同佢做住朋友先囉」係姊妹們嘅回復，考試左差唔多半個鐘，我決定都係落去睇下佢想做咩…
「影天」行左去佢話比我聽嘅位置，就見到佢坐左係度，真係等左我半個鐘？
「樂盈你終於黎啦」係佢背後有班男仔，笑咪咪咁望住我，oh…，我中左伏？
「你…想…做…咩？」嚇到我都走唔切，之後就坐低聽下佢約我出黎想點。
「其…實…」佢手上面拎左一份好似幾貴重嘅禮物，係張枱度慢慢推比我…
「我好仲意你，可唔可以做我女朋友」一口氣冇斷過咁講出黎，吓，女朋友？
個腦即刻斷線，我同你識左…一個禮拜都冇，野都冇講多過一百句，女朋友？
我個腦一直轉一直轉，都諗唔到我同佢經歷過啲咩，佢係會仲意我，救命…
鈴鈴鈴…，電話響起為芝詩設定嘅鈴聲，一下子反應唔切嘅我都即刻聽左…
「芝詩？」「樂盈你係邊呀？」「海之戀，咩事？」「冇，我有野唔識想問你…」一直傾左差唔多十五分鐘，傾完果一刻見到影天仲望住我，究竟點復佢好…
「死…，岩岩唔記得同芝詩求救」係度納悶緊果陣，係遠處嘅扶手梯見到…
「麗晴！」叫住係遠處行緊過黎嘅身影，佢一面傻咁望住我，應該係睇唔到…
「盈盈你係度嘅，咦，呢位係…」「我叫劉影天，係樂盈嘅男朋友」BOOB，我個腦即時大爆炸，男…男…男…朋友，我幾時應承過你，係呢段時間我都未…
「喂，你真係應承左佢？」「冇呀，冇呀」係麗晴面前當然要即時否認，但…
「真係？」影天好快就反應過黎，嗯…，麗…麗晴點解要係度爆我出黎。
「冇…冇呀」即刻否應左影天嘅問題，亦都跑離佢地身處嘅位置。
「盈盈！」從後面傳黎麗晴嘅叫聲，而且把聲仲一路跟住我，仲係度跟住我？
「麗…麗晴，咩事呀…」「你唔係仲意佢咩」係度企係度一分鐘，都答唔到佢…
鈴鈴…，樂愛？，佢唔係補緊習咩，點解依家有時間打電話過黎？
「點呀樂愛？」「你同影天咩事？」「咩…咩」係度暗地問自己，諗緊點回應…
「你唔係補緊習咩？」麗晴唔到兩秒就問左呢個問題，原來佢岩岩落堂，咁…
「係盈盈屋企等」麗晴再次為我回答芝詩嘅問題，而我亦都同佢返左屋企…
「好啦，快啲從實招來」芝詩到左果陣…，樂愛同易心跟左係佢後面。
「做…咩咁齊人，哈…」完全唔識回應佢地嘅我，只可以以笑帶過呢個問題。
「咦，點解你兩個帶左書包黎嘅」「我地兩個黎盈盈度住一個禮拜呀嘛」之後好似完全唔記得呢個問題嘅佢地，一路傾緊返學同跳舞嘅問題，直到…
「嘩，八點架啦，我阿媽打比我食飯，走先…」「你兩個點？」「我同阿媽講左早一日過黎，所以冇問題」「但係我…」得芝士一個留低，所以好快我地就…
「食咩？」「就…」叮…，去食飯之前就收到影天嘅訊息，吓…，盈盈豬？
「做咩咁嘅…，噗哈哈哈…」芝詩係我隔離好大聲咁笑左出黎，之後就收到…
「盈盈豬😏😏」芝詩呢個訊息，就吸引到其他姊妹上水食花生…
「嘩，好進取喎」「樂盈😏😏」訊息量大到我個腦都開始hang機，盈盈豬…
叮，好快又收到佢嘅訊息，我…我…我…，個人定左格差唔多半分鐘，跟著…
「樂盈，你冇事呀嘛」芝詩係我身邊叫左一聲，但其實手機上已經有…
「盈盈，你依家得唔得閒」聽左電話唔到一秒，影天嘅聲音已經傳到耳邊。
「你…想…點」估唔到一個禮拜時間，由佢口窒窒變到依家係我口窒窒。
「我想同你道個歉，不如你落黎樓下一齊食飯？」嗯？，幾個鐘變化咁大嘅？
「咩事呀？」芝詩用口型係旁邊問我呢個問題，跟住我就講返岩岩嘅野。
「我同你一齊去」「好…，你想係邊度食」好匆就到左佢身處嘅餐廳，嘩…
「樂盈，請坐…」好似冇咩大問題，而芝詩亦坐低左係我隔離，睇住餐牌笑…
「岩岩我…」「唔該」影天一出聲就比芝詩打斷，吓…，我未落得單喎。
「岩岩係我太衝動，但係我…」「你你你你，係咁你咩呀」噗，芝詩你想玩咩！
「其實第一眼睇到你表演已經迷上左你嘅舞步，但係又…」「阿哥？」係門口突然傳黎一把女聲，向著眼前嘅三個男生叫左一聲，邊個係佢阿哥？
「依旋？」影天叫左眼前少女個名一次，之後就見到少女捱落去佢膀頭。
「阿哥你係度」「咦，係樂盈師姐？」咩話，呢個女仔識得我，咁應該係…
「你…好…」慘啦，我個腦由轉緊變到慢慢轉，再到依家又hang緊機…
「妹妹你點識樂盈架？」係度食緊餐前小食嘅芝詩問道。
「我係黃如中學學生呀嘛，之前見到樂盈師姐係台上面攞獎，係呢，點解你會同哥哥一齊嘅，哦，你地拍拖呀？」呢個小妹妹好似開籠雀咁係咁講，但係…
「我…都想呀，依旋你幫下手」影天好快就復左自己個妹，喂，你好茅囉…
「阿哥你真係，哈哈」依旋佢好快就落左單，係度不停講我係學校嘅野出黎。
「樂盈師姐，想問下你覺得我阿哥點呀？」一邊諗一邊期待住食物快啲到…
「Er…」「肉醬意粉」黎啦，我個餐終於都到，可以避左呢個可怕嘅問題。
「嗯，師姐中三課程難唔難架？」「係喎，你讀咩班架」芝詩好快就食哂佢個飯，不停係度同依旋傾緊計，不停係度拖延時間。
「我，我係1A班，但只係中間位置囉…」「咁不如叫樂盈幫你補習…」Boob，芝詩你係唔係想我死…，叫我同呢個小魔怪補習，仲要係佢阿妹…
「真架真架」跟住芝詩提到我係全級頭五，我可以即刻宣佈死亡…
「咁就交比你啦樂盈」傾左成半個鐘都冇出聲嘅影天，即刻講左呢句…
「我…」「好呀，樂盈姐姐電話係？」促成成件事嘅芝詩，好快就比左電話佢…
叮…，我手機即刻收到黎自依旋嘅WhatsApp，仲有一份岩岩派嘅測驗卷…
「依旋你…」「唔駛急架，我返去先，星期一見啦姐姐」一蹦一跳咁就走左…
「佢都好活躍下喎」「係…係囉…」睇住眼前嘅測驗卷，又望下前面嘅影天…
「你收開幾錢架？」影天又彈左個思想炸彈黎，我都未幫人補過習點知價…
「300一個鐘」芝詩好快就幫我答左，300蚊…，同我地跳舞個價差唔多…
「我比夠400蚊你啦，麻煩哂」佢即刻係銀包拎左一個月學費比我，會唔會…
「樂盈你考慮下我啦，夜啲再搵你」佢拋低左呢句同今餐嘅飯錢就消失左。
「抵啦，你可以交到一個月學費啦」係旁邊大呼大叫嘅芝詩，已經比人望住…
「我都唔知點…」臨急臨忙就話要幫人補習，仲要係有少少仲意左佢嘅細妹…
「我星期六日都得閒，隨時約我」呢個訊息，令我成晚都訓唔著，究竟點算...