起舞吧!愛與舞蹈的感覺: 序章
「盈盈，我地走先啦，聽日見」背後傳黎「芝士」嘅聲音，佢地已經準備走…
「咁學校見，呀…」講完呢句準備大鞭轉果陣，隻腳突然抽筋，睇黎要休息...
佢地三個笑住咁扶我去更衣室，途中諗起聽日要交果份功課未做，失策添！
「係喎，你地做左中文作文未？」「吓，係聽日交咩？」返屋企途中問左一次佢地，咦…，唔通係我記錯，明明係聽日交呢份功課，但係大家都冇記憶…….
「盈盈你到啦，一陣係班群問下大家，88」係屋企樓下同佢地講再見，個心就有少少唔舒服…，唔通真係自己記錯，定…，唔諗啦，聽日定後日交都做先啦!
叮叮，電話嘅通知聲令我係幻想中抽返黎，咦，有個聯校匯演，音樂同舞蹈？
「係識男仔嘅好機會呀!!!」易心一直都想識男仔，都估到佢想講咩架啦！
「睇真D男仔嘅質素先，雖然我地係讀女校，但都唔可以咁隨便架」芝詩嘅一條訊息就令我笑左出聲，望住眼前嘅作文，一路諗就一路復佢地，轉眼間就…
「十分嘈 誰亦聽不到申訴」一直係鬧鐘鈴聲嘅歌，就提醒我已經到返學日子…
「又到星期一，點解…」鈴鈴鈴…，係我自言自語果陣，比電話嘅鈴聲打斷…
「芝士咩事」「盈盈你冇睇massage咩，份作文點算…」係呢個時候，不禁慶幸自己琴日做左呢份功課。
「返學校再做囉，食飯之後先交」「嗯…，到時你要教下我」「5…」食住飯枱嘅早餐，個腦就諗緊今日放學有咩需要做…
「我返學啦」向住空無一人嘅屋企叫住呢句話，心諗今晚會唔會見到屋企人…
「呀盈！」去到商場突然傳黎另一把叫我嘅聲，咦，麗晴佢唔係住荃灣架咩…
「晴晴你係度嘅？」「今日學校假期咪黎食早餐，順便去學校練舞，係呢…」突然傾起琴日嘅海報，嗯嗯嗯，我都有D期待，呀…，就黎打鐘，要返學校先！
「我放學再搵你呀晴晴，要趕返學校先啦」「呃，咁放學再傾」道別後跑返去…
「嘩，你依家先返到嘅」「岩岩撞到麗晴咪傾耐左囉，好彩趕到炸」傾左兩分鐘就打鐘，第一堂係…，大獲，小息之後上體育堂，只係帶左一陣跳舞嘅野添…
轉眼間到左小息，周圍撲都撲唔到體育用品，唉，唯有一陣搵體育老師認錯！
過左個沉悶嘅體育堂，好快就放學，咦，麗晴點解會企左係學校門口，唔通…
「呀盈你地終於放學啦，今日老師話要早啲去教室，快啲行啦」比麗晴拖住跑去跳舞學校，好似好大陣象咁…，唔通係關琴日果張海報嘅事？
「你地到啦，入黎教室briefing完先換衫」跳舞老師好快就叫我地入課室，再講成十分鐘，嘩…，今次呢個匯演咁大，我地依家排緊嘅舞真係唔夠做喎…
「我知你地諗咩，仲有兩個月時間，排隻新舞都趕得切，今次呢隻舞我想樂盈你做領舞！」老師講左呢句之後，我個腦空白一片，我…我…我做領舞？
「老師，我做領舞？」「係，你冇聽錯」再三確認之後，身心都好興奮，但係…
「終於得左啦盈盈」「要加油呀」大家嘅鼓勵說話隨即就到，嗯，要加緊練習！
「大家快D去換衫，一陣出黎開始排舞。」大家都去左更衣室換衫，我就一路換一路諗緊…自己究竟係唔係可以做好領舞呢個角色，直到排練果一刻仲係…
「樂盈」不停聽到一把聲叫我，但腦海中仲係空白一片，直到芝士拍左我一下
「係…」「岩岩呢步你調轉左跳，你試多次」老師講完就試多一次，之後一直到落堂，麗晴同另外兩個朋友去左換衫，我就繼續留低練返岩岩老師講嘅舞步。
「盈盈，岩岩都練左三個鐘，一齊去食飯啦」「我想練多陣先」不停地來回幾句，直到老師出現係課室門口，溝通左幾句之後便準備走人…，好攰呀…
「今晚食好D囉?」麗晴指住手機上面嘅一間餐廳，係海之戀商場嘅韓樂。
「我想食炸雞呀！」「喂喂，我地就表演啦」「聽日放學都要繼續練，唔怕啦！」比芝士嘅說話下帶到韓樂，之後就見到眼前多左兩個熟悉嘅身影。
「凱桐，樂愛，你地黎食飯？」「係呀，見今日屋企唔煮飯咪黎呢度食囉，你地岩岩練完舞？」「係呀，不如一齊坐囉」芝士嘅說話下，我地就轉左張五人枱。
「凱桐你地會唔會參加呢個匯演」「我地果班都會呀，不過就…」一直做開領舞嘅樂愛，因為今次表演主題嘅關係失去領舞位置，但就造就佢成為首席伴舞。
「你講真架盈盈，恭喜你呀！」聽到我成為領舞之後就起閧，真係好大壓力。
「唔緊要啦…」「韓式炸雞」講左唔知幾耐，落單嘅食物一一黎到，芝士你…
「洗唔洗咁高卡路里呀…」「五個人食差唔多啦，為盈盈做領舞慶祝下都要！」真係多謝哂呀芝士…，唉…，一陣係天台練多一個鐘，消化下D炸雞先…….
「好飽呀!」「嘩，成九點架啦，返去囉！」凱桐嘅說話帶我地返到現實世界，呀…，聽日仲要測驗，溫書重要過跳舞，快啲返去溫返三個鐘先……
「我返黎…」「盈盈你返黎岩啦，有冇諗過暑假去邊？」「爸B媽咪，你地終於返黎啦！」跳到佢地身上，終於可以忘記一切…，呀，我仲要溫書準備測驗。
「我要溫書先啦，旅行果度比我再諗諗」好快就返到房，梳洗準備溫習之路。
「呼…」叮叮…，岩岩好溫曬書就見到樂愛就比左建議我，係領舞嘅建議呀！
「有冇時間傾兩句…」差唔多十二點半，聽日仲要返學，但真係要搵人呻下…
「喂樂愛…」「不如你聽日睇下我跳成點…」雖然聽日放學有活動，但都係……
「嗯…嗯，咁聽日你黎我屋企天台」呻完都已經一點，要抖足精神準備測驗。
轉眼間就放學，完左圖書館服務之後就即刻返屋企，嘩，做咩四個係齊到……
「點解凱桐你地…」「放左學咪搵樂愛傾計，傾傾下先知…」大家由學校傾到我屋企，休息左半個鐘之後就開始練舞，今日一定要做到領舞嘅基本元素！
不停練不停練，好快就兩個鐘，大家都比左唔同意見我，呼，應該都夠表演…
「我阿媽叫我返去食飯，聽日見！」最後剩返麗晴同芝詩，不如今晚girls talk?
「有咩食」「都係果啲炸，不如一齊煮？」上過家政嘅我地，好快就打完仗。
「嗯…」「盈盈你理想中嘅男朋友係點架？」食飯期間，芝詩彈出個咁嘅問題。
「下，er，夠charm，見到佢好似見到金咁囉」都唔知點解好，諗都冇諗過！
叮，又有新訊息，今次係匯演次序，我地前面係樂團演奏，有雙簧管呀…
「唔知個男仔會係點架呢！」係我發花痴果陣，其餘兩個人一直望住我偷笑