巴士上的那個女孩 (SM?甜故?): 《第陸幕》

『喂，你啱先都幾勇喎。』
一把好豪爽既女仔聲喺我後面個位傳出嚟…
而呢把聲我諗都無諗過會聽到既聲…
仲要係由一個我期待咗可以同佢講嘢既女仔講咗出嚟…
係我既巴士女神啊…
佢主動同我講嘢啊！！！
呢一刻就好似一支存咗好似耐既紅酒一樣，喺最好味既時刻被人開咗樽咁。
一個字：“爽”啊！！！
『邊有幾勇啊…正常人見到都會咁做既』
我決定今次要鼓吹勇氣去問下佢…


『呢班喺XXX巴唔見妳既？』
『你又知我嗰班巴士既？你唔好話畀我知你其實係嗰啲巴士痴漢啊？哈！』
我屌啊，我唔係痴漢啊，呢啲緣份。OK？緣份…You know？
『咁梗係唔係啦，只係覺得好似係喺XXX見過妳啫，可能認錯人…』
我用盡全身既力企咗喺身，個情況就好似係小朋友企喺老師面前一樣…我行咗去佢隔離坐低咗。
『喂，邊個畀你坐我隔離㗎？你仲話你唔係痴漢！』
『小姐啊，有邊個痴漢會喺巴士捉人鹹豬手㗎？我係見妳同我講嘢，我又要擰轉個頭答妳，條頸好攰㗎嘛…』
『咁痴漢先生，你叫咩名啊，你都唔想我係咁咁樣叫你㗎嘛？』
『我叫阿Jack，咁妳呢小姐？』
『喂，我要落車啦，有緣既話你知我叫咩名啦～』


我頂啊，咁畀佢甩咗身…嗰一晚我哋都係無一齊落車。