巴士上的那個女孩 (SM?甜故?): 《第肆幕》

嗰晚之後，我哋結果都係唔同站落車。
嗰種既感覺就好似打bowling既時候，明明已經係一條好靚既弧線，但係去到最後只係撞跌一個樽咁…
失落既感受再一次涌現。
只從嗰晚之後，我已經數唔到幾多日無喺任何一架巴士上面遇上過呢個女仔。
但係今晚…我早咗好多放工，上咗架已經變成咗沙甸魚罐頭既巴士。
我再次見到佢…可惜既係我同佢中間隔住咗個麻甩佬同一個女仔。
個麻甩佬係背住我既，個女仔就面對住我，雙條友門神咁企喺我面前。
當架巴士上咗高速既時候，我一路耷低頭咁玩緊電話，突然之間見到個麻甩佬喺度用手背掃緊個女仔既大脾…
我仲諗緊應唔應該出聲既時候，我見住個麻甩佬開始係用手掌愈摸愈近大脾內側…
我抬一抬起頭，望到個女仔對眼…有啲迷離，有啲享受…，


突然佢嬌嗔咗一聲，我諗應該係已經摸到去敏感位置。
我唔知到底係玩緊情侶玩緊痴漢play啊定係定真係真係非禮…
我再一次望實個女仔既雙眼，我見到佢開始有眼淚…雙眼充滿住無奈…同埋求救。
佢下一個動作就突然間好電影慢鏡頭咁拉低咗口罩…
合埋咗對眼…
用口型講句『救我…』

我決定唔理三七廿一，我一隻手用電話開咗錄影影住個麻甩佬隻手，另一隻手用盡力捉住咗佢隻手，氣運丹田大大聲講講幾句
『你隻手做緊乜撚嘢啊麻甩佬，我已經影撚咗你非禮呢個女仔。』
『可唔可以搵人幫我報警？』


『司機，有人非禮啊』
個女仔嚇親咁望住我…好細聲咁講咗句多謝，之後就大聲咁喊咗出嚟…
而我既巴士女神就只係望一望住我，笑咗一下…