交唔到租，唯有同死對頭一齊住: （18.1）

這晚，陳凱婷在床上翻來覆去好幾個小時才產生了一絲睡意。

正當她終於昏昏沉沉入夢之際，鍾倩羚這時才好死不死致電過來，把人嚇得一個鯉魚打挺醒過來。

陳凱婷趕緊把電話撿起來調到擴音，仰著臉重新躺下，神色疲倦。

原來已經凌晨四點多了。

靜了三秒左右，鍾倩羚訥訥開口：「……你點解仲未瞓嘅？」





……人都被你吵醒了，你還好意思問嗎？

「你呢？」她盯著天花板上晃動的光影，思緒一團糟，沒有正面回答對方的問題：「點解唔瞓？」

「瞓唔著啊……而且有啲悶。」鍾倩羚那邊傳來被子摩挲的聲音。

她接著說：「平時瞓覺之前都習慣㩒下電話……但而家都刪曬啲嘢咁滯，我又唔敢再上去睇。」

網絡世界太可怕了。





陳凱婷逐漸回過神來，不鹹不淡地哦了聲。

鍾倩羚卻像是想起了甚麼，一時沉默。

過了一會，她撐著身體坐起來：「你仲記唔記得張靜宜喺打邊爐嗰晚問咗我啲咩？」

陳凱婷心想，都差不多一星期之前的事了，誰還會記得？

「她佢問我，我出去讀咗咁耐書，但之後反而自己一個返嚟，唔會唔捨得朋友咩？」





陳凱婷嗯了一聲，記憶之中好像還真有這回事。

「我根本就冇朋友。」鍾倩羚自嘲地笑了一聲：「又會有咩牽掛呢？」

明明是大半夜，可鍾倩羚的思路卻異常清晰，把人生的起起伏伏都組織成一份報告了，像是醞釀已久的心事終於來到一個臨界點，最後一五一十地在陳凱婷面前攤開。

「我成日都唔明，點解我要刻意討好身邊嘅人呢？點解要逼自己去參與一啲根本就冇興趣嘅話題？」

這些年裡，鍾倩羚不怕承認自己性格硬說話衝，亦懶得左右奉承，可她永遠都抱著河水不犯井水的態度獨來獨往。

結果呢？

小學被排擠，留學被欺凌。

然後，一升上大學就被攻擊了。





她愈說愈認真：「點解唔合群嘅人，就注定要俾其他人欺凌呢？」

夜深人靜，情緒翻湧，陳凱婷一改平日的牙尖嘴利，同理心泛濫到極致。

她輕輕嘆了一口氣。

「群居動物，排擠異類係天性掛。」

鍾倩羚吸了吸鼻子：「我只係唔明，點解會有人想害我呢？」

陳凱婷小心翼翼地問：「咁如果我哋搵到嗰個扮你嘅人……」

「搵到嘅話再算啦。」